共建友善對待年長人士職場

資料來源︰勞工處

小雲和人事部的陳經理午膳，談到公司最近新聘請了幾個年長同事。

小雲：「新同事處事成熟，工作態度認真又有交帶，好快就得到客戶嘅信任。」

陳經理：「咁就好喇！公司好支持年長人士就業，嗰幾位新同事係退休人士，公司喺佢哋入職前安排簡短培訓適應公司嘅工作環境，再按佢哋嘅能力、專長同需要分配崗位。佢哋擁有豐富嘅工作經驗同知識，又識得處理人際關係。只要適度嘅協助，就可以繼續發揮所長。」

小雲：「咁公司有冇措施配合年長同事嘅需要同工作安排，例如身體狀況？」

陳經理：「當然有啦！公司一直致力營造有利年長人士嘅工作環境，例如採用彈性上班時間，方便佢哋兼顧工作同家庭需要，亦有靈活嘅聘用模式等佢哋繼續受僱。顧及年長同事喺體力上嘅限制，工作期間會俾佢哋有小休時間。公司仲提供手提放大鏡，方便佢哋睇單據同文件，等佢哋工作嗰陣更加得心應手。」

小雲點頭：「年長同事既可以喺工作中搵到滿足感同成就感，又可以將佢哋寶貴嘅知識同經驗傳承畀年輕一輩，仲可以幫公司提高生產力。」

陳經理：「係啊！嚟緊公司仲會畀同事選擇會唔會延長退休年齡，亦會提供一啲兼職空缺畀退休同事申請，等佢哋可以協助公司持續發展。呢啲措施都係公司參考勞工處嘅《共建銀齡友善職場》小冊子後推行。你都可以睇吓本小冊子了解多啲。」

《共建銀齡友善職場》小冊子

⏩⏩  需要請人？立即刊登招聘廣告！  ⏪⏪