【職場熱話】與老闆人緣好而被同事利用? 同事:我做漏嘢但報咗你去問責

【職場熱話】與老闆人緣好而被同事利用? 同事:我做漏嘢但報咗你去問責

職場人際從來是打工生涯的一種學問,若能與上級維持良好關係,工作或會更平步青雲,但也可能惹來同事閒話,甚至被人利用!最近,有一打工仔到社交媒體專頁「奴工處」投稿,表示其同事工作出錯,但打算利用事主人際關係卸責。

延伸閱讀:【職場熱話】新工未過試用期收喜帖 職場新人:打招呼都無10次

即睇事主分享及其他網民回應:(按圖了解)

事主:有個同事做漏嘢,之後同我講:「大老闆錫你,所以我報咗你上去問責,記得以後唔好再提呢件事!」食咁大隻死貓,我應該點做?

網民:大老闆咁錫我,我爆響口,你估老闆信我定信你?!

網民:一定要搵齊證據,搵公司個喇叭口、大聲公訴苦,唱到全公司同大老闆都知佢誠信有問題!

網民:我幫你同老細講,你做漏嘢係真心唔係特登,叫佢唔好問你責!

網民:咪同大老闆講:「多謝老闆叫我上嚟畀我解畫,我會好負責任咁講,呢單嘢唔係我跟開。」配埋卸膊操。

網民:告發佢啦,仲使擇日?

網民:將真相講出嚟!

網民:梗係要做個誠實嘅好下屬!

網民:印齊supporting documents先,再solve out埋件事。

網民:老細咁錫你梗係篤佢哋啦,棄暗投明!

網民:睇吓老闆信唔信係你做!同事落得你一次藥,就會有第二次!

網民:屈得一次就會再有下次!即刻要大聲叫唔好,同埋話畀身邊最信任嘅老細知!

網民:我以前都以為多一事不如少一事,會無事,但事實係佢會覺得你好恰,以後咩都恰你,直接篤灰,唔使客氣,而家係佢得罪你,唔係你得罪佢。

網民:傻嘅,一個出糧畀你,一個只係共事,雖然都係過客,但一個對你好,一個事先相量都無,係咪佢話點就點先?自己諗下!

網民:請他再講多次,暗地錄音,最好WhatsApp再問清楚佢點解擺自己上檯,然後WhatsApp請佢唔好咁!對方回答了,便有實證!然後作證據向大老闆解說。

 

一人做事一人當 網民呼籲事主:告發佢啦!

眾多網民對事件嘩然,紛紛呼籲事主應盡早向上級報告相關事宜。當中一名網民提及「一個對你好,一個事先相量都無」,這件事應該毫無懸念。另有網民指,事主獲老闆信任,相信只要事主澄清便能撇開責任,真正做錯的同事就會負上應有的後果。

正所謂一人做事一人當,做錯事應承認,而非諉過於人。網民最看不過眼是,同事竟然出言恐嚇:「以後唔好再提呢件事」。不少人指「屈得一次就會再有下次」,奉勸事主說真話,不應啞忍。

網民票選辦公室10大乞人憎同事,究竟卸膊係排第幾位呢?第1位究竟係邊樣?(按圖了解)

 

延伸閱讀:【職場熱話】帶朋友入公司做 點知3個月內辭職 事主:上級畀臉色我睇

延伸閱讀:【職場熱話】買咗樓會唔會畀同事知?打工仔感言:佢哋覺得買私樓好似有罪咁⋯

延伸閱讀:【職場感受】廿年職場生涯的覺悟 打工仔的十個不

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;