【打工仔心酸史】小圈子文化、返足12個鐘未算最慘？網民熱議最惡頂嘅工作環境！

CTgoodjobs' Editor

Published: 2025-08-13

Updated: 2025-08-13

香港職場以高壓聞名，不少行業長工時與頻繁加班成為常態，員工承受著龐大工作壓力，精神與身心健康往往深受損害。快節奏和效率至上的文化，使工作與生活失衡成為普遍問題，很多打工仔感受到被忽視和缺乏認可，士氣低落。職場中盛行的小圈子文化，不僅加劇團隊間的人際疏離，也帶來排斥與壓力。打工仔除了長時間工作，還要面對複雜的心理和人際挑戰。然而，在「奴工處」社交專頁上，有網民投稿表示，小圈子文化和長工時其實都不是最慘的，並分享了自己認為的「最惡頂」工作環境，這引起了熱烈討論。

網民熱議最惡頂嘅工作環境

+31

+30

樓主：好想知大家做過最惡頂嘅工係點？我先，雙重標準玩死你，同樣做一件事，其他人做就冇問題，你做就係錯。呼吸都係罪，講多句就話你「唔夠服從」。

網民A：
最惡頂係冇指示，問又唔答你，做完先話你錯兼話你冇腦。請人話要有經驗，但做落先發現要嘅係「完全符合公司獨特要求」嘅經驗（即係冇可能）。

網民B：
工作量多唔緊要！最慘係上司同同事都係極品，咁就真係冇得救。

網民C：
晚晚OT到10點，11點突然開會，第二朝9點照返。年假年年清，但永遠等到deadline先批，仲要半日半日咁放。放假都要聽電話，收工突然打嚟鬧足一個鐘，最後發現問題根本唔關你事。

網民D：
見工時，話份工係做 A, B, C tasks。入職後，原來份工係做 A至 Z tasks。

網民E：
我覺得最惡頂係冇明確放工時間，隨時on call。

網民F：
成team都係豬隊友，日日充滿負能量。

網民G：
最難頂係同事成日篤背脊，去廁所都要報告行蹤。上司又唔信你，又以為自己好醒；無料又扮晒嘢。

網民H：
冇合理升職機會，份份工都難頂。

網民I：
試過做手術請兩星期病假，返工後被「溫馨提示」唔好請咁多假，之後個個月被問身體狀況。辭職後所有病痛即刻好返！

網民J：
請病假就問你咩病，放年假又問你去邊。私隱？唔存在的。

網民K：
一日做16個鐘，月休6日，兩個月要完成「不可能的任務」，人工仲少過茶餐廳。

網民L：
做文員要洗埋公司個魚缸，結果漏電。

網民M：
同老細講想19:30去進修，佢直接話「咁你唔好做啦」（明明合約寫明11:00-19:00）。

網民N：
老細有躁狂症，講嘢永遠開到最大聲，成間office日日聽佢咆哮。

網民普遍反映，最惡劣的工作環境並非單純長工時，而是在於管理混亂與職場文化問題。大家經歷過缺乏指示、模糊工作範圍、無理要求與不合理加班，甚至年假難批且需隨時待命。職場人際關係惡劣，上司與同事態度惡劣，互信缺乏，帶來高壓和負能量。員工私隱受侵犯，病假及個人時間被苛責，晉升無門，待遇與付出嚴重不符。有些還面對惡劣安全環境及管理層濫權，身心健康飽受摧殘。

延伸閱讀：【職場八卦】同事用微波爐叮鋰電池飯盒！機身冒煙險爆炸！網民怒斥：完全冇常識！

+39

+38