【職場熱話】老細無理取鬧 斯文女同事爆發:你咁叻 自己做!

【職場熱話】老細無理取鬧 斯文女同事爆發:你咁叻 自己做!

香港打工仔出名壓力大,壓力大多來自工作、上司、同事和客戶,同時還是兼顧生活衣食住行的壓力,壓力累積起來又不懂得宣洩的話,可能會迎來爆煲的一天!而往往平時愈和善、愈平靜的人,一到爆發點時,所做出的事總會嚇人一跳!

延伸閱讀:【勞工法例】辭咗職仲有冇得拎Bonus?僱傭合約細則咁樣講!

有網民在社交平台專頁「奴工處」上投稿,分享一位同事壓力爆煲的經驗,「今日,平時一個文靜斯文,講嘢細細聲嘅女同事,因為老細無理取鬧,嬲到青筋都現埋,掃晒老細枱面啲嘢落地,好型咁講:『你咁叻,自己做!』跟住就出咗門口。」相信不少讀者讀畢後,都不禁拍案叫絕吧?很多人都覺得該女同事非常英勇,做出了自己心中所想!

即睇網民回應:(按圖了解)

網民:「令我諗起5年前嘅自己。 一直都沉默忍耐地做事,高估咗自己嘅EQ,以為自己忍唔到屎尿,都可以忍到個低B老細。點知原來越過條底線,自己真係會反檯嘅。諗起拍檯補水即走嗰下幾型,最後老細認低威留我,我都係只應承做多半個月就走, 費事以後畀條小氣鬼玩死。」

網民:「不在沈默中爆發,就在沈默中毀滅,呢個老細好彩了。」

網民:「想知後續,佢有機會獲頒英勇勳章!」

網民:「通常呢類藥引長啲,但一爆發非同小可!」

網民:「做嘢嘅人唔會出聲,呢個就係靜靜哋贏嘅意義。周圍同人講要做咩,一係做嘅唔係佢,一係齋吹。」

網民:「點解唔寫埋佢出咗門口老細嘅反應?打工仔典範。」

網民:「做得好好,英勇!」

網民:「大家食住個勢一齊爆!」

網民:「之後check到有抑鬱,唔炒得。跟手攞埋白卡投訴公司太多嘢做加重病情,人生勝利組不是夢。」

網民:「香港嘅生活環境,打工仔真係好多有核電級的壓力嘅,辛苦命嘅人應該要尊重。」

網民:「平時唔出聲嘅人只係忍,爆嗰下真係要疏散。」

網民:「所以唔好以人哋平時斯文脾氣好就蝦人。」

網民:「做得好!人善人欺,天不欺!」

要面對自己的壓力
很多人處理壓力的方法就是不理會它,以為忍一下就會沒事,以為忍一下就會過去,但其實壓力一直都在,不清理的話,就只會愈積愈多,當一天你儲存壓力的盒子再沒有位置時,壓力就會一下子爆發,就如事主的女同事一樣。

雖然有不少網民都大讚女同事英勇,又覺得她做得很好,不過現實情況是,我們不知道後續的發展,可能她會從此被針對、可能她有家庭負擔而不能辭職,只好道歉認錯、可能她衝動下辭職等,做出這事後,她會後悔嗎?雖然都有網民分享過相類似的經驗,不過這些衝動下所作的「有型」、「英勇」行為,很多時只會有一時之快,但對自己的職涯沒有太大的好處。

所以其實大家應該平時已經要好好處理自己的壓力,找到合適自己又有效的減壓方法。畢竟遇到好工作、好上司、好同事的機率比遇到衰上司、差公司的機率低,所以學習面對自己的壓力,是每個打工仔都得正視的課題。
 

延伸閱讀:【勞工法例】辭咗職仲有冇得拎Bonus?僱傭合約細則咁樣講!

延伸閱讀:【職場熱話】求職者係曾欺凌過自己嘅同學 你會選擇面試奚落佢定唔見佢?

延伸閱讀:【職場熱話】同事喺公司pantry刷牙 會唔會有啲不雅?

延伸閱讀:【辭職學問】同事計錯數 散水餅唔夠派 應該點做好?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告