【花紅雙糧】打工仔年尾辭職被告知無Bonus 公司有無犯法？僱傭合約咁樣講！

所謂「花紅」（又稱「年終酬金」、「Bonus」）是指僱主向員工發放，不設固定金額的一次性獎金。為了可以得到這份年終酬金，打工仔都會盡心盡力工作，即使有意離職，也會等到穩袋Bonus，才正式提出辭職。不過，現實中總有例外，有打工仔向Facebook專頁「奴工處」投稿，指自己太早辭職，被HR通知將未能獲得Bonus，令他感到困惑：「可以這樣的嗎？」

點圖了解更多事主分享：

+11

+10

「話說公司平時十二月出花紅，因為辭職要兩個月通知，我諗住自己做到一月，拎埋花紅先走，所以我前排就遞咗信辭職。點知我收到HR嘅Email，同我講唔會有花紅，我想問可以咁樣㗎咩？」

網民回應：

A/其實一向都係收咗錢先再離職會好啲

B/應該係出咗Bonus先Resign，Po主應該做到2月尾，唉

C/而家好多公司都係咁

D/所以點解咁多人年年大叫「出埋Bonus就轉工」樓主你真係太年輕

E/以前公司，辭咗職就連聖誕抽到獎都唔畀

F/當交咗學費

G/你真係天真爛漫

H/Bonus前面多數有個「discretionary」嘅字

I/好正常！正常HR都唔會提

J/有啲公司會出文件講，幾時之前辭工無bonus，無嘅話都係收到先辭工

K/你先君子，佢咪後小人，錢銀嘅嘢，未落袋真係唔好咁大方

不向辭職員工發放Bonus 是否違法？
對於事主的分享，網民都笑指他太年輕，經驗不足，才會在未獲得花紅前辭職。有網民表示，部分公司會在合約列明，在甚麼時候辭職會未能收到花紅，為保障自己的利益，普遍都會在花紅到手後正式向僱主辭職。

根據《僱傭條例》，沒有明文規定要求規定僱主要支付年終酬金，包括雙糧及花紅。僱員能否享有年終花紅，就視乎僱主及僱員的協議而定。以事件為例，如果僱主在僱傭條款內包括這個款項，僱主就必須履行這合約條款，向僱員支付年終酬金。

有年終酬金相關的問題，可以怎辦？（點圖了解更多）

+10

+9

即睇離職的Do’s and Don’ts：

+8

+7

延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質

最新專訪片︰

智將情侶Cherry李星熲 離開100毛往外闖做Slash創業：「我以前真係好怕醜！」

⏩⏩  需要請人？立即刊登招聘廣告！  ⏪⏪