【職場文化】邊個話返新工第一日唔好帶飯？事主：成Team同事都帶飯搞到要買外賣！

CTgoodjobs' Editor

Published: 2023-04-03

Updated: 2023-04-04 10:41

第一日返新工，多數公司主管都會邀請新同事共進迎新午餐，為建立同事間的良好關係打好基礎。但如果發現主管及同事均無舉辦Welcome Lunch的意欲，又是否等於公司不歡迎新同事呢？有網民於香港討論區發文討論，指自己第一日返工滿心期待會與同事共進迎新午餐，豈料午飯時間一到同事們各自拿出自攜飯盒，似乎無意與事主一起用膳。事件發生至今經已一周，同事依然未有打算共進迎新餐的跡象，令事主不禁同事之間的相處方式對感到無奈⋯⋯

即睇事主經歷：

事主：話說上個星期開始返新工，不過我都知道第一日通常都有Welcome Lunch，最好就唔好帶飯，同啲同事打好關係先。

事主：點知嗰日去到食飯時間，同Team嘅同事都拎晒自己飯盒出嚟，原來個個都帶咗飯。

事主：佢哋話不嬲都帶開飯，出去食好貴。結果第一日返工就自己一個人出去買外賣返嚟食。

事主：早知我都帶飯啦，入咗職成個星期都無Welcome Lunch。

事主：其實到底邊個話返新工第一日唔好帶飯㗎？

即睇網民回覆：

網民：下次帶定飯盒，有Welcome Lunch就留返盒飯第二日食。

網民：可能人哋唔想歡迎你，早啲走啦！

網民：自己買外賣都好過入職第一日就得罪人⋯⋯

網民：依家出街食飯咁貴，帶飯一樣可以Welcome你。

網民：係咪依家已經唔興食Welcome Lunch？

網民：呢個不嬲都係規矩，返新工第一日梗係要同新同事食Welcome Lunch。

網民：我依家嗰份就係咁，之前諗住第一日會有Welcome Lunch點知無，諗住做落睇吓點啦。點知原來條Team勁多老海鮮搞事，諗住減少接觸就無事，不過人哋要整你就點避都避唔到，頂唔順依家被佢玩走咗。

網民：過來人話你知其實好大機會係部門同事本身有問題，可以做住先嘅，一係睇多排，一係就揾定工。

網民：唔一定間間公司都有Welcome Lunch，有亦唔代表間公司或者同事好，做落先見真章。

網民：做過幾間公司都係留到星期六先飲茶迎新人，一來周末時間鬆動啲，二來點知新同事會唔會做得長？做個精明消費者就梗係遲幾日先搞迎新餐。

對於第一日返新工應否與新同事一同進食迎新午餐，網民們都持不同意見，有人認為外面的餐廳價錢昂貴，即使一同攜帶飯盒亦能接受；有人認為如果同事們沒有與新同事共進迎新午餐便要自求多福；而有網民則表示有些經驗豐富、精打細算的公司有一套特別的規矩：用幾天時間觀察新同事，留待周末才一起到酒樓飲茶迎新人，以免新同事上班一天便離職的情況出現⋯⋯對於種種不同的職場文化，你又有甚麼看法？

唔想越食越肥？即睇8個撃退脂肪方法：

+27

+26