【見工奇遇記】見工預咗被壓價 點知被HR質疑:你expect太高喇

【見工奇遇記】見工預咗被壓價 點知被HR質疑:你expect太高喇

求職期間,每逢需要填寫期望薪酬(expected salary)時,腦海總會經歷一些翻騰,思索應該要高一點避免自貶身價,還是低一點增加競爭力。求職者與僱主雙方皆是尋價者(price search),前者力爭優厚待遇,後者則試探薪酬底線。

無論如何,普遍求職者已經預料僱主會「壓價」,但「壓價」過程或會影響企業在求職者心中的形象。最近,社交媒體專頁「奴工處」有一投稿,一名求職者表示曾經在面試期間遭面試官無故責罵,而原因竟然是期望薪酬?

延伸閱讀:【見工奇遇記】去甲級寫字樓面試竟發現… 打工仔爆HR前言不對後語超伏!

即睇事主分享及網民回應:(按圖了解)

事主:見工叫我填expected salary,見到之後突然戰鬥格鬧我點解寫咁高。其實我都係跟返年資寫,冇寫多寫少。咁話明係我expected,唔通你認為有人expected salary會寫最低工資,個個唔使出糧,返工為興趣咩?你壓我價一回事,我亦都預咗,但係見工期間突然鬧人,就顯得你人品同EQ都好有問題。

網民:畀唔起人工就過主啦。
網民:即係呢個人隨時跳掣,你要小心!
網民:唔係我expect太多,係你公司畀唔起。
網民:都未請你,佢咩身份?鬧咩?
網民:如果見工被人鬧,應該即刻閃啦,份工見得成都唔方好做啦。
網民:咁直接問返佢,咁你想出幾多呀?
網民:呢個係考驗!試吓你啫!
網民:同返佢講,畀唔起錢唔好嘥我時間,之後走。
網民:我細個見工,曾經見過話好想請我,好鍾意我,見幾次,但話我expected太高,叫我減價,簡直waste my time!
網民:見工如果被HR鬧,我係會鬧返佢轉頭。
網民:我試過開價26,000,佢打嚟開17,000,我心諗你打嚟混吉就咪phone interview啦!
網民:我會填現職薪金,如果平手一定要有更優厚條件我先至會轉職;如果對方畀唔到亦無謂嘥大家時間。

眾斥面試官無理 打工仔:未聘請有權鬧人?
眾網民對面試官舉動感譁然,一面倒支持事主說法,支斥面試官行為不要得。其中一名打工仔質疑面試官責罵事主的理據:「都未請你,佢咩身份?」此話暗示求職者與企業在未進入僱傭關係時應平起平坐,另有人和應指面試期間擺官威,「份工見得成都唔方好做」。

多人認為該企業對求職者毫無誠意,浪費大家時間,同情事主受了無量良企業的責罵。從留言可見,許多打工仔曾在求職期間遭「壓價」,大多數人對此行為表示反感,可見企業在尋價過程應合情合理,更要有禮地對待求職者。

填寫期望薪酬時,參考以下5大貼士,遭壓價時也能更好對應!(按圖了解)

遇見無禮面試問題,可能係遇到企業採用壓力面試模式,以下有15條常見壓力面試題目,不妨參考一下啊!(按圖了解)

延伸閱讀:【見工奇遇記】被問「入職後會否辭職」點答好?網民:邊有人面試會提⋯

延伸閱讀:【職場熱話】為咗見得成份工 你講過咩大話?網民:我唔介意OT!

延伸閱讀:【見工面試】求職者被指人工叫價好進取?HR:可能上司都Underpaid

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告