Next
【內地通關】分析通關如何影響2023年就業市場 投行及金融業職位空缺大增？
【內地通關】分析通關如何影響2023年就業市場 投行及金融業職位空缺大增？
2023-02-07
最近市場最熱烈討論的，就是香港與內地通關後會如何正面影響經濟。事實上，通關對於投行及金融業、咨詢業、地產業、快速消費品及零售等行業都有很大影響。但是否就等於同學在2023年求職時，職位空缺（Headcount）會立刻大增呢？今日我們就為各位同學分析通關對就業市場的影響，以及預測2023年各大行業的職位空缺。想知道下個招聘季節氣氛如何？就要立即看下去！
投行及金融業：（按圖了解）
投行及金融業——IBD、S&T、PB及AM
- 銀行業可以更易同客戶溝通、做Pitching及進行不同工作
- 有望增加Deal flow：通關可以方便投行前台部門同內地客戶互動及建立關係，自然成功pitch到嘅機會都會大升
- 預期IPO會增加：而通關最大嘅好處係幫助經濟復甦，好多IPO其實喺疫情期間暫緩，就係因為唔知封關要封幾耐。特別係好多原先喺美國上市，而又希望返到中國再上市嘅公司，都因為未開關而暫緩計劃，畢竟好多Senior Management都無法返到內地去做必須嘅工作，所以而家開關，絕對有利IPO數量增加
- 方便進行Due Diligence等嘅工作：同學應該知道，IBD去做Deals時，無論係IPO、M&A等，都必須要進行Due Diligence。而喺通關之前，如果要進行Due Diligence其實好困難，因為投行好難先派到同事真係飛返去Visit客戶間公司/廠，同客戶面對面會面等，咁通關就自然方便咗做Due Diligence或其他嘅文件工作 - 中國經濟正處於休漁期，令不同部門有不同影響
- 但係仲有其他好重要嘅因素會影響人手招聘，例如好多分析都形容中國經濟進入休漁期，即喺話2022年內地好多公司倒閉，生意唔好，市民消費意欲減低，富有人士都面對身家縮水嘅問題，令到中國整體經濟好似進入咗休漁期咁要休息重整
- 另外仲有一個原因就係政治局勢，雖然局勢暫時穩定，但係晶片業、科技業等行業受到美國政府禁令，唔可以喺美國進行活動，令到中國科技公司喺美國發展受到一定嘅影響
- 目前估計，喺呢個休漁期之中，相信IBD依靠內地IPO市場嘅上升，headcount會多返唔少。但係對S&T、PB同AM嚟講，則係好壞參半，唯有寄望2024年，過咗休漁期之後先會有明顯轉好 - 環球經濟可能促使不同大行採取唔同嘅招聘策略
- 唔同大行都對市場預測唔同，呢點絕對會影響佢地嘅招聘計劃，例如滙豐、渣打及花旗相信喺2023年會繼續主攻亞洲市場，咁喺招聘上相信都會鬆手啲
- 但係高盛就採取一個較保守嘅策略，表示對2023頭半年嘅防疫限制仍有所保留，認為有可能後半年先會開始放緩防疫限制，更利經濟復甦。咁就要去到今年6月，先可以再確定佢哋下季嘅招聘策略係點 - 移民潮嘅甜頭已用盡
- 呢點雖然未必同通關有直接關係。但2021／22年S&T、PB及AM嘅Headcount尚算穩定嘅原因，係因為香港出現移民潮，令到減Headcount未會減到盡，依然有位請人。加上2020年至2021年中國市場比較好，呢三個部門嘅業績唔錯，請咗好多人，去到今年人手預期都會比較充足，移民潮嘅甜頭已經基本用完，下個招聘季節未必可以再請到咁多人
最新銀行及金融職位空缺：https://bit.ly/3lhmYG4
地產業、快速消費品及零售業、咨詢業：（按圖了解）
地產業
- 估計唔會加好多人手（唔減都算唔錯）
- 睇返香港四大地產公司嘅MT計劃，會發現佢哋喺今個季度唔係請好多人，呢點同市場環境絕對有直接關係
- 如果同學有留意樓市嘅話，都知道撻訂情況嚴重，所以預計嚟緊人手招聘只會不斷減（可能會比2022／23更少）。有分析認為通關後，會多咗內地投資者來港買樓，但事實係內地經濟唔好嘅時候，內地人亦未必有多餘嘅資金買樓
- 有一樣值得留意嘅係：內地人買樓其實只係佔香港市場嘅10至12%，所以通關幫助再大，亦未必可以確保樓市回復疫情前嘅升幅水平
快速消費品（FMCG）及零售業
- 人手招聘穩定，或有微增長
- 由於通關嘅關係，相信會多返內地人落嚟香港買FMCG，甚至係不同零售及奢侈品。生意好咗，自然人手都會穩定甚至增加。其實就算喺通關前，FMCG喺2022年已經做得好唔錯，我哋亦收到消息，FMCG大企喺2022年請人亦有微加到人手，相信下個季度嘅招聘都會比較穩定
咨詢業
- 預期IT Consulting來年Headcount減少
- 過往呢幾年因為COVID嘅關係，電子化嘅過程加快咗，好多公司都需要進行數碼化，令到IT咨詢公司業務發展迅速，招聘時都請咗好多人。但去到2022年末，有好多美國大科技公司如Amazon、Facebook、Google等都開始炒人，主要有兩大原因：之前過度發展請多咗所以而家要裁員、經濟真係唔好。相信去到2023年，IT咨詢公司亦會同樣受到影響，人手招聘未必可以有上年咗多 - Deals及M&A Advisory相信會有正面影響
- 由於內地開關嘅關係，導致多咗商業來往，相對上due diligence task都多咗，Deals Advisory嘅headcount自然會多返 - Business Consulting相信變化不大，未見有太多因素可以令佢地加人手
最新銀行及金融職位空缺：https://bit.ly/3lhmYG4
（文章由HKCareers提供）
HKCareers是一個專為大學生提供實習和畢業求職資訊及咨詢服務的網上平台，幫助同學一步步實踐自己的職業規劃。
銀行界最新消息｜銀行入行攻略｜銀行界人物專訪｜銀行界八卦｜名家專欄
延伸閱讀：【2023趨勢】銀行界轉工薪酬升幅高達30%！前、中、後台最大人才需求係？
延伸閱讀：【銀行入行】應徵銀行前、中、後台職位 必學6個Compliance概念！
延伸閱讀：【員工福利】邊間銀行開工利市派最豪？除咗錢仲送海味、迪士尼門票……
---------------------------------------
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️👉🏻https://bit.ly/3XCqYyY
---------------------------------------
🌟全新Banking & Finance一站式平台正式登場！🌟
涵蓋最新市場消息、行業趨勢、求職資訊、頂尖企業及領袖故事、行內八卦趣聞、職位空缺，幫你喺銀行及金融業更上一層樓：https://bit.ly/3RVuscz
最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!