【職場熱話】部門全女班欺負新人男同事 應否出手幫忙?網民:你幫唔到幾多!

【職場熱話】部門全女班欺負新人男同事 應否出手幫忙?網民:你幫唔到幾多!

俗語有云「新嚟新豬肉」,職場新人剛到新環境,難免會有人生路不熟,需要討好前輩,才能夠在辦公室存活。若然新入職的人將就前輩乃屬平常事,旁觀者是否不得𪘲牙聳䚗?在網上討論區Dcard,有打工仔指自己的部門都是女人,有女前輩欺負男新人,苦惱自己是否應該出手幫忙,網民都提出意見:「你幫不了多少」。

點圖了解更多事主經過:

延伸閱讀:【面試攻略】見工被問上一份工離職原因 6大模範答案得HR歡心
延伸閱讀:【職場英語】學會英文客套話 不再被字面誤導

事主分享:「我自己本身入職唔算好耐,一年都未夠,雖然我已經脫離咗新人行列,但就未稱得上係資深。最近有個男仔新入職,全條Team得佢一個男仔,當中尤其有兩個老Seafood特別鍾意蝦佢。

所講嘅蝦佢,唔係話普通搬搬抬抬,做吓跑腿嗰種,係會特登整亂佢張檯,搞亂晒佢嘅文件同私人物品咁,仲會提出一啲不合理嘅要求,好似會叫佢朝早六點半返Office打掃咁,我見到就覺得呢啲行為好唔Make Sense。有幾次就算老闆經過,見到呢個情況都無理到,我又唔敢舉報佢哋,怕舉報咗無人理,我可以點,係唔係應該出手幫忙?」

網民回應:

A/係唔係個樣生得好好蝦?我都想入全女Team

B/你可以選擇對佢好啲

C/你就唔好理人哋咁多啦,做好自己本份就得,佢畀人蝦的話,佢應該要學識點先可以唔畀人蝦,點都要有能力可以反擊先係,就算係職位最細嗰個,佢都可以好寸,其實你自己都係愛莫能助,即使你幫得到佢,都幫唔到幾多,呢啲嘢係要自己去領悟同醒覺,否則佢就成世人都畀人蝦,一世人都升唔到職,一世都唔可以出人頭地

D/我係好奇佢哋點解要咁做,同埋想知個男仔知唔知道

E/如果我係個男仔,我實會報仇,只係附和同妥協,其他人會得寸進尺,不過每間公司都有衰人,要睇吓情況先

F/畀女圍,好羡慕

G/你試吓私下提吓佢,記住唔好畀人見到,提佢可以唔使下下都接受,可以Say No,不過要睇吓佢自己本身喺職場做咗幾耐,旁人最多只係提吓佢,最後點做真係要睇佢自己做法

H/你或者對佢好啲,指點吓佢,我以前都係咩都應承人哋,點知最後唔識安排時間,做唔晒啲嘢,搞到畀人話

學會拒絕避免被欺負
如網民所說的,事主在這方面幫不上忙,只能夠靠男新人自行處理。書籍《怪物新人必修的職場說話課》有傳授三個拒絕別人的步驟。首先,你要向對方表明「我很想幫你」的態度;然後,說明自己拒絕的理由,例如:「可是,我已經有安排」、「可是我的職權做不了甚麼」。到最後,你可以誠心向對方提出建議,例如:「你可以到那裡,找誰幫忙」。書中提到,大部份人拒絕別人的時候,只是做到第一步或第二步,但其實第三步是最重要,因為這樣才能讓對方感受到,即使你拒絕他,而你仍然關心他。

在工作時拒絕別人,還有甚麼方法?馬上參考以下6個技巧!(點圖了解更多)

 

點圖即看7招避免被上司、同事誤會!

延伸閱讀:【見工奇遇記】問職業前景卻被面試官黑面?求職者衰講多咗●●兩隻字
延伸閱讀:【見工面試】求職者常遇到的4類測試

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;