【第一桶金】人生第一次出糧試過買咩獎勵自己？ 網民驚爆：最豪嗰次真係試過買條OO⋯⋯

人生的第一份薪水別具意義，除了代表著個人的努力和付出得到回報，同時亦象徵著自己由一個羽翼未豐的小伙子，搖身一變成為一個真正的社會人，正式開展自己的職業生涯，為自己的人生負責。有網民於連登討論區發文討論，集思廣益分享人生第一次領取薪金後會如何獎勵自己，吸引不少其他網民加入討論⋯⋯

即睇網民分享：
樓主：記得人生第一次出糧嗰陣，雖然搵得$10,000蚊⋯⋯但嗰時好豪氣咁樣買咗部 Macbook White，非常開心！
網民：加大咗炸薯條，之後晚餐兩餸轉三餸，真係好滿足。
網民：用晒成份糧，再問同事借多$200，買咗隻$3000嘅錶。依家諗返一開始借$3000咪得，使乜等出糧。
網民：人生第一份工係返暑期工，嗰陣出糧請全家食自助餐。
網民：第一份工就係做地盤，見啲師傅個個都穿金戴銀，自己都買埋一份，用份糧買咗條金鏈。
網民：G字頭牌子嘅朱古力，嗰陣仲喺 IFC 逐粒揀，$30幾蚊粒嗰啲⋯⋯
網民：去蛋糕店買晒所有款嘅單件西餅，好記得買咗20件，總共$560幾蚊，做當年阿媽同自己嘅生日禮物。好記得阿媽當年日日都好開心咁話要諗下今日食邊款蛋糕⋯⋯
網民：喺茶餐廳食咗個一人羊腩煲，雖然唔會有個爐畀你滾住，但個煲都好夠熱。我仲記得果晚好涷，食完好滿足。
網民：第一次出糧，成份糧畀咗阿媽；然後佢又將我成份糧買咗隻白金戒指畀我。
網民：用晒成副身家買咗個名牌斜孭袋，啲同事以為我好有錢，其實我銀行得返幾百蚊⋯⋯
網民：請婆婆飲茶，當時佢個笑容我記一世！

網民們的回覆非常溫馨，當中不乏讓家人大飽口福的例子，既能夠與家人分甘同味，亦讓長輩們留下難忘的回憶；而最為豪爽的則莫過於在地盤工作的網民領取薪金後購買金鏈，雖然意義上未必及與家人分甘同味般重大，但至少黃金非常保值，多年以後即使不再佩戴仍能轉售獲利。

出糧後無耐就花乾花淨？即睇5個返工慳錢方法：

即刻按圖了解更多職場貼士！

延伸閱讀︰【職涯規劃】應屆畢業生如何為踏入職場做好準備？教你5招搵工唔再「踢晒腳」
延伸閱讀︰【職場貼士】被工作逼到唞唔到氣？ 細數5招為你紓解工作壓力
延伸閱讀︰【職場貼士】單靠正職收入無保障？ 5招助你創造額外收入
延伸閱讀︰【銀行入行】金融才俊一定好好搵？盤點從事金融業的7大優勢

---

最新專訪片︰
【星級斜槓族】Win Win楊安妮無悔拒入COLLAR 感恩可平衡藝人及跳舞老師兩個身分 報名《造星IV》時竟向193示愛？！

⏩⏩  需要請人？立即刊登招聘廣告！  ⏪⏪