【職場熱話】HR大呻求職者態度不知所謂 事主:搵工前睇清楚先!

【職場熱話】HR大呻求職者態度不知所謂 事主:搵工前睇清楚先!

人力資源從業員(HR)聘請新員工時,需要經過多個程序,包括:確認部門對員工的要求、核對工資預算、制定及發佈招聘資訊、收集應徵者資料及安排面試等等,想請到理想的人選實在好不容易。在網上討論區Dcard有HR大吐苦水,指最近遇上的求職者態度令他非常不解,「找工作前應該好好看清楚。」

點圖了解更多事主經歷:

延伸閱讀:【金像獎背後】為投入演員身份辭任DJ 《殺出個黃昏》鍾雪瑩:想對喜歡的事情負責任
延伸閱讀:【金像獎背後】由美術指導到首次執導《好好拍電影》 文念中紀錄香港轉變

事主分享:

「話說最近請緊人,呢個職位每年都會請一次人,嚟到第三年,我真係一頭霧水,要講咗先,唔關年齡事,唔會話係Fresh Grad就唔識,我對於以下3件事係特別不解:

情況1/瘋狂Send CV過嚟

我覺得Send兩三次嚟,怕人睇唔到,我係理解嘅,但日日Send真係會令人大減印象分

情況2/收到面試邀請,但唔回覆人

你都Send咗CV嚟,想要面試,人哋請你去面試,你都仲唔覆,咁到底點解要Send CV嚟?我真係唔明喎,你搵到另一份工,都至少要有禮貌講聲啊!

情況3/搵工嗰陣,只係睇標題,唔睇內容

個部門要搵咩嘢人,個網已經寫晒,一個職位會有唔同嘅工作內容,點解唔好好睇清楚先,要喺面試問埋啲相關嘅嘢浪費時間?

其他只係單一事件,我就只係簡單講吓,例如:

-面試嗰陣分享唔係真嘅內容

-面試後要2個星期後到職,但辭職要搞個半月,重點係嗰個人未同公司辭職

-Send CV過嚟只係想話畀人知,自己有接Freelance

-份CV好兒戲,一面試就知唔係佢本人寫

大家可能覺得無乜嘢,但希望大家可以有良好嘅態度去做求職,唔好咁自我中心。」

網民回應:

A/吓,日日Send都唔得咩!

B/情況2,公司唔叫我面試、唔請我,都唔會Send感謝信畀我,咁點解求職者都要覆

情況3,公司都好鍾意唔睇清楚人哋份CV,就叫人嚟見工,結果面試嗰陣咪又係玩個求職者

C/呢啲就係HR嘅價值所在,每個人都咁有規矩仲要HR嚟做咩,部門阿頭自己做晒咪得

D/你個人都幾玻璃心,好心你就唔好做HR,呢啲嘢根本就係HR應該要做嘅工作,點知你哋打嗰啲工作內容係咪真,定想呃人入去做

E/你要求職者覆HR,但公司可以唔覆求職者

F/雖然話我而家係學生,半工讀緊,但我面試嘅時候,會問吓對方工作內容,問吓平時返工會做咩,因為我真係遇過網上招聘內容同現實完全唔同

將心比心是必須
面對事件中HR的論點,網民都不禁反駁說,這是HR要肩負的責任,要是承受不了,就不要抱怨人力資源的工作辛苦;事件中的HR,還是回覆的網友都有他們的道理。無論你是求職者還是HR,只要將心比心、互相體諒及尊重,在做出每個行動前,都先三思行動帶來的後果,相信就能夠減少互相不滿的情況。

求職者最常講的大話是甚麼?(點圖了解更多)

 

即睇4大見工要爭取的事項:

延伸閱讀:【星級斜槓族】《全民造星IV》咖喱黃雅慧專訪 16歲曾有入女團機會 棄醫生高薪厚職追夢 「完全無後悔!」
延伸閱讀:【廚師奮鬥史】入行逾30年從「𡃁仔」變成主廚 凱悅軒黃皓勤:缺乏人才或導致粵菜技術失傳

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;