【職場禮儀】FG入職一星期join公司party 飲醉酒失態兼疑似非禮HR!

【職場禮儀】FG入職一星期join公司party 飲醉酒失態兼疑似非禮HR!

公司新加入的同事漸漸年輕得與自己產生代溝,有時剛剛畢業加入職場的職場新鮮人,更會做出一些令你驚訝的事!可能因為學校的文化與職場的文化有太大的不同,有些人一時之間不太懂得自己需要有一個工作的專業形象,一不小心就鬧出了很多笑話,令同事們覺得非常尷尬……

延伸閱讀:【職場熱話】員工鬧爆老細賣公司移民 網民斥:佢又唔係你老竇!

有網民在討論區Dcard上以「公司嚟咗個唔識死嘅FG(Fresh Grad)」為題投稿,指公司最近來了一個剛畢業的新同事,而因為正值中秋後,公司有一些每年都會舉辦的聚會,新同事第一次參與便盡現自己的真本性,嚇着了大家!

即睇事主分享及網民回應:(按圖了解)

事主:「公司每年中秋後嘅嗰個禮拜五都會全部人去唱K,今年都唔例外,就book咗間party room嚟玩。是咁的,嗰晚我就冇飲酒啦,見證住上星期先入職嘅FG細佬唔識死嘅驚人行為!

佢入職知道禮拜五可以去party room玩嘅時候,佢已經唔識死咁話要灌醉曬公司嘅同事!話佢自己好飲得,跟住佢嗰晚真係自己帶咗枝black label,佢話,因為自己會飲好多,驚飲晒大家啲酒,所以就自己帶咗枝嚟飲。佢由頭到尾都攞住枝酒周圍搵人飲,飲到2/3嘅時候,佢已經醉到瞓底咗。

新入職冇耐就飲到咁失態,都已經夠癲,最癲係公司HR manager同另一位同事諗住兩個一齊秤起佢去梳化度瞓嘅時候,個FG唔知做乜,竟然想郁手揸HR manager個胸,好彩畀另一個同事擋住咗!唔飲得,酒品又咁差,好心就咪飲到咁醉!仲要係同班只係相處咗一個星期嘅同事!」

網民:「都真係幾唔識死!」
網民:「同公司metoo啦!仲等咩?有人證就夠做!」
網民:「以後冇運行!」
網民:「件事都幾好笑!通常吹自己飲得嘅人都係好快收皮。」
網民:「真心癲!good luck!」
網民:「都幾誇張,其他同事點睇佢?」
網民:「想知雙方之後見面會點?」
網民:「得罪HR係咪唔想加人工?」
網民:「佢以為自己去ocamp re-u?」
網民:「好驚同嗰啲冇酒品嘅人飲。」
網民:「想打破健力士最快被炒記錄!」
網民:「最怕飲醉酒會郁手郁腳嘅人(無論係physically定sexually都係)」
網民:「笑死,希望佢第二日起身唔好記得醉嗰陣發生嘅事!」

好好管理自己的工作形象
其實,很多時畢業生初踏職場都未能好好掌握那條界線,不小心將同事當成了同學,過份展露自己的真實個性。不是說踏上職場就要虛偽做人,只是你不用時時刻刻毫無保留地讓公司的同事、上司、其他部門的主管、客戶等,知道你工作以外或許是瘋狂、愛玩、好酒的一面。

要考慮到,雖然這是公司的聯誼活動,不過因為在場人士眾多,加上你剛加入公司,未了解各人的底蘊,一來就飲醉兼做盡失態事,實在太過不智。你不知道大家之後會怎樣評價你,你私下的一面可能會令人誤會你的工作態度也是如此,你阻止不了這些閒言閒語,而你的形象就因此被定形,你說這樣多麼的不值?

所以大家都應該好好管理自己的工作形象,不應如果放縱和失態。

延伸閱讀:【職場熱話】員工鬧爆老細賣公司移民 網民斥:佢又唔係你老竇!

延伸閱讀:【見工面試】FG見完工一星期 猶豫應否打電話去問結果 網民:有機會畀人……

延伸閱讀:【職場文化】甲級寫字樓返工 時薪$60算唔算合理?想高啲人工可以做邊行?

延伸閱讀:【職場熱話】不滿被投閒置散 感自己懷才不遇 網民:有人工又準時放工仲想點?
 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【2024年職業前景】大學生注意!呢5個職業前景最好 ESG策略師月薪可達10萬?

  • 【職場熱話】辭職被公司要求檢查手機對話及相簿 網民:警察都冇權睇啦

  • 【推薦信|工作】上司唔肯寫reference letter畀下屬 搞喊同事!網民:其實有另一樣嘢咪夠!

  • 【職場熱話】斥同事雙重標準 打工仔4個月轉7間公司 網民:想搵正常職場環境嘅工難過登天

  • 【職場熱話】新工試用期只有1個月合理? 求職者:未來上司話我好適合份工……

  • 【產假申請2024】打工仔有咗BB 應該幾時同公司講?申請產假要準備咩文件?即睇懷孕後通知僱主時間及如何申請懷孕證明

  • 【職場熱話】次次食完飯個鋅盤就塞咗!HR落令禁止同事OOO!

  • 【見工面試】被問「未來5年會有咩目標?」應該點回答以提高錄用機會?

  • 【見工面試】你點解會唔做之前嗰份工?面試應該點答先唔會變成訴苦大會?

  • 【職場熱話】人工45K冇壓力但冇前景 公司減人手推「肥雞餐」賠半年人工!點揀?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow