超強颱風後的『極端情況』工作安排

阿超跟老闆正商討在颱風及暴雨情況下同事嘅工作安排。

阿超：「老闆，政府早前修訂咗《僱員補償條例》，將僱員喺超強颱風（或其他大規模天災）所引致嘅『極端情況』下上下班途中受傷或死亡嘅情況納入保障範圍內。」

老闆：「冇錯，咁樣僱員就可以好似八號或以上熱帶氣旋警告訊號或紅色／黑色暴雨警告訊號生效果陣上下班一樣，喺僱員補償方面得到相同嘅保障。公司亦更新咗惡劣天氣下工作安排，包括喺超強颱風後『極端情況』下嘅工作安排。」

阿超：「呢個情況下，員工嘅復工安排喺點㗎？」

老闆：「如果超強颱風持續嚴重影響在職市民有效復工或者引起安全問題，例如大規模停電、多個窗戶由高樓大廈墮下以致街道情況危險、嚴重山泥傾瀉、廣泛地區水浸，同埋多區公共交通服務嚴重受阻等等，政府會視乎情況，決定係咪需要作出適用於全港嘅「極端情況」公布。除咗預先協定嘅必要人員外，其他同事喺『極端情況』存在期間（即八號熱帶氣旋警告訊號取消後兩個鐘內），應留喺原來地點而非即時上班，並留意政府就係咪延長「極端情況」再作出嘅公布。待『極端情況』結束後，同事先至按協定嘅復工安排上班，或者在家工作。」

老闆：「執行嗰陣，都要考慮實際情況同彈性處理同事嘅唔同情況。總之要做好溝通，以大家嘅安全為重啦！」

阿超：「老闆你真係好人！」

老闆：「想知多啲，你可以參考勞工處嘅《颱風及暴雨情況下工作守則》。」
 
資料來源︰勞工處
 

⏩⏩  需要請人？立即刊登招聘廣告！  ⏪⏪