【職場熱話】離職即背叛老闆?網民:曾被恐嚇「唔使指擬再撈呢行」

【職場熱話】離職即背叛老闆?網民:曾被恐嚇「唔使指擬再撈呢行」

當打工仔加入公司團隊,成為當中一分子,就要努力將心思放在工作上,做到盡善盡美;可是「天下無不散之延席」,打工仔離開本來的公司實屬正常的事情,竟然有老闆認為這是一種背叛的行為?在網上討論區Dcard,有打工仔發起有關離職時老闆反應的討論,當中有網民回應指自己曾被前老闆恐嚇:「別想能夠再在這個行業工作。」

點圖了解更多事主經歷:

延伸閱讀:【面試攻略】見工被問上一份工離職原因 6大模範答案得HR歡心
延伸閱讀:【職場英語】學會英文客套話 不再被字面誤導

事主分享:

「我從來都覺得返工只係賺錢嘅方式,可以同到同事做朋友,係Bonus,遇到好老闆、好同事要好好珍惜。如果喺工作嘅時候,累積太多唔開心嘅事,就只可以選擇離開本來嘅崗位。

曾經有個老闆係做房地產,後來搞同本行無關係嘅初創公司,佢睇中我嘅專業,邀請我加入佢嘅團隊,但佢仲係維持喺老一輩嘅思維方式,仲會對我指手劃腳。起初我會嘗試同佢溝通,但後來就放棄咗,覺得老闆想點就點,因為佢始終都係出糧畀我嗰個。我尊重佢,交返畀佢決定所有事,成效唔合心意,佢就將所有責任推晒畀我,久而久之變成咗一個惡性循環,最後只好辭職唔做。

提出話唔做嗰日,佢露出不可思議嘅眼神望住我,我同佢講,我諗得好清楚,仲同佢講埋未來交接嘅事,佢當時話「就咁先」,之後又搵我部門上司、經理嚟同我傾,而我立場好堅定,佢哋都無可奈何。我喺離職當日,老闆仲特登提醒我,話「行頭好細,名聲唔好嘅話,好難搵嘢做!」好似只要提離職,唔理個老闆係想留你,還是覺得你走唔走都無咩所謂,個老闆都會覺得你背叛咗佢。

嗰刻我突然諗返以前另一個老闆,喺我走嗰陣,佢捉住我隻手講:「好多謝你喺呢段時間嘅幫忙,如果未來想返嚟一齊做嘢,隨時Send訊息畀我,要記住呢度永遠都歡迎你!」就算係演戲都好,兩個老闆嘅表現高下立見。」

網民回應:

A/有啲老闆真係好鍾意情感勒索,會同你講:「我無虧待你,你咁對我好無品」,之後仲會用你嘅未來職業生涯恐嚇你,話:「圈子好細,就算你走咗都好,我哋始終都會再遇返」

B/我都好討厭呢種老闆,以前我走嗰陣都試過畀前老闆威脅「唔使指擬再撈呢行」真係唔明點解離職就好似背信棄義咁,反正可以離開啲咁嘅老闆,真係萬幸

C/都係為咗賺錢啫

D/好多惱羞成怒,畀面色人睇嘅老闆,都係因為無自知之明,唔知自己公司唔夠好,啲員工先會走,結果最後就要為難啲員工,真係慘

E/我想話,我就嚟唔做,見到呢篇真係好驚個老闆會咁樣情緒勒索我

F/「你而家走人哋唔會覺得間公司有問題,只會覺得你有問題」我理得佢講咩,快啲放我走,好彩我走咗,我走咗之後又有三個人走咗,唔記得講我公司好細,包埋老闆20人都唔夠

了解原因 對症下藥
當員工請辭的時候,作為老闆應該與員工進行商談,了解一下員工選擇離開的原因,並提出建議去挽留員工,並非如上述事件的老闆一樣「恐嚇」員工。這個舉動,或者未能夠有效地留住人才,但至少老闆能了解到員工離職的真正原因,同時作出改善,減低未來有更多人才流失的機會。

如果上司企圖拖延Last Day,員工可以怎樣做?(點圖了解更多)

 

按圖即看9個負面離職理由:

延伸閱讀:【見工奇遇記】問職業前景卻被面試官黑面?求職者衰講多咗●●兩隻字
延伸閱讀:【見工面試】求職者常遇到的4類測試

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;