【職場熱話】每次同事請假 上司都會發脾氣 網民:我都試過因請假差啲被炒

【職場熱話】每次同事請假 上司都會發脾氣 網民:我都試過因請假差啲被炒

各位打工仔返工努力「博殺」之餘,也要適時休息,才能發揮最好的表現。但是,如果遇到不喜歡同事請假的上司,應該如何處理呢?有打工仔在社交平台專頁「奴工處」投稿,指上司向來不喜歡同事請假,最近一次有同事請假後,上司竟然向其他無辜的同事發脾氣。有網民感嘆道:「真係唔好畀唔識管理嘅人做管理……」

延伸閱讀:【職場英語】請病假英文點寫先啱?即睇WhatsApp、Signal、電郵請病假範例(內附常見疾病英文)

按圖睇樓主及網民回應:

樓主:我哋阿姐平時經常強調「我喺度做咗30幾年,除咗年初一,我日日都會返工!」佢亦好憎同事放假,每次佢批完一個同事請假,跟住就會向另一個同事發脾氣。

近排佢發現A同事請假,於是向B同事大發脾氣:「有冇搞錯,佢放假!佢放假!佢放假!」B回覆:「有咩問題?」阿姐:「你梗係覺得冇問題啦!咁我又放囉!一齊放!唔好做囉!」

網民A:好嘢,齊齊放假!

網民B:真係唔好畀啲唔識管理嘅人做管理……擺佢做資深員工咪算囉。

網民C:冇家庭、冇朋友、冇寵物,仲要冇乜自己真心鍾意嘅嗜好先可以咁。

網民D:啲AL唔放攞嚟儲利息嗎?

網民E:通街都係呢啲咁嘅人,自己痛苦所以唔可以見到人哋開心。

網民F:如果冇得放假,規定要畀返3倍人工員工,我諗好多人就算唔放,條氣都會順好多,阿姐會唔會畀返3倍人工出嚟先?

網民G:同事係咪叫Angel?

網民H:佢鍾意做奴隸,想全世界陪佢做埋一份!

網民I:唔畀放假呀?好,一齊上勞工處囉!

網民J:工作係佢生命嘅全部,都幾可悲。

網民K:間公司原來少兩個人就運作唔到?

網民L:同我呀頭一樣咁熱愛公司,佢放假都要用公司Cam睇住我哋做嘢,然後第二日就話好似冇放過假咁!

網民M:我以前有個HR Manager好憎人去旅行,我放假去旅行期間,呢個阿姐同我Assistant Manager講想炒咗我,原因竟然係因為我去旅行!好彩我個AM阻止咗佢,話炒人嘅理由唔合理,後來個AM辭職,我都即刻跟住辭職。

其實根據勞工法例,如果樓主同事受僱滿12個月,便已享有年假,僱主在無合理辯解的情況下,不讓僱員放年假,會觸犯法例。但是,法例沒有保障員工因請假而受到的精神傷害或不公平待遇,遇到上述情況時,可能可以考慮向HR反映,或索性另謀高就。

打工仔請假必備!即睇2025年請假攻略!

全球咩地區及國家最多公眾假期?第一名竟然有成39日假!

延伸閱讀:【員工福利】近8成打工仔難清AL!全因2大障礙?Y世代鍾意瞞住老闆「安靜休假」?

延伸閱讀:【打工仔請假攻略】2025年公眾假期出爐 呢個假期請2日放9日!附2025年請假攻略

延伸閱讀:【職場熱話】同事話撞車原來係撞到OO車 網民:有醫生紙證明就得啦


最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場趨勢2024】打工仔「扮工」成常態?超過1成人計劃暑假「安靜休假」!唔敢放假因為呢個原因?

  • 【打工仔請假】告假要講理由?事主不滿上司追問原因!網民揭背後真相!

  • 【打工仔請假攻略】2025年公眾假期出爐 呢個假期請2日放9日!附2025年請假攻略

  • 【無薪假期丨勞工法例】員工請No pay leave原因無厘頭 《僱傭條例》下僱主有權拒絕申請?

  • 【語文系出路│Jupas選科】5個適合外語系畢業生嘅職業 呢份工起薪點逾3萬!

  • 【2024年職業前景】大學生注意!呢5個職業前景最好 ESG策略師月薪可達10萬?

  • 【電郵禮儀】打工仔唔同人講就直接Send Email叫人做嘢代表冇禮貌?網民:視情況而定!

  • 【轉工跳槽】拒絕Offer應否提及搵到工?HR咁樣講⋯

  • 【求職難】4成公司承認今年曾發布虛假招聘廣告!咁做嘅原因係咩?

  • 【政府工職位空缺2024】郵政署招聘運作助理員 只須中四學歷 月薪高達$15,251(內附入職要求、工作職責及申請方法)

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow