Next
【中年失業】中年打工仔遭裁員 自信心大受打擊 網民：收拾心情開始搵工啦！
【中年失業】中年打工仔遭裁員 自信心大受打擊 網民：收拾心情開始搵工啦！
2024-12-06
人到中年，不少打工仔不是身兼公司重要職位，就是以求穩定的心態工作，希望能順利工作至退休。不過，若然在中年階段突然遭到裁員，未知各位打工仔又能否承受這龐大的衝擊呢？近日，有網民於親子王國討論區發文，指自己最近遭到公司裁員，更坦言是次裁員令到他頓時感到自卑，質疑自己毫無能力，因此詢問網民中年被裁算不算一件大事？
事主分享及網民回應
事主：終於到咗我被裁呢日，真係好唔開心。雖然都有幾個月遺散費，但屋企有經濟壓力，心口好似有嚿大石咁唞唔到氣，唔想父母、小朋友擔心，只係可以對老公呻。
人到中年知道身體健康係最緊要，比起身體有事失業其實都唔係咩大事嚟，暫時自己仲未睇得開。上年10月開始都有keep住搵工，但可能因為市道差、中年中層人工唔低，加上呢份工我已經做咗10幾年，人哋會覺得我唔夠競爭力。呢一年嚟已經send咗過百份CV，有好多連面試機會都無，個人真係無晒信心……
而家連公司都裁員，覺得自己好無用，睇失業睇到好大件事咁。想問吓中年被裁算唔算大事嚟？
網民A：收拾心情開始搵工啦！
網民B：識個朋友都係人到中年，喺舊公司地位僅次於老闆，但今年過年前公司結業。一過完年，佢已搵到新工，所以與其在呻，不如真係行動去搵工。
網民C：你做開咩工？可以試吓搵其他行業，有啲工種好缺人！
網民D：唯有調節心態，如果真係急，就要擴闊吓工種，應該唔難揾的。加油！
網民E：我有屋企人接受咗公司嘅「肥雞餐」，直接攞咗一年人工，之後就玩咗一年。玩完返嚟就即刻搵到，人工只係以前嘅一半，但份工可以長做到退休。中年人有嘅係經驗，好多大公司都會請，所以絕對唔使擔心。
網民F：真人真事，我間公司2023年擴充開分公司，一直請唔夠人，好多後生仔見完工之後就全部放晒飛機。最後都老闆嬲得濟，一口氣請咗五個50歲以上嘅中年人士，之後再請多幾個就快60歲嘅人，老闆仲大讚50歲以上嘅人工作態度認真，做嘢仲好穩陣。
網民G：畀啲時間自己！呢刻會係覺得大件事嘅！既然係事實，努力再從新出發就得，而家市道唔好，中年人搵工有熟人介紹會比較容易！如果真係有經濟壓力不如降低要求，搵份低级少少嘅工做住先，起碼有收入先，然後邊做再邊揾。
網民H：我同你一樣，都係中年先被公司裁，而家搵工真係唔容易……
網民I：如果一直無面試，試吓執一執CV、求職方向。上網有人教你點樣執好份CV。你揀人，人揀你。Send過百分CV都無interview，估計樓主CV無hit到啲關鍵字。
網民J：屋企負擔大，返基層工又會唔夠錢應付開支，畀啲時間減吓人工，而家你只係心情仲未調整好，覺得前路茫茫啫。
網民K：最主要係個市靜咗好多，不過50歲左右嘅人要搵工係好多好處，老闆/上司覺得大年紀啲嘅做嘢有交帶好多，亦都鍾意請呢啲年紀，好多後生嘅仲未定性，做1至2年就會轉工，所以唔好灰心！
延伸閱讀：【職場規劃】37歲打工仔突遭解僱 一家七口等住養 長遠可以點？
對於事主的經歷，不少網民都紛紛安慰事主，指出是次裁員過於突然，缺少人工導致家庭有經壓力，頓時感到無所適從，他們表示中年打工仔在市場上仍存有眾多優勢，不少老闆均覺得中年人做事有條理、不會輕易離職、責任心強而偏好倻請他們，因此網民建議事主先調節好心情，日後總會找到心儀工作。
有部分網民認為，縱使市況未如理想，但事主未獲面試機會實屬罕見，指出可能事主的期望薪金填得太高，繼而嚇退眾多僱主，因此網民都建議事主可以降低期望薪金，先務求工作機會，日後再另覓高就亦不失為其中一個方法。
延伸閲讀：【見工面試】空窗期愈長 人生愈無得翻身？ 進修改變命運？
按圖即看5個應對裁員焦慮的方法：
延伸閲讀：【公司裁員】打工仔收到內幕消息全team將會被裁 思索應否通知上司 事主：上司好關照下屬但好情緒化 究竟講唔講真相畀佢知……
按圖即看4種特質助你脫離裁員名單：
延伸閲讀：【被炒經歷】 打工仔被解僱 上司竟然講1句風涼話 網民：祝佢他朝君體也相同！
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!