【晚年失業】64歲被即時解僱得7日人工賠償？網民：快啲搵勞工處！

CTgoodjobs' Editor

Published: 2025-04-02 17:49

Updated: 2025-04-02 20:27

在職場打拼了大半生，60多歲本應是準備安享晚年的時候，然而職場瞬息萬變，失業的危機往往令年長打工仔措手不及。近日，一位64歲的打工仔在社交平台「Threads」分享了自己被解僱的經歷，指他在公司工作了20年，賠償金只有7天的薪金，令他不知所措。該公司的做法符合勞工法例嗎？

即看事主分享及網民回應：

+16

+15

事主：64歲，晚年失業。4月1號收到被即時解僱嘅消息，好突然，補7日人工畀我，就要我走。我公司係外判承辦商，完約又請過，變咗最長都係3年。

大大話話都喺度做咗20年，已經有一定嘅生活模式，之後嘅日子點過，要唔要再搵工返？年紀咁大仲邊有人請？

仔女又失業，有個仲讀緊書，成間屋得返一個人有工返。好彩有個瓦遮頭，起碼唔使怕冇地方住，但係仲有保險供緊，一年幾萬蚊。

網民A：有啲公司每到18個月簽一次合約，中途再放多幾日假先再同你簽新合約，做20年都係新員工。

網民B：快啲搵勞工處！你有長期服務金同一個月代通知金，唔會補7日糧咁少！

網民C：就65歲，可以拎長者生活津貼；另外應該有強積金，提早拎出嚟應付生活開支。

網民D：走法律罅，一個做20年嘅員工得返新人嘅福利和保障。

網民E：搵勞工處了解清楚你嘅權益先，7日好似太少？

網民F：喺香港做20年會有長期服務金，如果佢唔肯畀，你上勞工處告佢啦！

網民G：如果你仲係家庭支柱，要搵錢湊屋企都冇辦法。以而家嘅情況，除咗傳統工種（例如保安、飲食、清潔）之外，都比較難搵正職，倒不如試吓其他嘅工作模式。有心唔怕遲，唔好畀而家嘅困難打倒。

網民H：咁有遣散費補㗎，佢炒一定有㗎。佢係唔係見你平時嘅工作態度，諗住你好恰？

網民I：仔女又失業？叫佢哋搵工啦，中青年搵工點都易過你60幾歲去搵。

網民J：基本上5月前應該好多類似Case，班無良僱主5月前會做嘢，之後再請返啲人。

網民K：考返個保安牌，嗱嗱臨快啲返工，大把70歲嘅人都返工，有工返你就唔會諗其他嘢。

網民L：64 歲都唔係一個小數目，有好多公司55歲都要你轉合約制，其實要做定兩手準備。

了解勞工法例保障合法權益

帖文一出，即引起網民熱議。不少人認為賠償金太少，建議事主向勞工處求助，保障自己的合法權益；有網民指出，事主的公司利用合約制的漏洞，導致事主無法享有與20年年資相符的賠償；亦有人提議事主轉行從事物業保安等較能接受年長員工的行業，或嘗試其他工作模式。事主的經歷反映了香港職場對合約制員工的保障不足，也提醒打工仔要及早了解勞工法例，以免權益受損時求助無門。

《僱傭條例》規定領取遣散費或長期服務金的資格：

補償項目	遣散費	長期服務金
受僱期	根據連續性合約受僱不少於24個月	根據連續性合約受僱不少於 5 年
須符合的條件	僱員因裁員而遭解僱	僱員遭解僱，但並非基於以下原因：因犯嚴重過失而遭即時解僱因裁員而遭解僱
	有固定期限的僱傭合約在期限屆滿後，因裁員的理由沒有續訂合約	有固定期限的僱傭合約，在合約期滿後不獲續約
	僱員遭停工	僱員在職期間死亡
		僱員因健康理由而辭職
		65 歲或以上的僱員辭職

遣散費或長期服務金計算方式：

1/ 如僱員的僱傭期沒有橫跨2025年5月1日（即取消強積金「對沖」安排的生效日期）（下稱「轉制日」），或僱員不受強積金制度或其他法定退休計劃涵蓋，整段僱傭期的遣散費或長期服務金按以下方法計算：

月薪僱員	（最後一個月全月工資X 2/3）X可追溯的服務年資
日薪或件薪僱員	（僱員最後工作的 30 個正常工作日中由僱員選任何18天工資）X可追溯的服務年資

2/ 如僱員的僱傭期橫跨 2025年5月1日，其遣散費或長期服務金會以轉制日為界，分為轉制前（即轉制日前的服務年資）及轉制後（即轉制日起的服務年資）

兩部分，計算方法如下：

	轉制前部分	轉制後部分
月薪僱員	（轉制日前最後一個月全月工資^ X 2/3）X轉制日前可追溯的服務年資	（終止僱傭前最後一個月全月工資 X 2/3） X轉制日起的服務年資
日薪或件薪僱員	（轉制日前最後工作的 30 個正常工作日中由僱員選任何18天工資）X 轉制日前可追溯的服務年資	（終止僱傭前最後工作的 30 個正常工作日中由僱員選任何18天工資）X轉制日起的服務年資