【職場熱話】等出人工加花紅 點知公司將份糧畀錯同事 網民:要即刻補發

【職場熱話】等出人工加花紅 點知公司將份糧畀錯同事 網民:要即刻補發

出糧、收花紅可謂打工仔返工最期待的事,皆因工作本質就是要賺錢維持生活。假若出糧之日,戶口結餘沒有變動,你又會有甚麼感受呢?最近,有一打工仔正面對這個情況,更發現自己的薪金竟然去了其他同事的戶口裏面!該打工仔向社交媒體「奴工處」投稿,獲刊登後惹來網民討論應如何處理相關事宜。

延伸閱讀:【職場熱話】上班日與無薪假各半卻工資歸零?! 網民:啲數學跟大耳窿學?

即睇事主分享及其他網民回應:(按圖了解)

事主:話說我由3日前已經等緊幾時出糧 + Bonus,等到全公司都出晒都未到我。

終於忍唔住去問總公司會計,佢話已經出咗。最後發現,佢竟然將我嗰份入咗去隔籬部門同事的戶口。即係而家被人知道自己出幾多之餘,仲要唔知幾時先收得返錢……

網民:人哋有雙份糧咁happy!

網民:個會計炒得啦!咁都可以搞錯咩?

網民:收到嘅同事唔出聲都幾……

網民:同事應該唔知出多咗嘅係你份糧,除非你周圍同人講你未收到糧……

網民:咁都得?佢應該要即刻過返畀你。

網民:首先佢發現過錯數後,佢係有責任「立即」再過數畀你,公司問同事追返係公司的事,唔可以等公司追返份糧先再畀你。

網民:佢應該「再出一份」畀你先,再慢慢處理回收……佢堅持要收返先再出畀你嘅,勞工處見。

網民:咁有無遲過7日?有嘅,勞工處見!

網民:過咗7日就勞工處見,之後出返提佢記得要補埋利息。

網民:點解出咗咁多個月糧都可以錯……

網民:唔係出到第一次,之後電腦都有記錄咩?

網民:出糧auto pay,點會突然有一個月入錯戶口?

網民:每個月都要畀份表銀行過幾多數㗎嘛,如果份表人手做咪會錯囉!

網民:我曾經聽過HR最癲係將全公司同事人工excel send出mass mail……

網民:正面思考,起碼係入咗落同事戶口,入錯咗去陌生人戶口,就……

網民:點都都係公司責任,公司賠!

工資期滿後7天內須出糧 網民:公司應立即補救

事件令網民匪夷所思,多個留言表示對公司會計出錯一事感到好奇,當中有人感嘆「點解出咗咁多個月糧都可以錯」,認為這種低級錯誤不應存在。不過,有人則指出,企業須每月向銀行遞交一份薪酬過數表格,「如果份表係人手做咪會錯」,或可解釋為何出現這個奇事的原因。

無論如何,眾網民認為,公司不應等待另一同事歸還多發的薪酬後才向事主補發薪金,應先處理事主薪酬,然後再做薪酬回收。多人呼籲事主,「(工資期)過咗7日就勞工處見」,因為事件屬公司錯誤,事主沒有義務承擔後果。

根據《僱傭條例》(香港法例第57章),「僱主應該在切實可行範圍內盡快向僱員支付到期的工資,支付日期不得遲於工資期屆滿後七天內。」若僱主未能遵守相關規定而出現拖欠薪金的情況,僱主可被檢控,一經定罪,可處罰款港幣三十五萬元及監禁三年。

(上述部分並非法律文件。有關法例條文的詮釋,仍以法例原文為準。若遇上類似事件時,應尋求法律專家之意見。)

事主無糧出可能只係個別事件,但唔想搵工變失財,就要小心以下7種網上求職騙案的類型!(按圖了解)

如無故被剝削想辭職,記緊留意合約,部份條款依然有效!以下是3個常見離職後的限制條款:(按圖了解)

  •  
  • 延伸閱讀:【職場熱話】最惡劣打工經驗係點樣?返六日、免費OT未算嚴重 更有僱主或觸犯法例

    延伸閱讀:【勞工法例】返兼職疑遇黑店 老闆:出少咗糧會次月出返 究竟有無問題?

    延伸閱讀:【職場熱話】打工仔辭職後有感 老闆寧願高薪挖角 都不願加薪留人?

    ⏩⏩  需要請人?立即刊登招聘廣告!  ⏪⏪

    Look out for further updates on our Facebook fan page!

    Jobs You Maybe Interested In

    刊登招聘廣告