Next
【勞工法例｜病假有冇人工？】打工仔遞信後請SL 出糧發現被扣1日人工 公司咁樣解釋…
【勞工法例｜病假有冇人工？】打工仔遞信後請SL 出糧發現被扣1日人工 公司咁樣解釋…
2024-08-05
【通知期內病假｜有薪定無薪？】返工難免有不適情況出現，向公司講病假時，打工仔又會否留意到自己是有薪抑或是無薪病假呢？特別在離職通知期內，申請的病假又會如何計算呢？近日有位打工仔於社交平台「Threads」出帖分享，指自己公司一直給予有薪病假，按慣例請一日都是有薪。至遞辭職信後，事主於一個月通知期內，請了一日病假，惟在出糧時發現被公司扣了一日薪金。上司向她解釋時指，公司不滿意其表現，故取消了她的有薪病假。因此，事主發帖詢問網民意見，指公司可否在沒通知員工下，隨心更改有薪病假福利。而網民們的回覆，相信定能為事主上一課！
通知期內病假｜有薪定無薪？
按圖即睇樓主分享及網民回應：
通知期內病假｜打工仔真實分享
打工仔分享：想問下各位意見。公司一向請一日病假都係有薪病假，直到我畀咗辭職信後，一個月通知期內請了病假，但到了出糧日發現公司扣了病假日人工，上司表示，公司唔滿意你，所以取消了你有薪病假。請問下，公司可以喺沒有通知員工下，隨心更改有薪病假福利嗎？
通知期內病假｜網民又點睇？
網民A：正常嚟講，好多公司喺你遞信嗰日，你嘅員工福利就即時冇。
網民B：法例無訂明病假同休息日要有薪，連續性病假除外，尤其你辭咗職，佢計你no-pay真係好正常。所以點解好多人話，出完花紅就辭職，都要等舊錢入埋落戶口先好辭，風聲都唔可以走漏，因為公司聞到味一定扣起你啲錢。
網民C：要睇返Employment Contract 或 Employee Handbook 有冇寫明一日病假是否有錢。因為法例規定，係連續放4日先有4/5薪，一日都有錢其實係公司額外福利嚟。如有寫明一日都有薪，建議向勞工處尋求協助。
網民D：有醫生紙，連病4日，咪拎4/5薪酬。
網民E：勞工法例只係保障4日或以上，先要出4/5糧。
網民F：福利嘅嘢，應該係可以彈出彈入收返？除非你拎晒連續4日病假，佢就一定要依勞工法例出4/5。
網民G：病假有薪不是法定要求，但係福利嚟。辭咗職就不一定畀福利你，佢扣你一日病假日人工，就不是犯法。詳情問勞工處。
網民H：我公司有6日有薪病假，同事因為COVID請咗4日，有日仲有開機做嘢。個老細唔批WFH，仲要人哋做完成日先話唔批。Admin就出4/5人工畀同事，仲要話跟勞工法例。問過勞工處，勞工處話額外福利點安排，要僱員自己同僱主傾。
延伸閱讀：【勞工法例418│病假、休息日點先有？】418計算方法一覽 兼職都有有薪假？勞工法例年假、食飯時間規定懶人包
事主發帖文後，網民們都表示，其實「有薪病假」並不是勞工法例所提供的，而是僱主與僱員雙方同意下的額外福利。在勞工法例下，只保障僱員享有連續4日或以上的有薪病假，如僱員申請連續4日或以上的病假，並附上合資格醫生紙，僱主需支付僱員總金的5分4金額作薪酬。有網民則補充指，其實一日有薪病假是公司的額外福利，建議事主可先參閱公司的僱員手冊或合約，看看有否寫明公司有提供一日有薪病假，如有列明，可向勞工處尋求協助。
通知期內病假｜病假一定有糧出？
正如大多數回應網民，法例並沒有列明病假一定是有薪。根據《僱傭條例》第33條指出，「僱員放病假日數不足連續4天者，無權就該等病假日獲得疾病津貼。」從此可見，僱員必須連取4天病假才有權獲發有薪病假。若連續病假天數為3日或以下，《僱傭條例》並沒有規定僱主向僱員支付疾病津貼，所以常見的單日病假是可當作無薪假。而根據《僱傭條例》，疾病津貼最低要求為病假首天前12個月內所賺取的每日平均工資的五分之四，意即法律只保障僱員病假薪酬為日均的80%，而非平均日薪的全數。
僱員對假期政策的常見誤解
除了病假，相信打工仔都會關心其年假、紅日等假期政策。其實打工仔假期政策是受法律所保障，對於僱員的大假、病假定義，都有清楚列明在《僱傭條例》上，以下CTgoodjobs整合了3個常見誤解供，各位打工仔參閱！按圖睇睇，求職者對假期政策的3個常見誤解！
勞工法例怎樣保障僱主？
根據香港勞工法例，雖並未列明病假期間可否外出，然而若僱員的病假屬有薪，而公司質疑僱員有意欺騙公司的有薪假期，公司有權向僱員展開調查。若證據確鑿，僱主可即時解僱僱員，而無須預先通知或給予代通知金，甚至有機會負上刑責。
《僱傭條例》第9條僱主在以下情況，可即時解僱僱員，而無須預先通知或給予代通知金。如果僱員在與其僱傭有關的事宜上：
- 故意不服從僱主合法合理的命令；
- 行為不當；
- 欺詐、不忠實；或
- 慣常疏忽職責。
僱員參加罷工，並非僱主無須給予通知或代通知金而終止合約的合法理由。
延伸閱讀：【打工仔請假】告假要講理由？事主不滿上司追問原因！網民揭背後真相！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!