Next
【職涯規劃】年過40歲轉工！3個月內辭2次職！打工仔反思：係咪我太唔捱得？
【職涯規劃】年過40歲轉工！3個月內辭2次職！打工仔反思：係咪我太唔捱得？
2024-10-29
孔子的《論語·為政》提及「三十而立，四十而不惑」，意指在30歲人基本要確立自己人生發展方向；到40歲，人應該長大，不會再有困惑。在台灣討論區「PTT」，有40歲打工仔分享個人經歷，指自己離開工作多年的公司，希望覓尋合適的新機會，不過在3個月內卻先後2次辭職，令她不禁迷惑，「是否我太不能吃苦？」
點圖了解更多事主分享：
事主：「自我畢業以來，每份工作都做超過3年以上，最近一份工作做咗足足10年。但由今年9月起，我決定轉職，好快就搵到工。
第一份工作面試嗰陣，HR講到明話唔會OT；結果我入職後，發現老闆好鍾意喺就嚟收工嗰陣先搵我開會，開完會都好夜。事實上，我已經結咗婚，有小朋友要接送，覺得呢份工真好唔符合我要求，所以只係做咗幾日就走。
到第二份工，公司係新創公司，但我入職嗰日電腦都冇部，甚至連登入帳號都未有；雖然話返工時間好彈性，但第一日入職，半夜就已經收到上司嘅訊息，內容係講公事。諗過之後，我決定辭職。
我有諗過係咪自己太過唔捱得，但以我之前嘅經歷，我相信自己好有耐性，又有抗壓能力；但我最近連續返嘅兩份工都唔順利，到底係我太唔捱得，還是間公司有問題？」
網民回應：
A/收工做嘢當積福。
B/見你份履歷密密，覺得一定好難搞，HR就即刻當睇唔到。
C/半夜Send嘢嚟都好正常，你咪扮瞓，等第二日返公司先處理。
D/公司啲人一定好錯愕，點解年過40歲，啲人仲係咁唔捱得。
E/我諗你係太耐冇搵工，唔知而家個情況係點，下次面試提返呢啲要求出嚟。
F/捱唔捱得，要睇公司嘅待遇同工作內容係點。
G/你唔係唔捱得，只係缺錢，有好嘅人工，就冇問題。
H/唔係唔捱得，而係你啲能力用得太耐，冇成長過，所以搵親都係伏工。
I/因為你結咗婚，生咗仔，知道人生有更重要嘅事，嗰份人工唔值得你半夜收公事Message；或者夜晚開會，犧牲你同屋企人嘅相處時間，我以前返過間公司，老細唔準我哋OT。
J/你做嘅決定都正常，只要你接受呢啲無理嘅要求，對方就會繼續。
K/唔係你唔捱得，只係你唔適合呢啲公司，尤其係新創公司，7成都捱唔過5年，建議你好掂呢啲公司。
L/你好清醒，冇奴性，係好事嚟。
M/唔會啦，呢啲公司有問題，早走早着係啱嘅。
面試時提出要求 省卻個人及公司時間
對於事主的分享，網民都提出不同的意見，有人認為在辦公時間以外，透過訊息談公事，實屬正常事，只要裝睡，下一個上班日再解決就好。有的指事主太久沒有求職，不了解現時公司環境所致。
對於事主的狀況，有網民安慰事主，指因為她已經踏入新的人生階段，明白家人比工作重要，所以才會作出這樣的決定。隨着人的年齡及處境變化，對於公司及工作的要求都不一樣，是非常正常的事。最重要的是打工仔在面試時提出個人要求，省卻你與公司的時間。
工作量太多應該怎麼辦？（點圖了更多）
即睇入職一個月內要做的10件事：
延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!