Next
【疑似中伏】30歲獲朋友介紹新工！豈料對方即離職？網民：似搵緊替死鬼⋯⋯
【疑似中伏】30歲獲朋友介紹新工！豈料對方即離職？網民：似搵緊替死鬼⋯⋯
2024-08-05
俗語有云「人情薄如紙，人心狠如狼」，你會選擇相信這句話，還是身邊的人？有台灣打工仔在網上討論區Dcard分享個人經歷，指自己被朋友邀請，到新公司上班，豈料對方居然馬上離職。對此，網民紛紛提出自己的想法：「像在找替死鬼⋯⋯」
點圖了解更多事主分享：
事主：「我年過30歲，當初經朋友介紹，入咗初創公司，因為覺得間公司嘅行業有前景，都係我有興趣嘅領域，加上朋友都年近半百，我覺得佢有分判工作好壞嘅能力，到而家佢都仲做緊，證明份工唔差。
點知，我入咗公司冇耐，佢就遞信辭職。咁都算，人生選擇我會尊重，但公司人事變得太快，人離職冇人補佢個位，搞到我一開始就畀人加咗好多Workload，都係一啲助理類嘅工作，仲畀人拉咗入上級爭鬥嘅風暴。（明明我入嚟嗰陣係話做資深行銷，原本以為可以同主管一齊制定行銷策略，可以好有趣咁玩行銷，但而家就淪為助理。因為公司好小氣，都拎唔出錢做行銷），搞到我工作量多咗好多。當初面試嗰陣，明明話資本額好大，可以上網查到資本額，朋友都話公司係好有錢⋯⋯）
雖然話有人工收，但個心情好差，工作上冇自己想要做嘅領域發揮，仲要畀業務玩，仲要應付管理層嘅鬥爭。
目前因為到職先3至4個月，前職待大概半年，就被請嚟呢度，連續兩份工嘅年資都好短，而家個心好忐忑，覺得原本自己有一手好牌但打爛咗咁，但都唔可以怪朋友，只可以怪自己當初信錯人。
而家喺度諗辦法執靚份CV，只係上嚟求安慰，睇吓有冇人有啲咁嘅經歷，最後係有好結果，畀啲信心我。」
網民回應：
A/CV內容可以盡可能將返工有冇為公司帶嚟成果或影響寫出嚟，唔好太糾結於時間嘅長短，搵工有時真係要睇天時地利。
「覺得原本自己有一手好牌但打爛咗咁，但都唔可以怪朋友，只可以怪自己當初信錯人」，有朋友去搵新創公司嘅朋友，都有同你一樣嘅經歷，只可以安慰你，千萬唔好怪自己，用幾個月時間睇清一個人都值得。
B/如果認為時間太短，喺CV寫上去唔好睇，其實都可以考慮唔寫呢份工（空窗期講其他理由），畢竟CV多數都希望有加分嘅效果，不過都要打聽清楚你想應徵嘅公司有冇做Reference check記錄。
C/呢個年頭經濟好差，唔好去啲咩新創公司。
D/朋友都走咗，你留嚟做乜，而且你而家係一人多用，免費勞工，仲唔走？
E/而家同你感覺一樣，唉。
F/CV唔好睇，建議你搵過第二份工，直接唔填呢3至4個月工作時間，直接作第二個理由就好，年資太短離職，怕會畀人問長問短。
G/感覺係搵一個替死鬼。
H/有公司只會重視你有冇戰力，所以唔會在意你嘅CV（當然離職原因都要諗吓點講）邊搵邊做，搵份好嘅再走，風險最低，我都畀新創公司荼毒過。
對於事主的分享，網民都深表同情，認為他誤信朋友。有網民不解，為甚麼事主的朋友離職後，事主仍然留在公司。有網民就感嘆，事主尤如朋友的替死鬼。談及事主對CV的憂慮，有網民就向事主建議，若怕現時離職，會令CV難看，就別將這個經歴寫進CV，用其他理由解釋就好。
朋友介紹工作給自己，想辭職會否很過份？（點圖了解更多）
即睇讀者介紹工作給朋友的中伏經歷：
延伸閱讀：【見工被問離職原因】打工仔幾份工只做3個月被指太Jumpy！HR教路3招挽回轉工頻繁形象
延伸閱讀：【面試秘笈】面試觀感有得練？1個方法教你點改善HR對你嘅第一印象
延伸閱讀：【網民職場Talk】上一份工不歡而散 打工仔教你見工點交代
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!