【人手安排】請病假被老闆大鬧無責任心被炒 嬲爆網民：幾時病提前知㗎咩！

香港勞工法例對病假有明確保障。根據《僱傭條例》，僱員只要按連續性合約受僱（即連續受僱4星期或以上，每週最少18小時），於最初受僱的12個月內，每滿一個月便可累積2天有薪病假，其後每月可累積4天病假。累積的有薪病假日數不可超過120天。

網民在網上平台「Threads」上發文指自己身體不適，故此向上司請病假，亦向公司表明會交回醫生紙以茲證明。可是上司的回覆是「咁你以後都唔好返」即時解僱，事主不明所以，續問「咁即係炒我？」。而上司指解僱原因是認為事主的責任心不足，明知公司一直已安排好人手，但仍要請病假，令事主哭笑不得大呻「請病假點提前通知？」掀網民熱議。

即睇請病假都要提前通知？（按圖了解）

+23

+22

事主：佢講到我都懷疑係我問題！病假要提前通知？

網民Ａ：公司咁嘅反應即是你都唔係第一次，佢唔係因病炒你，係因為你冇責任感！佢咁等人用，點會因為一次病假炒人？你去告囉，到時挖哂啲衰嘢出嚟你自己蝕底！

網民Ｂ：我都試過請病假老闆叫我早啲通知，話要同事做埋我個份！我覆佢「Sorry，下次會早一日唔舒服」！

網民C：講真！連病都唔應該！

連自己身體都管理唔到，點信你處理到呢份工作？

網民D：即上勞工處開File！明顯係因病炒人！可以告歧視！

網民E：過咗一個月應該係有薪病假！同埋僱傭條例寫明唔可以請假嗰陣炒人喎，係咪告得？

網民F：佢都覆得好快！你講完1分鐘內決定炒你！本身唔妥你？

網民G：欺善怕惡嘅上司！你一定要惡過佢！

網民H：佢親口承認係因為病假炒你！有晒證據！連動機都唔使拗！告得啦！

網民I：請病假當日係唔可以炒你！你可以Keep住請！一炒你就告得！有醫生紙就得！（利申有同事試過90日病假）！

網民J：其實有時前一晚可能真係無咁病，覺得第二日仲頂到！

但第二日起身嗰陣真係病到返唔到！點預知？

網民K：睇到咁多話病需要前一日通知嘅Post，好感恩我有個善良嘅老闆仲會叫我好好休息吓！

網民L：現實就係咁！無人在意你病唔病，死都要死返工！除非唔要份工！

其實都無必要咁在意，只能講份工未必啱你！

網民M：我都試過！第一次係即日同佢講，因為當日係準備起身返工先發高燒，後尾都補翻病假紙！個老闆叫我下一次記得提早一日講！

第二次我係感冒驚聽日發燒，我提早同老細報備叫佢搵人頂更，佢質疑我點解會知道自己聽日會發燒。

我話呢兩個禮拜早夜輪更Keep住返，無放假休息，搞到感冒，驚聽日會發燒所以提前講聲！病假紙會後補！

佢即炒我魷魚，話我不知所謂！

網民N：平機會幫到你！估唔到今時今日仲有老闆咁癲大大聲同人講因為你病而炒你！

雖然某些老闆質疑員工病假的合理性甚至要求提前通知或以此開除員工，但只要員工提供合規的醫生證明，便屬合法病假。在現行勞工法例下，僱員於合法請病假期間具有受法律保障的工作權益，公司違規即屬違法。遇到相關情況，僱員應保留溝通紀錄、醫生證明，並及時尋求勞工處協助，依法維護自身權益。

延伸閱讀：【2025請病假理由】5個「老細最易接受」的Sick Leave藉口？有醫生紙/病假紙都扣糧？

+8

+7

延伸閱讀：【職場奇聞】同事2周內狂請12日病假！理由日日新鮮！網民笑爆：期待佢仲有咩理由！

延伸閱讀：【心理健康】唔想返工都係病？ 醫院設「不愛上班」門診部 成一眾打工仔福音

►最新【政府/公共機構】職位空缺  

►最新【行政】職位空缺

►最新【銀行/金融】職位空缺  

►最新【非政府組織/社福】職位空缺      

►最新【人力資源】職位空缺   

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪