Next
【搵工疑難】Expected Salary開低咗點算好？求職者提出1做法被網民阻止：觀感好差！
【搵工疑難】Expected Salary開低咗點算好？求職者提出1做法被網民阻止：觀感好差！
2024-08-14
寄CV是求職過程中的第一步，但亦是相當重要的一步，因為CV內容影響HR對你的「第一印象」，如果當中出現資料錯誤、錯字等均會令人大大扣分。一名網民在網上討論區「Dcard」發文表示，發現自己CV上的預期薪酬填錯了，更向網民透露自己的下一步計劃，不少網民聞言後急忙阻止事主，更坦言「咁樣做觀感好差！」
延伸閱讀：【試用期薪酬調整】HR問介唔介意頭3個月人工比Job Ad少 打工仔神回答 網民：學到嘢！
按圖睇到底發生咩事：
樓主：近排搵工，Send完CV之後發現自己比市價開低咗2千，嚟緊有interview，可唔可以同HR講Mark返高個Salary？
網民A：其實有可能係因為你有寫呢個價先入到圍。
網民B：咁樣畀人觀感好差，不如你In完有Offer先討價還價。
網民C：高情商HR：做嘢唔細心、溝通技巧差、有問題唔即時反映！低情商HR：早講啦，嘥大家時間！
網民D：其實真係可以有Offer先講，講話另一份畀嘅Offer係多啲，睇佢有幾想請你，決定加唔加人工，不過都可以提前啲講。
網民E：可以，不過對方應該會覺得你隨時變卦，印象分會差咗。如果有條件，揀返個開價低你2千，能力差你少少嘅人，如果個Post係請零經驗嘅話，更加唔使揀你。
網民F：冇話唔得嘅，但你要諗定唔得嘅後果係咩。到時Interview，HR畀唔到個價你，你最多冇咗個Offer（就算有，低市價2千，你都返得唔開心啦），最多都係晒咗車錢同時間啫。
網民G：到時再改，請嘅唔會因為2千搞到唔請你，唔請嘅就點都會唔請。
網民H：等佢哋開咗Offer畀你再傾，而家就嗌高個價，分分鐘連In都未必In你。
網民回應事主，坦言在獲得面試機會的情況下，再向HR表明自己有意提高預期薪酬，有可能會令對方覺得他故意填寫較低的薪金，提高自己獲得面試的機會。對於事主該如何處理，網民就指最好的做法是在僱主決定聘請事主後，再向對方表示自己已獲得另一個Offer，且薪金比這份工高，用以向僱主談判，達成加薪的目的。
睇埋：見工要求加人工，竟被HR一句拒絕？
睇埋：人工3萬嘅Hea工只是都市傳說？
延伸閱讀：【伏工奇遇記】返新工第1日無簽約 第2日簽完約之後即畀公司炒！事主：大家搵工真係要小心啲……
延伸閱讀：【筍工都quit？】打工仔列5大筍工特徵！但因4大原因逆轉唔撈？網民求介紹
延伸閱讀：【30歲前景】出席同學聚會 個個唔係老闆就係高層 自感一事無成 網民：盡量唔好再去啦！
最新專訪片︰
【星級斜槓族】Tsoul田曜誠無懼現實殘酷 任旁人嘲諷仍堅持追逐跳舞夢 冀能成為有影響力的人
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!