【職涯規劃】25歲文員欲轉行但一直冇決心開口辭職網民：搵到下一份工再算！

2024-09-27

所在行業不合適，提早轉工可以讓你在正確的跑道上累積經驗，發展事業。一名任職文員的25歲女生在Dcard討論區留言，說自己恰恰想趁着年輕，學習更多技能，裝備自己，同時，她也想嘗試在不同的行業中發掘更多可能性，。可是，她又不想貿然放棄待遇不錯的現職，一直開不了口辭職。面對如此困境，到底有何辦法呢？

延伸閱讀：【職場熱話】Job Agents究竟有咩用？打工仔嬲爆：問長問短又無下文

按圖即了解事主分享和網民回應：

事主：「咁小妹25歲，做緊文員，人工高都穩定。我成日都想試吓其他行業或者學吓其他嘢，有返啲技能之類好過成日坐喺office對文件，但我唔知自己鍾意啲乜、想向邊行發展，超級苦惱。我自己就想辭職，上個禮拜都決定好㗎啦，決定今個禮拜講辭職，但當我上網搵工嘅時候，我又驚，驚又搵唔到工啊又GAP好耐啊，所以又諗緊係咪要咁快講辭職，但我又真係好想走因為返得唔開心。如果我真係再搵工可能會想朝住健康助理、文員、教學助理、多媒體製作嘅方向，呢排想自學吓Photoshop。我成日都覺得我算細，未夠30歲就應該出去試吓其他工，唔通真係30歲後先試咩？求建議。」

網民：「冇咩事梗係有offer先辭職，未有offer就辭職叫裸辭，除非你公司好惡頂，每日都好難捱好辛苦，而短期內冇收入都唔會死的話，咁我先會裸辭。」

網民：「文員可以有幾高人工。」

網民：「想知樓主邊度做幾錢人工，我想去in你個位。」

網民：「年少時做3個月唔啱就會裸辭hea陣，而家上一份做咗4年，啱啱嗰份做咗1年。因為都開始砌得靚個CV所以啱啱嗰份老細再衰都唔敢裸辭，超級努力地搵工，兩個月左右就脫苦海。裸辭後當你2至3個月搵唔到工就會panic下一份工人工打折或都好大機會要接受。但工接工你會有bargaining power，原則上點都加少少人工。

想學嘢唔一定要裸辭，我一邊返工一邊自費讀master，又學咗粉彩、配音、花藝、書法、車、做電台節目、做podcast、做YouTube。」

網民：「咁你咪搵到新工先辭職。」

網民：「樓主你咩都唔識無技能，可以轉到去嘅工都係會得15至16k。」

網民：「想知有咩文員高人工。」

貿然辭職需要勇氣和承擔相應風險，網民表示事主可以先找到下一份工作才打算，非必要情況不要決定裸辭，說「工接工」有效提升薪酬談判能力。事實上，事主若然對其他工種抱有興趣，可以在放假時間嘗試找尋不同行業的兼職，先嘗試那些行業適合自己，自己是否對工作內容產生興趣。有目標的找工作再轉工，日後便可減低轉換工作的成本。同時，事主也可像網民一樣去念碩士或報讀不同興趣班以增長技能水平，增強個人競爭力。

如果大家想更易轉行，不妨參考以下7個方法，助你開展另一跑道。按圖了解：

+22

+21