【散水餅】被炒應唔應該派散水餅？打工仔與同事關係融洽 想派餅但怕尷尬！網民：留返啲錢應付之後開支！

辭職的最後一天是否應該派散水餅，一直是打工仔間熱議的話題。有人認為散水餅是傳統的表現，象徵著「好來好去」，希望日後能再次相見；然而，也有一些人認為正因為在職場上感到不快，才會選擇辭職，甚至批評這種傳統不應該存在。

那如果是因為被解僱而離開公司，又應不應該派散水餅呢？近日，有網民在香港討論區發文，表示自己慘遭公司解僱，但與同事的關係相處融洽，於是感到困惑，不知道是否應該派散水餅。

按圖即看樓主分享及網民留言！

+15

+14

樓主：被炒魷魚買散水餅請同事食會唔會尷尬？始終唔係心甘情願離職，心情唔會太好！但同同事關係唔錯，請食散水餅係咪恰當？一直以嚟辭職就話請散水餅，有無人試過被炒魷都會請食散水餅？

網民A：你要諗就唔好買，好來好去先買散水餅。

網民B：我覺得唔關被人炒魷魚事，係同同事關係。

網民C：被炒仲有心情買散水餅？你有錢都用去應付下月基本支出啦！你去搵工作，好過諗買散水餅啦！

網民D：既然同事，上司關係唔錯，如果係我直頭請食tea喇。

網民E：被人炒就梗係咩都唔派，同佢哋都無親，即使同行細都唔使派，反正佢哋收咗一樣照講你壞話，慳返比較好。

網民F：被炒，當然唔會請食散水餅。

網民G：你想慶祝被人炒魷魚？

網民H：不能一概而論，如果關係良好，建議搵到工，遲啲有心情先補派。如果係惡意，其實你派唔派都一樣係中傷你。

網民I：我當年初畢業出嚟第一份工做咗2年突然被勸退辭職，我走都有買散水餅，當然我無同人講係被勸退。你被炒有無人知先，定都係勸退？如果係被炒我覺得唔使散水餅啦。如果係勸退無人知，你同同事關係好，會同你farewell，咪照買散水餅囉。但如果大家都當唔識你，又無farewell，就慳返算啦。

網民J：被炒魷魚，請同事食散水餅？咁會仲尷尬，除非你有強大的自信心啦……

網民K：從來都唔會做呢啲，啱傾就keep in touch，唔啱講多都無謂。

帖文一出，立即引起網民熱議。有網民認為，是否應該派散水餅並不取決於自願離職或被解僱，而是與同事之間的關係才是關鍵。有些網民建議事主可以在找到新工作後再考慮是否派餅。然而，另一些網民則認為在被解僱的情況下不必派餅，因為這樣做不僅不合適，還不如將錢留給未來的開支。

打工仔入職不足1個月狂收散水餅！仲有同事咁送餅！

+13

+12

延伸閱讀：【散水餅】人工得15K 公司勁多人 Last Day可唔可以唔派散水餅？

延伸閱讀：【2025開工吉日】蘇民峰推介3個蛇年開工吉日吉時！邊日開工最好？有咩相沖生肖？開工拜神儀式+ 12生肖事業運

延伸閱讀：【辭職學問｜散水餅】Last Day幾時派散水餅先好？網民提議「散水吉時」係…

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪