【職場熱話】打工仔跟足法例計離職日 公司竟鬧自私「你月尾走我哋好難計糧囉」

普遍公司都設有試用期，除了是讓僱主評估新入職員工的表現是否符合預期，亦是僱員審視工作環境的好機會。萬一覺得新工不適合自己，就可以盡快辭職。最近有打工仔在討論區表示「一肚氣」，皆因他在試用期內提出辭職，已跟足勞工法例訂離職日，但上司竟然鬧他自私，而且埋怨他令HR部門「好難計糧」。

延伸閱讀：【見工奇遇記】去甲級寫字樓面試竟發現… 打工仔爆HR前言不對後語超伏！

按圖即睇上司無理取鬧的經過：

+16

+15

事主：「我做緊份文職，不過有朋友介紹我去做第二份人工高啲，又可以畀我一邊讀書一邊返工，所以我趁未過試用期嗰陣遞信。未過試用期講明係7日通知就走得，但上司話佢未咁快請到人，呢排又有啲忙，想叫我幫多一個月手，糧會照出畀我。我當時未同新公司講我幾時可以返工，又覺得啲依家同事幾好，所以應承咗幫多一陣。」

「當時講好咗做到8月尾，上司早兩日問我可唔可以做到9月8號，但我已經同咗新公司講9月頭可以返工，咁我咪拒絕佢。但係上司發我脾氣話：『你返到8月尾好難計糧比你㗎喎！（因為公司出糧係計到7號）點解你做人咁自私？唔諗吓你唔做之後要其他同事幫你執手尾？』」

「明明跟份合約係7日通知，我肯幫到月尾唔係已經好好啦咩？我都未過試用期，學嘅嘢又唔多，有幾多手尾要畀同事執呀……真正要人執手尾嘅好似佢多啲囉，成日叫人幫佢做呢樣做嗰樣。如果我真係自私嘅話，我遞完信日日請假都得啦，甚至等夠7日即走都無問題。明明係自己唔夠人用，想人幫手仲要咁嘅態度，唔怪得我未做夠3個月，已經見到有10幾個同事唔做啦！」

網民意見：
網民A：呢啲人幫咗佢一次就老馮咁，人善被人欺，唔好理佢即刻走！

網民B：你應該話同新公司簽咗合約，如果遲入職要賠錢，係咪公司幫佢賠呢？

網民C：出糧點難計？使唔使微積分？咪又係除數乘數，7號出糧，截數都係月底截啦，當人低能咩？

網民D：做人要有自己計劃，你唔係人哋嘅扯線木偶，依家見到上司見真面目，好快啲走啦。

網民E：你第一次肯留多陣已經蝕咗章，公司唔夠人手關你咩事，你唔應該理佢。

網民F：呢種正一係情緒勒索，想令你產生強烈嘅愧疚感。唔好畀佢陰到，你跟足勞工法例佢吹你唔脹。

網民G：又唔係做得耐有感情，為咩要受氣？畀我就當自己無做過呢份工。

網民H：大條道理唔幫，係你自己懶好心第一次應承留低，怪得邊個？

了解勞工處《終止僱傭合約》 保障自己！
根據香港勞工法例，如僱主或僱員想終止僱傭合約，須跟足《僱傭條例》的守則。

按圖了解有關離職的條例：

+20

+19

不論是畢業生還是轉職的打工仔，獲聘後普遍都會進入試用期，記緊以下3件事，避免被潛在的不良僱主愚弄。

按圖了解更多：

+13

+12

延伸閱讀：【求職面試】Send咗50份CV、見5次工都無下文 事主：搵工好痛苦⋯

延伸閱讀：【職場熱話】人工價錢唔見得光？無比較無傷害？打工仔自覺被薪金標籤

延伸閱讀：【職場熱話】返Shift返到無朋友？打工仔呻：好難維繫友情

最新專訪片︰

⏩⏩  需要請人？立即刊登招聘廣告！  ⏪⏪