【見工奇遇記】數人同場面試但唔係見同一個位 事主:老闆遲兩個鐘做場鬧劇

【見工奇遇記】數人同場面試但唔係見同一個位 事主:老闆遲兩個鐘做場鬧劇

面試是企業向求職者展現公司文化的第一扇門,如果求職者見工期間感到不悅,即使獲聘,入職意欲也會大大降低。「莫道你在選擇人,人亦能選擇你」,正如歌詞一樣,企業與求職者皆可作出抉擇。良禽擇木而棲,如果僱主處理面試已經展現無禮的一面,相信絕大部分人皆不會選擇於該公司工作。最近,有名打工仔在「香港討論區」詳文描述其某次的見工奇遇,該公司老闆竟然遲到兩小時,更將一眾無關的求職者放於同一面試場地,更發表冗長「偉論」,事主決定中途離場。究竟事件如何,請看下文分解。

延伸閱讀:【職場熱話】面試被問星座 HR:OO座就係麻煩 打工仔盤點見工奇怪問題

即睇事主分享及網民回應:(按圖了解)

事主:幾年前我見過一份工在九龍區,一上到去HR帶咗我去一間大會議室,一入到去,會議室已經坐咗七、八個人,全部都係來見工嘅。

事主:開頭我以為呢七、八個人都係同我一樣見同一個職位,點知之後先發覺,原來呢七、八個人係應徵緊四、五個不同部門嘅職位。

事主:一大班人喺會議室等咗大概兩個鐘,公司個老闆先施施然行入嚟,然後呢個老闆就開始發表佢嘅偉論,講下佢點樣白手興家,講下佢公司有幾勁。

事主:狂吹咗大概一個鐘,我見到班應徵者好多已經個樣唔係好耐煩,點知道個老闆講完,戲肉先開始。

事主:呢個時候,個老闆就逐個問,應徵者有無信心可以做到佢咁成功,又話無邊啲特質嘅人唔適合入佢公司做。睇到呢度,大家會唔會以為佢係請sales或保險經紀之類?

事主:大家估錯喇,在場嗰班應徵者係見工程、財務、船務、IT、市場部、生產部等等嘅職位。喺呢個時候,已經有一個應徵者頂唔順起身出咗去。

事主:我當時都想走,但諗深一層,橫掂一場嚟到,睇下佢做咩馬騮戲都好,於是我就繼續坐喺度。

事主:跟住個老闆就當住全世界面,逐個問有關個人背景等私人問題,例如:你以前喺A公司做,點解離職?你以前讀某某大學,但呢間大學麻麻,點解你唔讀另外一間呀?你結咗婚㗎喇?使唔使趕住放工返屋企煮飯㗎?

事主:個老闆是順住一個一個人咁問,問咗兩個人,見佢哋個樣好尷尬,但都答咗佢嗰啲問題,我係排第四個,當條友問完第二個後,我已經忍唔住起身走人。

事主:有另外兩個人見到我起身佢哋又起身,三個應徵者離開現場。留喺房裏面嗰幾個人最後點呢?我就唔知喇。

事主:總結係,呢啲完全唔識尊重員工嘅衰老闆,入到去都無可能做得開心,請我都唔會做。

網民:想搞talk show搵人聽佢講嘢,無人理佢,最後就以見工為名達到目的!

網民:有咁多部門,公司應該唔細,嗰條友可能係老闆搵條傻佬玩你哋。

網民:成件事十足以前啲港產笑片,但當事人肯定笑唔出。

網民:咁似傳銷公司叫人落疊咁……

網民:不過呢啲老闆跟唔過。呢類人,佢唔會當其他人係人,其他人只會係工具。

網民:走得好,以為自己份工好巴閉,唔識尊重員工,入到去一定做死你!

網民:佢可能做壓力測試啫!

網民:咁唔尊重人私隱,其實唔爭在錄影埋剪完放上YouTube可以呃view數。

網民:其實如果唔係趕時間之後有其他事,點都留低同佢玩下。

網民:不過諗深一層,一般工作要應付好多人,同部門嘅人,其他部門嘅人,仲有客,而呢間公司超簡單,只要應付老細一個人,你氹得佢開心就乜都得。

面試時間不應冗長 求職者應同獲尊重

話雖僱主是出資一方,地位較受薪一方為高,但擺出一副高高在上的嘴臉不斷吹牛、肆無忌憚詢問他人私人事並予以評價是十分令人討厭的行為。大部分網民皆認同事主中途離場的決定,有網民更指公司老闆只欲「刷存在感」,因而透過面試強迫他人聽其講話。

實際上,每個人時間均有限,並非整天只有見工面試一個環節,有網民直言對該公司老闆遲到兩小時非常離譜,而詢問求職者前發表無關痛癢的言論完全不尊重求職者當天的個人行程。英國人力資源公司Reed曾發文指出,理想的求職面試長度應介乎於45至60分鐘之間,以便求職者與僱主雙方有充分理解。

根據事主描述,該公司的香港辦公室,未計算生產部門,有約百多名員工,並非小型公司,呼籲其他人小心。另有網民建議,假若求職者面對類似問題,應該與僱主「玩到底」,例如明確指出與舊老闆不合而離職,「叫佢醒定啲唔好搞到我唔高興」。

人人皆有選擇職場的權利。如要快樂地工作,各人必須互相尊重。

延伸閱讀:【職場熱話】普通文員要做會計?打工仔不忿被炒 招聘應說清工作性質

延伸閱讀:【見工面試】薪酬談判6大原則 切忌馬上SAY YES 別直接SAY NO?

延伸閱讀:【求職兩難】口頭接受offer後獲悉有更好機會 求職者怕反口惹人討厭

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】普通文員要做會計?打工仔不忿被炒 招聘應說清工作性質

  • 【見工面試】見工做Written Test開Google算唔算出貓?網民反應兩極

  • 【見工面試】打工仔煩惱應否申請曾拒絕的工作 僱主可保留求職者資料多久?

  • 【職場熱話】想射波唔返工 會前一晚決定還是當日先決定?

  • 【職場熱話】一人一個辦公室生存貼士!網民:千祈唔好同同事做朋友

  • 【職場文化】點解一定要離開comfort zone?打工仔:邊有人追求辛苦?

  • 【職場熱話】新工二選一 最後揀咗份壓力大兼同事差 好後悔…

  • 【求職兩難】口頭接受offer後獲悉有更好機會 求職者怕反口惹人討厭

  • 【職場熱話】老闆收工單獨約食飯 點樣推先好?網民:屋企人大廈有人確診

  • 【職場管理】4個培養積極工作環境嘅關鍵

Jobs You Maybe Interested In

刊登招聘廣告