【員工福利】老闆下令員工食完飯要做健身操 網民：小心做到胃痛

不少公司都設有康體休閒設施，讓員工在繁忙的工作保持身心舒暢，提高團隊士氣。最近有打工仔在討論區發文，表示老闆為了員工健康著想，命令大家食完午飯後要做健身操，更提供教學短片讓同事先行在家中練習，做「職安真漢子」。

延伸閱讀：【員工福利】甚麼是「敬孝假」？本地中小企設多個假期 提升員工效率

員工對做健身操有顧慮？（按圖了解） 打工仔：「老細今日send咗封email出嚟，佢話注重員工健康，所以由今個星期五開始，食完飯之後要一齊做15分鐘健身操。佢仲attach埋條YouTube片，叫大家返屋企睇定教學，反覆練習。唔只要做健身操，仲下令以後開會要企喺度開，唔畀我哋坐咁多。原本諗緊男同事著裇衫，女同事又著裙，咁點做健身操？我老細貼心到話如果唔洗見客嘅同事，可以著輕便啲返工，方便大家活動。今鋪真係職安真漢子，不過我擔心食完飯做健身操會好易胃痛。到底有一個注重員工健康，但係又做到有少少極端嘅老細，係咪一件好事…」

網民意見：
網民A：成個場面應該幾好笑，好似以前返學早會做早操咁。
網民B：注重員工健康而付諸行動係好事，但係食完飯運動不利健康，要搵人提醒老闆。
網民C：飯後可以做運動㗎咩？細個阿媽話會生橫丫腸，唔畀我周圍跑跳。
網民D：食飽之後最適合去散步，一食飽就做運動對腸胃唔係咁好，小心做好事變壞事。
網民E：好羨慕你有個咁關心員工嘅老闆，返工成日坐真係對身體唔好，要定期伸展。
網民F：我哋公司office有瑜伽墊同埋啞鈴，大家做嘢攰得濟都會過去玩吓，返工都開心啲。
網民G：我見有啲內地公司，開工之前一齊喺門口做早操，仲會叫晒口號，好團結！
久坐不動的確對身體不好，打工仔長時間維持同一姿勢，下肢靜脈的循環速度就會變慢，當水分流到腳後，無法順利回流，就會慢慢積聚在腳下，引起雙腳水腫，甚至更會惡化成靜脈曲張。想回復一雙美腿，可以採取以下5個簡單方法。

按圖了解改善雙腳水腫的方法： 延伸閱讀：【員工福利】同事成日射波 老細竟頒「金球獎」？ 網民︰下次表演帽子戲法

延伸閱讀：【員工福利】HR笑爆嘴嘅「射波」理由 脫毛失敗都係藉口？

【最新調查】《CTHR 2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪