【伏工特徵】成個部門得返自己1個！打工仔嘆：份工越做越驚，眼淚係咁湧出嚟⋯⋯

從來工作不能單靠一己之力完成，需要依賴團隊合作，發揮不同的長處才能夠持續並有效地把事情做好。不過假如團隊只剩下你一人，又該怎辦？在網上討論區Dcard有打工仔訴苦，指整個部門只剩下自己，令她感到不知所措，「上班越來越害怕，眼淚不停湧出來。」

►最新【行政 / 文職】職位空缺

點圖了解更多事主分享：

+12

+11

「啱啱過咗試用期冇耐，個部門本身得我同前輩2個人，日日都要硬食晒所有子公司Send上嚟嘅件，仲要處理某啲高層嘅『特別要求』。

雖然好忙，但同前輩分工合作，都順利喺放工前清完所有項目，偶爾有空閒時間，會拜托前輩教我新嘢，而佢都好肯教我。但近期我前輩畀人炒咗，最誇張嘅係連通知期都冇，要即炒即走（雖然佢冇講但估佢係呢間公司做咗至少5年）。

佢被迫走嗰刻都盡力同我講，之後得返我一個人喺部門，要處理啲乜，真係唔識唔好驚，隨時可以call佢。我當刻真係好驚，大腦一片空白，睇住佢走人，我除咗喊真係唔知點好。而家成個部門得返我一個，我自己要處理晒所有子公司嘅件，仲要面對各種我唔識嘅嘢但又唔錯得，我可以點做？！

雖然其他部門嘅同事都安慰我，話我個部門可能遲啲有人返工，但有經驗嘅前輩同冇經驗嘅新人，係人都識揀啦，仲要我花時間教佢，我邊有精神同時間啊……越打越驚，眼淚係咁湧出嚟。」

網民回應：

A/走啦，你冇需要同佢捱喎！

B/You should quit too！

C/單係連通知期都冇，即炒即走，呢家公司已經唔可以留。然後，仲要冇人教到你嘢，小心捱完之後，同個前輩一樣下場……走啦！

D/做得住就捱，頂唔順就搵第二份啦！出一份糧打兩份工，真係好唔對路。

E/咁點解你唔走嘅？

F/走啦，我之前返嗰份工，條team得我同個房阿姐，佢實在太大粒，好多嘢都教唔到我，返咗5日果斷辭咗職！

G/跟埋大佬一齊走！

►最新【設計】職位空缺

遇上同樣情況最好辭職？
對於事主的分享，網民都表示同情，更勸喻事主早日辭職。有人指，假如事主繼續留在這間公司，下場很可能與前輩一樣。有類似經歷的網民就談及個人經歷，指曾經在某間公司工作，當時共事的人只有很高級的女上司，由於兩人的階級相差太遠，對方無法教授網民相應的工作經驗因而辭職。事實上，當打工仔未能預視自己在企業的發展空間，就應該考慮自己是否該留在公司。

個案事主提及，前輩在沒有通知期的情況下被炒，在甚麼情況下，僱主無須給予通知或代通知金而終止僱傭合約？（點圖了解更多）

+21

+20

即睇應付職場欺凌的5招！

+11

+10

延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！

超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4

最新專訪片︰

【SHE Says】拒認「女強人」 盼望與員工共同成長 太古酒店集團人才與文化總監陳昭彤：擁有生活的熱情，才會更投入於工作！

⏩⏩  需要請人？立即刊登招聘廣告！  ⏪⏪