Next
【伏工特徵】公司夜晚、放假致電邀請面試！稱職位空缺好難得？求職者：仲Send電郵情緒勒索我！
【伏工特徵】公司夜晚、放假致電邀請面試！稱職位空缺好難得？求職者：仲Send電郵情緒勒索我！
2024-10-16
職場上，人人對於「伏工」都避之則吉，盡可能都不想跟這個詞語扯上關係。雖說「唔試唔知份工好」，但有時我們能夠進行面試，甚至之前看出端倪。有台灣求職者在Threads講述個人經歷，指自己在晚上及假日收到一間公司的面試邀請，更稱職位空缺相當難得，令他感到很困擾，「還發電郵給我情緒勒索。」
點圖了解事主經歷：
事主：「呢間公司都係喺夜晚同假日打畀我，話要約我面試，我都婉拒，打嚟嗰個人話個職位空缺好難得，好幾年先開一次，仲同我講呢個位上手職員嘅壞話，真係第一次聽到有HR會怨個員工。然後，我今日朝早又收到封Email寫『Dear OO 因此職缺釋出名額有限 若你考慮清楚 尊重其意願囉』呀！佢係咪又再情緒勒索我？」
網民回應
A.1.而家Send Email，好少用Dear開頭，特別係唔識嘅人
2.如果係HR Send出嚟，用「囉」其實好唔得體
結論：冷處理即可
B.他想用饑餓行銷，但他學得唔似，比較似威脅，而家都感覺麻麻，入到去咪仲差……
C.「囉」乜嘢呀？
D.HR係個好人，由一開始就冇諗住演戲，直接話你知好伏。
E.呢個HR好喎，佢係阻你入地獄！
F.職場PUA到慣晒，以為對咩人都有效。
G.數量有限，送完為止。
H.1.夜晚、放假Send Email
2.抱怨前員工
3.用名額有限呢啲口術，想吸引多啲人
仲有咩伏工特徵？想了解多啲。
I.嗰啲半夜、放假日子會Send面試邀請嘅，我都會基本上都會婉拒，畢竟嗰種感覺就係收工都仲要做嘢，或者係缺人缺到咩都唔理。
J.呢個人語言能力係咪好差？文意超唔順，佢到底寫緊咩？
K.夜晚或者星期六日約，我都唔會想去，因為嗰個係之後工作嘅寫照。
L.之前試過凌晨1點收到電話，問我有冇興趣過去，我當下拒絕咗，心諗我而家未入去都半夜打嚟，之後入到去仲得了？
M.我試過因為搵到工，所以婉拒咗其他面試，對方直接話：所以係邊間？我係唔相信有邊間公司嘅福利好得過我哋，你諗清楚！我：⋯⋯嗯啱呀！你講嘅都好啱！
N.你覆佢，請尊重我嘅意願，唔好再煩我。
O.個HR OT？咁係唔係代表呢間公司好鍾意OT？
網民都一致認為這間公司是伏工，有人提及現時很少公司會用「Dear」的字眼，尤其是對不認識的人。有網民笑言，認為這位HR是想進行饑餓行銷，學不會更像是恐嚇。有人就指，只要是非辦公時間收到電郵，都會直接拒絕那間公司的面試的邀請，因為還未入職公司就已經半夜收到聯絡，更何況是正式加入這間公司。有人就認為HR的行為都是伏工特徵，事主還是不入職為妙。在求職期間辨識伏工，避免中伏之餘，就能省卻自己與公司的時間。
伏工特徵你中幾多項？
最伏的工作內容！
延伸閱讀：【招聘搵工網推介2024】如何避免搵中伏工？伏工8大特徵︰面試官態度、幾時加人工都關事？
延伸閱讀：【伏工特徵】見Office工要小心！網民喻求職者面試被要求做1件事即放棄？「呢啲公司多數好麻煩！」
延伸閱讀：延伸閱讀：【見工面試】In完即請嘅都係伏工？網民傳授1招辨清！如果有呢個特徵似中伏？
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!