【極品上司】要求員工例行OT、秒覆訊息!打工仔:有人唔肯就範 最後⋯⋯
有人說「返工受氣是人工包」,相信每一個打工仔都曾經聽過。作為員工受薪做事,當然要做好自己的本份,盡可能都滿足上司的要求,不過是否要滿足他所有的要求?最近網上討論區有打工仔分享有關一個上司的事跡,表示他會要求下屬例行OT、秒回訊息,「有人唔肯就範,最後⋯⋯」
點圖了解更多打工仔分享:
延伸閱讀:【面試攻略】見工被問上一份工離職原因 6大模範答案得HR歡心
延伸閱讀:【職場英語】學會英文客套話 不再被字面誤導
打工仔分享:利申返先,我有朋友喺嗰度返工,已經想走佢諗住叫我Refer佢入我公司做。佢間公司個經理之前係Senior,能力好強,樣樣都想要第一,咩都要領先,咩都要最好,講到明條Team每個人每日至少要OT一個鐘。
話就話五天工作制,但星期六日都照搵你,仲要求你即刻覆訊息,放假就等於Home Office。曾經有個下屬能力唔錯,交到功課,但就唔肯OT,個上司就同佢講一個星期後係佢Last Day。個上司仲幾嚴肅同惡,因為喺工作時間,啲員工係連閒偈都唔敢傾半句,更何況係做其他嘢。條Team本身另外有兩個經理,都畀佢迫走埋。」
網民回應:
A/你做邊行,係唔係做Audit?
B/出面有啲工,人工得萬三、四蚊,但都係管得咁煩
C/個上司係男定女
D/轉工啦,有能力一定搵到嘅,使咩畀佢當奴隸咁使
E/有啲人生命真係只係得公司,遇過一個Lunch唔食,只係放例假,早三個鐘頭開工,遲三個收工,跟住佢真係慘過死
F/個上司應該要創業啦,打份工咁搏為啲咩
G/點解要即刻覆先?佢可以用咩理由嘈你先
H/佢係咪以為間公司有佢份
I/返工認真就輸了
J/做Senior最緊要係識管人,個個下屬有佢咁勁,啲下屬就唔需要做佢嘅下屬
K/我只係見過啲能力好強、好惡、要求好高嘅人,叫人唔好OT,因為佢咁高效率計,OT只係浪費生命,又唔係自己做老細
L/經理仔咋喎,我畀佢做到Director又點,被炒嘅人要玩,就直接Send Email話畀HR話強制OT,OT除非補鐘,邊有可能講到所有OT都係員工自願
被要求例行OT 有否法例監管?
在現存的法例並沒有「標準工時立法」,因此沒有對於超時工作補償的監管,超時工作的薪金安排需要由勞資雙方協商。如果沒有特定的協議,員工完成當日的工作,就可以遵照僱傭合約所定的工時,準時下班。若果遇上上司無理要求加班,可以向人力資源部門申報,向他們求助。另外,如果員工遇上不公平的對待,可以向勞工處求助。
全球每週最短的工時排行是甚麼地方?(點圖了解更多)
點圖即看日本有關工時與相關法例的安排!
延伸閱讀:【見工奇遇記】問職業前景卻被面試官黑面?求職者衰講多咗●●兩隻字
延伸閱讀:【見工面試】求職者常遇到的4類測試