【見工面試】回答情境題被考試官質疑 事主：佢問點解唔以身試法⋯

各行各業都會要求行內人士、求職者具備「職業道德」。職業道德意指從事職業人士應該遵守的規範，不能以不正當的手法獲取利益及洩漏工作上的隱私等等，必須本着良知拒絕不當的要求。遵守職業道德正常不過，有人竟然會因此被指責。

在網上討論區Dcard有台灣求職者表示，自己最近在一次工作面試，遭遇奇怪的經歷，指自己回答情境題時，被面試官質疑：「為甚麼不以身試法？」

點圖了解更多事主經歷：

+15

+14

延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導

事主分享：

「話說我最近見咗份同股票交易有關嘅實習，面試官見我有四大會計師事務所嘅實習經驗，就問我：『如果你發現公司做假帳，你會點做？』我就同佢講，我會按照公司流程去做。面試官追問我：『如果你知道有咁嘅機會，點解唔放咗嗰間公司嘅股票嚟賺返筆呢？』我就話，根據相關規定，唔可以買入查帳客戶嘅股票，因為會牽涉到內線交易、道德等問題。

本身諗住自己咁答好安全，點知畀佢反問我：『點解你唔搵人頭帳戶（被詐騙集團以各種方式蒐集取得的他人帳戶）嚟進行交易？』我答咁樣係違法，佢竟然同我講：『又唔會畀人發現，喺出事之前賺佢一筆！』嗰陣我真係啞口無言，雖然知道面試會遇到啲道德層面嘅問題，但我無諗過會有面試官會鼓勵人答犯法相關嘅答案，我分唔清楚佢到底係想睇到我嘅應變能力，定係對佢哋嚟講，只要賺到錢就無乜所謂。

喺傾嘅時候，我覺得唔係太愉快，對方又直接話唔會請我，當住我面喺我份履歷上面寫『不錄取』。雖然喺Send CV嗰陣，都只係抱着試吓嘅心態，但既然你覺得我唔夠格，咁你點解要叫我去面試？某方面覺得自己被羞辱，但因為我無乜經驗同信心，想請問咁嘅面試合唔合理？」

網民回應：

A/咩公司嚟？一啲水準都無！

B/佢心諗呢個人孭唔到鑊，唔請

C/好彩你最後無Offer，唔係下年你可能連Po都出唔到

D/呢啲公司唔好做啦，可能佢哋係做緊啲非法勾當

E/佢擺明故意羞辱你

F/你太正直，唔啱佢心意，唔請

G/請你仲得了，咩都畀你爆晒出嚟

別為求職 斷送前途
各間公司及行業都有屬於自己的職業道德守則及罰則，違反規定很可能會被譴責、暫停或開除，甚至令自己的職業生涯蒙受損失。以香港會計行業為例，香港會計師公會應用《專業會計師道德守則》，基本原則包括：誠信、客觀、專業與盡職、保密及專業行為。若然會員被發現違反守則，可能要接受暫時或永久性取消會員資格、暫時或永久性吊銷會計師的執業證書，及最高罰款500,000港元等處分。千萬不要為了一份工作，而斷送自己的前途。

畢業後的首份工作，原來對職業生涯有很大影響？

+22

+21

即睇6個在職場Say No的技巧：

+24

+23

延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試

⏩⏩  需要請人？立即刊登招聘廣告！  ⏪⏪