【貓咪咖啡館】光顧貓Cafe驚覺「貓如人生」 事主:完全體會到貓貓被逼湊客嘅感受!

【貓咪咖啡館】光顧貓Cafe驚覺「貓如人生」 事主:完全體會到貓貓被逼湊客嘅感受!

隨著社交媒體普及以及大眾對於寵物的熱愛,貓Cafe熱潮席捲全亞洲。在舒適優美的環境,讓顧客可以放鬆身心,與貓咪互動,享受一個愜意的下午茶時光。據研究顯示,和動物互動可以減輕壓力和焦慮,提高幸福感。在貓Cafe中,顧客可以享受與貓咪互動的樂趣,同時放鬆身心,確是都市人百忙之中忙裹偷閒的好選擇。然而,這些長期在Cafe中接觸食客的貓咪們,又會否與人一樣,逐漸對工作感到厭倦?

有網民於連登討論區發文討論,指自己一直被網上貓Cafe所吸引卻又未曾光顧,決定前往體驗。然而在入座時忽爾察覺異樣,店內的貓咪並非如傳聞般親善近人,似乎是像人類勞碌半生一樣,厭倦自己的工作⋯⋯

即睇事主經歷:

事主:平時喺IG就睇得多女仔去玩貓,成日見佢哋話「好可愛、好療癒」,於是就決定搵間睇吓。

事主:啱啱上到去,就見到有隻貓喺門口迎賓咁企喺度,望落都幾得意。

事主:嚟得呢啲貓Cafe,都預咗食物質素唔會太高、價錢會貴啲⋯⋯重點係睇貓吖嘛!

事主:啲貓係唔驚人,但都唔係幾鍾意人。佢哋個樣完全係湊客咁應付你,摸佢無反應、唔會聞你,感覺佢哋好似做到無晒感覺⋯⋯

事主:平時嘅家貓會鐘意你拍吓佢籮柚、摸吓個肚,但呢度嘅貓已經無晒反應,除非你有嘢食就會一大堆貓衝埋嚟。

事主:諗諗吓其實佢哋都好慘,望到客嘅嘢食最多都係聞兩下,唔會過嚟食,唔知係點先Train到咁守規矩?

事主:玩貓玩得好開心嘅人有無諗過啲貓係咩感受?從貓嘅反應唔難睇得出佢地係唔開心,日日被逼湊客真係覺得好慘!

事主:其實係咪間間貓Cafe都係咁?

即睇網民回覆:

網民:諗諗吓,貓Cafe啲貓嘅本質就同酒吧陪酒差唔多,職責就係陪客玩同俾客抽水⋯⋯

網民:之前做過貓Cafe,一收舖就將50幾隻貓塞晒入間細過屋企睡房嘅貓房,唔講以為自己去咗繁殖埸。個老闆仲話有客嗰陣要閂咗貓房門,唔好被客見到入面係點。

網民:同意,人大咗又養咗寵物,多咗感受動物開唔開心,依家動物園都唔會去。

網民:啲貓會坐人大髀勁耐,個感覺真係好似陪酒。

網民:啲貓心諗:返工係咁㗎啦,咪同人一樣,返耐咗都會做到厭世啦!

網民:試過去間貓Cafe,食食吓嘢見到隔籬枱個細路喺度扯隻嘅貓手手腳腳,我睇唔過眼話佢哋,啲職員都仲係企埋一二邊吹水,完全唔理啲貓嘅安全。

網民:去過一次,貓貓瞓覺啲客又走去撩醒佢,行到邊跟到邊,想唞吓都難。去過一次唔會再去!

網民:其實好多貓Cafe嘅貓都無得到適當照顧,佢哋嘅衛生環境認真麻麻,所以有時都會見到啲貓甩毛、生嘢。去過一次就唔想去。唔想助長啲當貓係搵食工具嘅人。

網民:香港人返工個樣咪又係咁上下,老細見你做嘢個樣無晒靈魂又會點諗?

網民:啲外國遊客嚟到香港都一樣覺得香港人好慘,同樣道理。

 

貓Cafe的興起不僅帶來了新的消費趨勢,也為許多業者帶來商機。因此,一些無良商人便會藉着熱潮牟取暴利,濫理貓兒的安危。網民大多數認為,坊間的貓Cafe甚至未有為店內的貓隻提供基本的生活保障。為了不再助長無良商人將貓隻當成搖錢樹,有網民呼籲大眾停止光顧貓Cafe,使貓隻免再受生活之苦。你又有甚麼意見呢?

長年接觸單一工作難免會對自己的工作感到厭倦,要如何預防/消除職業倦怠?立即按圖了解:

即刻按圖了解更多職業倦怠事例。

延伸閱讀︰【職場熱話】FG上班致厭世裝病回家 網民:社畜壓力而已

延伸閱讀︰【職場辛酸史】人到中年對工作失去動力 事主:返工唔知為乜⋯⋯

延伸閱讀︰【職場貼士】80後打工仔面對中年危機?40歲時該有的5個工作態度

延伸閱讀︰【職場攻略】同一間公司做足20年文職 打工仔猶豫應否離開舒適圈?


最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【投考ACO丨全年招聘2024】考咗3次ACO都失敗 事主究竟衰喺邊?一文睇清助理文書主任入職條件/人工/晉升/申請程序

  • 【投行排名】行內人士票選!頭25間最值得加入嘅投行!摩根大通排第17 艾維克排第2 第1名係OOO?

  • 【職場熱話】好工可遇不可求!點樣先叫做好工?網民:老闆好、同事融洽已經好難得!

  • 【職場趨勢】做管理層唔一定要有自信識表達 調查:擁有呢個特質嘅人先啱做管理

  • 【見工面試】見工被人碎咗張畢業證書 事主:有無得叫佢賠錢?

  • 【職場矛盾】唔加人工被逼轉部門 事主:僱主有權咁對我?

  • 【職場辛酸】問責制、無人帶、人工低仲要同公司共渡時艱?事主:捱到依家先走算係咁!

  • 【職場八卦】網民盤點鬧客鬧上司職業 咩工可以鬧完人仲要對方道歉?

  • 【職場八卦】男上司暗斥女同事婚後繼續返工好麻煩 事主:結咗婚就應該留喺屋企等老公養?

  • 【第一桶金】人生第一次出糧試過買咩獎勵自己? 網民驚爆:最豪嗰次真係試過買條OO⋯⋯

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow