【情人節】公司情人節送名貴朱古力畀員工 同事：我寧願加人工

今年的情人節在平日，不知道大家會否收到朱古力和花呢？這節日向來是一眾女士們的戰場，關乎自己面子的問題，所以大家都很擔心沒有禮物收的話，會否霸氣盡失！不過，有公司就體貼地送予員工們名貴朱古力，人人有份，非常開心，但都竟然有員工不太欣賞……

延伸閱讀：【職場文化】張枱垃圾崗咁亂！被老細點名要執枱 打工仔不忿：我係亂但做到嘢！

有網民在討論區Dcard上以「搞咁多嘢，我寧願加人工……」為題，分享指公司很重視節日，逢大節日必有表示，去年情人節更送了名貴朱古力予員工，不少同事都挺開心，不過事主似乎不太在乎這些「小恩小惠」，可能他還是覺得「錢才最實際」，所以寧可加人工，都不想要這些小禮物。

即睇事主分享及網民回應：（按圖了解）

事主：「公司好鬼注重儀式感，每逢節日都一定會有啲活動，例如情人節就派一人一盒名牌朱古力，其他節日都有其他回饋員工嘅活動，但係重點係，人工真係低到不得之了，仲要兩年都冇加過，講真，節日派treat唔係唔好，但係你派嘅嘢，未必個個人都啱用或者鍾意，咁不如，用呢舊budget加人工畀我哋呢班社畜好過啦……」
網民：「我嗰間情人節咩都無，有盒朱古力已經好好了！其他節日淨係識得話可以早啲返屋企。」
網民：「same，以前公司會圍內搞春茗，好彩嘅會抽到幾千蚊，大時大節又會有糭券、月餅券、年糕券等等，但啲福利就係勞工處最低標準。」
網民：「啲公司係咁，係都要逼到人辭職跳槽先肯加薪留人，但係人哋已經搵咗另一份，唔使留喺度。」
網民：「好過無啦！唔忿氣就搵份人工高啲嘅。」
網民：「公司立場嚟講：節日搞活動用得幾多錢呀，又唔會用公司太多錢，又唔使自己搞，只要畀意見就有人幫手處理，又可以增加員工團結精神，又可以特顯公司美好形象，一舉兩得。人工就唔同，加咗之後，每個月多咗要畀嘅錢之餘，仲要唔可以只加一兩個人，計埋都唔少。反正人工幾少都會有人做，只要個外表包裝得夠好，唔會怕搵唔到。員工立場嚟講：快啲加人工啦，人工每個月都要畀，睇死你唔會加得多，加個少少錢都唔畀，喺度搞埋晒啲垃圾活動。心諗啲活動都係我哋班員工搞啫，又要浪費時間心機去幫你搞啲咁嘅活動，又要扮晒嘢去應酬你，做得唔合你心意又要聽你念經、畀你鬧，搞完之後又唔係話會有得益，用你啲活動費用當花紅出畀我哋仲好過要我哋搞咁多嘢。做幾多嘢都比唔上錢。」
網民：「好耐冇收過公司啲禮物，夾錢買禮物畀秘書就有。」
網民：「一年無加人工就好走啦！利申：我間公司大時大節都有早放、食飯抽獎， 每個月有兩次公司請食lunch， 人工係高過正常市價少少。 不過其實聽朋友講，有更多公司福利更好。」
網民：「人工低不是公司缺點，係你缺點。」
網民：「你有無本事轉工去高人工嘅公司？」

網民分析老奉心態
其實加人工有誰不想？不過有網民就以公司的角度分析，指：「節日搞活動用得幾多錢呀，又唔會用公司太多錢，又唔使自己搞，只要畀意見就有人幫手處理，又可以增加員工團結精神，又可以特顯公司美好形象，一舉兩得。人工就唔同，加咗之後，每個月多咗要畀嘅錢之餘，仲要唔可以只加一兩個人，計埋都唔少。」希望令事主明白加人工與節日禮物其實是兩回事。

亦有網民認為事主應該要感恩公司的禮物安排，而加人工則需要靠自己增取，着事主應該提升自己的實力。其實公司願意在節日為員工準備，都可以令員工增加歸屬感，如果將此視之為額外的獎勵，自己都會開心點。

延伸閱讀：【職場文化】張枱垃圾崗咁亂！被老細點名要執枱 打工仔不忿：我係亂但做到嘢！

延伸閱讀：【NGO】點解幼稚園老師唔似中小學老師咁有薪酬表？
延伸閱讀：【2023薪酬趨勢】HR人工有幾多？15大人力資源及行政職位月入中位數
延伸閱讀：【職場熱話】返工唔為錢咁為乜？網民：唔通為愛咩？！

---

最新專訪片︰

【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮

⏩⏩  需要請人？立即刊登招聘廣告！  ⏪⏪