Next
【撤銷口罩令】成車得幾個人無戴口罩 事主：覺得自己好似異類⋯⋯
【撤銷口罩令】成車得幾個人無戴口罩 事主：覺得自己好似異類⋯⋯
2023-03-02
疫情肆虐三年後終於放緩，隨著政府宣布撤銷口罩令，大眾亦開始放下戒心。街上回歸「無罩生活」的市民陸續增加，但依然有為數不少的人繼續佩戴口罩，兩派人士的矛盾就此發生⋯⋯有網民於香港討論區發文討論，指街上行人大部分都仍然繼續佩戴口罩，而車廂中乘客佩戴口罩的比例更是懸殊，令屬於少數的無罩事主受到其他乘客冷眼相待。
即睇事主經歷：
事主：近排政府宣布咗撤銷口罩令，終於可以回歸返唔使戴口罩嘅日子。
事主：點知今日返工都係見到大把人戴住口罩⋯⋯
事主：上到車仲誇張，成車計埋我得幾個人無戴口罩！
事主：仲要有啲人用奇異嘅目光望住我，搞到好似我先係異類咁！
事主：唔好話係被政府逼，根本香港人都係喜歡戴口罩。
即睇網民回覆：
網民：見樓下晨運班阿婆阿叔都仲戴緊⋯⋯
網民：正常吖！話晒真金白銀畀錢買，存貨剩咁多，點都要用晒屋企啲存貨。而且交通工具咁多人，感覺上戴口罩會穩陣啲。
網民：確實戴口罩呢三年幾完全無病過，根本無唔戴口罩嘅理由。我坐車一定戴！
網民：喺巴士上面，目測九成以上乘客都仲係戴緊口罩，包括我。
網民：繼續戴口罩，就係反政府行為；唔戴口罩，就係支持政府德政。
網民：長年累月要求政府解除囗罩令，原來個個都係得個講字，結果係自己想戴。
網民：點都要適應期嘅。依家個個驚其他人繼續戴自己唔戴會係異類。個個都咁諗，所以咪個個都會戴。過多一兩個月天氣熱啲咪會少好多人戴。
網民：如果坐你隔籬條友無戴口罩喺度狂咳，你會唔會即刻戴返？
網民：九成人都會戴多幾日，好多家庭都有幾盒至十幾盒口罩，唔用都唔知幾時用，就算唔防新冠都可以防流感。
網民：好正路啫，口罩令先撤銷咗無耐。有得揀、彈性啲唔好咩？放鬆啲啦香港人。
政府最近突然宣佈撤銷口罩令，大眾市民尚要一段時間適應。坊間雖然有部份留言支持事主回歸「無罩生活」，但主流意見都對大眾繼續佩戴口罩的行為表示理解。始終疫情問題尚未完全解決，一時之間捨棄保障自己之物實在有違常理，先觀察一段時間，再見機行事方為上策。
除咗口罩就要執靚個樣返工見人？職場女生必學7個化妝不敗貼士：
口罩令Q&A
問：香港口罩令幾時開始？
答：本港的口罩令自2020年7月15日起實施。
問：香港口罩令幾時解除？
答：2023年3月1日起全面撤銷口罩令，不論室內、戶外，以至在公共交通工具亦毋須戴口罩。
問：哪類人士仍需佩戴口罩？
答：高風險地方例如醫院、院舍等，負責人可以用「行政指令」方式要求職員及訪客戴口罩。
問：本港社區隔離設施仍運作？
答：社交距離措施正式結束，至於社區隔離設施的去留，包括可否保存或其他使用方法，如有決定會盡快公布。
延伸閱讀︰【全面撤銷口罩令】行政長官李家超︰室內、戶外、公共交通工具毋須強制戴口罩 一文睇清細節安排！
延伸閱讀︰【撤銷口罩令】室內外都唔使戴口罩！打工仔最擔心：要做返好表情管理…
延伸閱讀︰【撤銷口罩令】打工仔有除罩焦慮症 怕以真面目示人 事主：連男同事都嚇走......
延伸閱讀︰【撤銷口罩令】老闆要求繼續戴口罩返工 事主：同未撤銷口罩令有咩分別？
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Follow CTgoodjobs for the latest career news, hot topics and recommended jobs!