【見工面試】被HR質疑感覺自尊心受創 「見咁多份工都無Offer？」

即使我們多自信有多低，見工面試時也盡可能展露自信一面，務求吸引面試官的目光，考慮讓我們加入應徵公司。不過，這並非想像般容易，在Dcard討論區有台灣求職者分享自己的故事，指求職期間因為HR的說話，而感覺自尊心受創。

點圖了解更多事主經歷：

+17

+16

延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導

事主分享：

「唔知係我太敏感，定玻璃心，所以先會覺得受傷。話說我5月嗰陣，見咗份工，間公司係科技相關嘅公司嚟，我本來都幾鍾意，同面試官都傾得幾開心，佢話如果請我，7個工作天內會畀個答覆我，結果我等咗兩個星期都無收到電話，就諗住應該無希望，呢份係我最後一份見嘅工。

到咗6月初，我突然收到嗰間公司嘅電話，HR話因為覺得我仲有其他面試，所以先無打嚟。對方問我有無興趣Take offer，又問我有無Offer喺手，我答目前未有，點知個HR用勁疑惑嘅語氣問：『你見過咁多間都無一間有Offer？』我答咗『係』佢又再問一次：『所以你中間都無一間公司畀過Offer你？係咪？』聽到呢度我成頭問號，我心諗自己都無見好多間，而呢間公司係我見嘅最後一間。佢再問我有無興趣Take offer，我就直接拒絕咗。可能我過於玻璃心，但你都唔使咁對個畢業生啊！」

網民回應：

A/你咁樣拒絕，佢先可以通知後備嘅人，你拒絕得好啊，有啲HR廢話好多，等佢推翻所有嘢再嚟過！

B/你咁敏感，唔係好啱做科技業

C/你係後備咋，肯定係前面人走咗佬先搵你

D玻璃心無問題，只可以繼續失業

E/我就算無，我都會話有

F/雖然個HR都幾無禮貌，但你做咩拒絕人啫

G/人哋HR想搵人返工，你就只不過係搵份工，拒絕咗係你覺得煩啫，HR無嘢喎

H/真係好傻豬，做咩同飯碗過唔去啫，佢係HR啫，又唔係你主管

I/你入咗公司之後，就唔會同HR聯絡，下次聯絡就係你走嗰陣

J/人哋HR唔係懷疑你，佢係懷疑自己眼光啫

K/你咁老實嘅話，可能人工都會被減價

不必過於誠實
當你遇上與事主相同的情況時，不必過於誠實，即使沒有收到其他公司的Offer，也可以跟對方說，「不方便透露這種資訊」，始終這都是你的個人私隱，HR沒有權利要求你將真相和盤托出。我們在求職過程中，會遇到不同類型的人，即使他們的話讓我們的心感到受傷，但也不能示弱，必須展示自己的價值，讓對方知道你是個值得聘請的人。

填期望薪酬的時候，有甚麼地方要注意？（點圖了解更多）

+19

+18

即睇5個從面試失敗中學習嘅貼士：

+15

+14

延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試

⏩⏩  需要請人？立即刊登招聘廣告！  ⏪⏪