【職場熱話】畀上司鬧得最甘的一次?打工仔:撕爛我份Proposal話係垃圾

【職場熱話】畀上司鬧得最甘的一次?打工仔:撕爛我份Proposal話係垃圾

返工總會遇到不如意的事,很多打工仔都抱住「份糧包埋受氣」的態度,默默忍受不同程度及形式的欺凌行為,包括言語暴力。最近有網民在討論區分享上班被上司罵得最厲害的經驗,當中不乏人身攻擊,有人選擇啞忍避免衝突,亦有人認為「士可殺,不可辱」,當面與上司對質甚或辭職。換住是你,又會如何處理呢?

延伸閱讀:【職場英語】打工仔平均每星期講55次粗口!最常用的英文鬧人字眼係……?

網民分享畀被上司鬧得最甘的經歷:(按圖了解)

網民A:成班同事一齊入房畀老細鬧,老細嬲到扔晒啲硬皮厚file落地,有個上咗年紀嘅同事嚇到震晒。

網民B:見過有同事畀女老細鬧到喊,佢做錯嘢但唔係話好大件事,但老細真係不留情咁用粗口鬧,係咁問個同事有無帶腦返工,個同事轉頭即刻遞信辭職。

網民C:隔籬team同事交完份proposal畀女上司,上司睇完之後行去佢個位,撕爛佢扔喺枱面,大大聲話唔收垃圾要重做。我心諗條女係咪痴線,叫人重做都話畀人聽邊度做錯啊,咁樣做好型咩?

網民D:上司係咁人身攻擊,又話我廢又剩,講到我弱智咁,喺公司男人老狗眼濕濕。明明係佢架空咗我,但就話我自己唔主動去了解project個role。我又唔係管理層,你哋畀清楚指示我,要做乜咪做囉。

網民E:有次畀大老細大庭廣眾捉住嚟鬧專登落我面,件事根本係另一個人錯唔關我事,嗰排搞到我幾乎精神崩潰。隔咗一兩個月唔知係咪佢良心發現,開大會嗰陣當住全部同事面前鼓掌多謝我。

網民F:公司有個阿姐出名惡經常鬧走下屬,有個同事有情緒病抑鬱食緊藥,阿姐鬧佢點食藥都無用啦、做人做到咁不如死咗去好過、你咁廢點生存到而家、你知唔知自己係一件垃圾,成日大聲鬧+拍枱+掃野掟野落地,搞到office出面都聽到。

網民G:好多年前間公司有一個好屈機嘅sales,跟到佢就等於搵到錢,捽數捽到個下屬求佢畀機會,佢直接叫個下屬跪低,講句對唔住就唔炒佢,然後佢真係跪咗。

網民H:做vendor聽個客兩個department head互鬧鬧足半個鐘,好大聲但無講粗口,我同另外一個在場同事都覺得成件事好奇幻。

網民I:細個新入行,咩都唔識做,有唔識咪問senior囉。條八婆senior可能唔憤氣要帶新人,我同同事食飯嘅時候,佢無啦啦走過來問我係咪有公主病,成枱同事畀佢嚇到呆咗。

根據以上留言,不少打工仔都曾被女上司「鬧爆」,更揚言公司裡最恐怖的生物是中年單身女上司,皆因她們將全副心機投放在工作,因缺乏愛情滋潤而脾氣暴躁,下屬隨之成為出氣袋。如果你正與這類型的上司共事,有甚麼方法可以平安地度過職場生活呢?以下6個相處法則可能幫到你。

6個與中年女上司相處的法則:(按圖了解)

同場加映:對抗職場欺凌及暴力的6大策略(按圖了解)

延伸閱讀:【讀者投稿】返工同事日日討論MIRROR 打工仔呻:唔聽姜濤、Anson Lo埋唔到堆

延伸閱讀:【勞工法例】打工仔身體不適請病假卻因一張醫生證明與HR引發鬧戰!

延伸閱讀:【職場熱話】打工仔跳過直屬上司向上頭報告 被鬧到一面屁 網民:越級匯報係職場大忌

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場文化】幫公司賺錢先算「好員工」?5個僱主最常忽視的優秀員工特質

  • 【求職攻略】搵工變失財?網上求職騙案常見特徵及防騙貼士一文睇晒

  • 【職場英語】臨收工老細先想搵人幫手 放咗工英文點樣講?

  • 【企業管理】實行在家工作對企業的8大好處

  • 【香港人在外國】移民外國做基層工 放Break想完成工作 被指做壞規矩!

  • 【人力資源】7個使用AI招聘嘅好處

  • 【職場熱話】最惡劣打工經驗係點樣?返六日、免費OT未算嚴重 更有僱主或觸犯法例

  • 【職場共融】職場對在職母親支援不足? 5個關懷孕婦與新手媽媽的管理方法

  • 遣散費與長期服務金

  • 【人才管理】5個喺大辭職潮留住員工嘅技巧

Jobs You Maybe Interested In

刊登招聘廣告