【上司下屬】上司好惡頂 就連廁所都唔畀去！一人一個鬧爆上司瞬間 網民：睇完心涼晒！
CTgoodjobs' Editor
上司與下屬的管理關係，是現代職場運作的核心之一。理想的上司下屬關係不僅能促進團隊合作、提升工作效率，更會影響整體職場氛圍與員工的滿意度。可是，上司與下屬如想有良好的關係並非靠一人之力即可完成，是要雙方共同經營且良好的領導不在於高壓，而是建立於互信、尊重、正向溝通與雙贏目標之上。
網民在網上平台「Threads」上以「大家最癲試過點樣鬧老闆？」為題發文與一眾網民討論職場上如何應對上司或老闆無理的要求。一眾網民分享許多上司令人「忍無可忍」的事情，例如不準他人如廁，要求網民作不是自己職級可作的決定，甚至Last Day也要要被上司當眾辱罵等……種種事情也令一眾網民「無需再忍」即場與上司「大戰」。
即睇一人一個鬧爆上司瞬間！（按圖了解）
事主：大家最癲，試過點樣鬧老闆？
FG第二份工，女上司態度差，我大鬧佢「咁你宜家想點啊」？
佢嬲到自己大力打Keyboard，全個Office都聽到！
笑死！
網民A：我同個上司鬥完嘴，佢收工落樓車禍死咗……
自始之後無人再敢同我嘈交……
網民B：前阿姐攔住我唔畀我去廁所（利申真係就嚟瀨）！
我：其實點解你要做啲咁乞人憎嘅嘢呢？
前阿姐：唔係我話事㗎！喺公司規定㗎！你一定要擺低電話同埋宜家呢個時間唔可以去廁所！
我：你黐線㗎？公司叫你去死你唔去死？
結果就係我收咗封大Warning！
網民C：第一份工做滿一年時Appraisal
我：老闆，我幾時可以由Assistant升做Assistant Officer？
老闆：喺我心目中起碼要做滿三年先考慮喎！
結果我做多年零，老闆被Layoff，去咗間銀行做基金經理，之後幾日早晚去我公司樓下搵我同其他同事飲嘢R單！
我：你不如搵其他Senior（你升過）幫手啦！你都知道我仲喺Assistant！搵得1.5萬，喺咪仲要乞兒兜抓飯食呀？
對方靜晒再無搵我了！
網民D：大老闆同佢個仔喺Office鬧交！
我大叫「可唔可以靜少少？Office嚟㗎！係咪唔使做嘢？一係出去門口講？」
網民E：前上司畀公司燉咗，但仍用上司Mode話我！
我：你已經唔係我上司，我點做嘢唔需要同你交待！
佢無面走咗
某幾個同事WhatsApp我：Well Done！
網民F：試過上面位經理做事好差！夾Event時鬧好Helpful嘅Agent！
老闆知道我哋好不滿，開個Meeting Room畀我哋盡情鬧位經理！
經理想搏咀，老闆叫佢收聲！
網民G：唔係鬧，不過佢話要打我PatPat，我屹起個PatPat同佢講「咁畀你打啦」，佢呆咗。利申大家都係女人！
網民H：臨Last Day講咗幾次話要Handover，但舊上司無理！
想爭取Remote移咗民繼續做，但佢又無行動！
舊上司仲想我繼續做到最後一刻！
結果我開會嘅時候當住其他人面前同佢講
「嘩你真係用人做到盡晒！」
結果佢面都黑埋，Last Day嗰日直頭無岀現！
網民I：曾經有份工，控制慾極強嘅女上司，唔畀出英文電郵，所有中文電郵要畀佢改過先出得（改完我一出，就單打話我出啲咁嘅電郵）
早過佢返工會畀佢單打，早過佢放工又會單打。
有次一早返工佢又黐線，咁我問佢，咁你宜家邊樣先？
佢忽然發爛渣，話我情緒有問題，要我即刻離開公司，然後同時間就有同事翻工，佢即刻收聲……
網民J：我因為屋企人入咗醫院要即日請假，第二日返工老闆叫我諗清楚份工重要定係屋企人重要！
我即答緊係屋企人重要，因為呢件事隔咗一排我決定辭職，遞信果下我祝福佢父母同佢身體健康！
網民K：無表情地問佢「咁你想點？」
然後一片安靜…….
有時唔洗大聲，一句就夠！
網民L：老闆：I am your boss！
我：So？
之後一直無運……
網民M：睇完呢個Post心都涼晒！
事實上，良好的上司下屬關係與高效的管理不應單靠壓力與權力。領導者需意識到員工也是有自主需求和情緒的個體，營造自由、安全的環境，企業團隊才能充份發揮潛能。同時，上司應該尊重員工的專業與個人空間，避免過度干預或高壓管理，讓員工在更大的自主權下發揮創造力和問題解決能力，邁向雙贏。
延伸閱讀：【抑鬱症懶人包】每日扮精神其實好攰？「微笑抑鬱」7大隱形症狀你要知！抑鬱症原因＋自救全攻略！（附抑鬱症測試）
延伸閱讀：【職場二選一】有諗法冇能力VS冇方向實幹型 老闆鍾意邊類員工多啲？
延伸閱讀：【溝通技巧】冇同事聽自己講嘢…點用1分鐘電梯演說抓住同事注意力？
最新專訪片︰
【office豪華旅行團】GT Group超日系辦公室展現年輕活力 仲有Poolside畀員工放水燈！
Follow CTgoodjobs for the latest career news, hot topics and recommended jobs!