【轉工太密】經常轉工令僱主覺得太jumpy?網民:一定有個人之處先可以不斷轉到工!

【轉工太密】經常轉工令僱主覺得太jumpy?網民:一定有個人之處先可以不斷轉到工!

不少打工仔都會選擇轉工以尋求新的機遇,或獲取更好的薪酬福利。不過,有人認為打工仔不應經常轉工,容易給人一種太jumpy的感覺,有機會影響面試官的觀感。有網民於連登討論區發文,指自己不解為何經常轉工會較易遭到他人質疑,難道打工仔經常轉工就會影響自己的聲譽?

延伸閱讀:【職場八卦】年輕同事決定辭職話頂唔順公司文化? 事主:佢想同事可以做朋友嗰種

按圖了解事主及網民回應:

樓主:成日聽人講,如果經常轉工,HR望到就會質疑你嘅工作能力,會影響對你嘅觀感同評價。想問吓如果6年轉咗4次工,叫唔叫太密?同埋真心想知經常轉工會影響自己聲譽?

網民A:6年轉4份工唔叫轉得密,好多人一見到公司出咗花紅就會轉工。

網民B:成日轉工代表適應力強,學習同吸收多間公司經驗,容易幫你搵到管理層職位嘅工作。

網民C:6年轉4次工都真係常態嚟。如果老闆一見到求職者CV係咁而foul走,我諗間公司都要隔一段時間先請到人。

網民D:轉得太密都有公司肯請,即係應徵者工作能力好好。啲HR話人jumpy根本就係對自己公司無信心,知自己公司package唔夠其他公司好,怕留唔住啲員工,先會鼓吹員工唔應該成日轉工。

網民E:逆向思維咁諗,6年轉4份工,個應徵者一定有過人之處先會有咁多公司願意請佢。

網民F:好想問返班HR,最理想應該幾耐先轉工?2至3年轉一次工就問點解會成日轉工;喺同一間公司做夠6至7年想轉工,又會問點解咁耐先轉工。HR真係好難捉摸……

網民G:我自己都覺得唔好太短時間內不斷轉工。我10年轉咗6份工,人工的確係越轉越高,但每份工學到嘅嘢都好皮毛,唔夠膽講自己值呢個人工。我寧願同一份工做耐啲,學好需要嘅工作技能再轉會好啲。

網民H:只要公司福利唔差,企業文化正正常常,每年都肯加人工,自然就唔會有人想轉工。

網民I:我以前公司老細講過,假設求職者之前轉過5份,代表有5間公司幫你篩選過人,佢每次都係最好嘅人選。如果佢任職過嘅都係大公司嘅話,就會對佢更加放心,代表有一定嘅工作能力。

網民J:好多銀行都有半年或者1年contract嘅工,我做呢類嘅話咪超級jumpy?

網民K:我自己覺得啱啱出嚟做嘢,頭3至5年不斷轉工係無問題,因為一開始人工偏低,要靠轉工先會有高啲人工。不過,如果做嘢超過10年都不停轉嘅話係唔太正常,會畀人覺得你工作能力有問題先會成日轉。

延伸閱讀:【辭職跳槽】網民細數辭職警號 有呢啲狀況就要加倍注意!你又有冇中?

對於樓主的詢問,大部分網民都認為經常轉工並非不好的事,反指出轉工有很多可能性,例如希望獲得更好的薪酬福利、舊公司企業文化不適合自己、為自己的職涯發展尋求新機遇等。網民一致認為「良禽擇木而棲」,一旦公司未能提供對等的薪酬或福利,員工便會透過轉工為自己謀求更好的待遇。

有部分網民認為,批評員工常常轉工的普遍是人力資源從業員,他們自知自己公司條件不及其他公司優勢,為求留住員工,才會鼓吹員工不應常常轉工的文化。

延伸閲讀:【職涯規劃】25歲文員欲轉行但一直冇決心開口辭職 網民:搵到下一份工再算!

按圖即看5個方法助你做好職涯規劃:

延伸閲讀:【職場熱話】冇啦啦畀上司針對 做乜都會畀佢鬧一餐…… 事主:我係咪得返辭職呢條路?

按圖即看5個中年轉工要考慮的因素:

延伸閲讀:【三十而立】人到中年 眼見朋友結婚買樓就開始覺得焦慮 網民:由讀U開始就對事業焦慮


最新專訪片︰

【Office豪華旅行團】領展辦公室佔地10萬平方呎! 重視員工工作與生活平衡

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【轉工轉行】調查指47%中年打工仔因為想有更高人工而轉工 有咩要考慮?

  • 【AI競賽】高達80%公司正投資AI市場 惟一半人不清楚使用AI的最佳方法

  • 【職場貼士】矛盾大對決 硬技能vs軟技能 邊一種可以令你搵多啲錢?

  • 【職場熱話】Appraisal低分感灰心 網民:可能得罪咗上司

  • 【求職攻略】每4人中有1人試過搵工焦慮 6個方法幫你克服求職負面情緒

  • 【職場趨勢】近年職場最受歡迎技能 LinkedIn:有呢種能力嘅員工升遷速度快8%

  • 【職場熱話】返工不宜太上心!平常心面對就可以保持正面 網民:返工搞到有心理問題根本得不償失

  • 【讀者投稿】公司衣着要求勁嚴格 短裙、短褲要及膝、鞋要有包踭 網民:有冇風紀捉?

  • 【職場心理】一念之差改變人生 作出決策前你需要考慮的6個因素

  • 【年度評核】想喺Appraisal中爭取升職加薪?要講啲咩先啱?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow