【職場熱話】員工辭職遭老闆責罵　老闆：我幫你設定好career path

打工生活當然要力爭上游，找到一份更好待遇的工作，向現職請辭屬人之常情，這無疑是對個人的職涯規劃負責任。員工對公司都有義務，但只要僱員依照僱傭合約給予符合規定的通知期，基本上已經盡好法律上的本份。最近，社交媒體專頁「奴工處」接獲一名打工仔投稿，該打工仔遞交辭職信後遭老闆責罵，內容更體現了老闆的「好心」。

延伸閱讀：【員工福利】新世界集團推行夏季4.5天工作周 保持Work-life Balance建立家庭友善文化

即睇事主分享及網民回應：（按圖了解）

+10

+9

事主：搵到份前途更好嘅工辭職，遞信後老闆話我不負責任，佢話我唔跟公司幫我plan好嘅career path行，原來公司已經幫我plan好我嘅前途，我唔可以跟自己個plan行。最後，嚇到我執嘢即日走！

網民：話聲佢知，你幫佢plan好晒佢啲資產轉晒去你名下，否則可以控訴返佢不負責任。
網民：Plan好你一世畀佢搵笨實就有。
網民：個plan就係人工得嗰少少，但係要一打十。
網民：老闆都冇跟我個plan加人工。
網民：啲老闆咁好笑嘅。
網民：你前老闆誤會咗啫，正如好多打工仔都誤會咗老闆會定期升佢職，加佢薪一樣，大多數時間都係幻想。
網民：我搵到份高人工嘅工所以辭職，個阿姐周圍講我不負責任，同期咁多人辭職，鬧我點解唔做多兩三個月先走，話人哋有心請我嘅，兩三個月都肯等。
網民：咁你就唔啱啦！走得咁慢……
網民：關佢鬼事咩，唔啱傾嘅前同事只係街外人一個，唔使理佢。
網民：即日走，脫離控制狂，最好的辦法。
網民：留人唔係遞信嗰時做，人望高處，搵到好工，經驗夠就發你圍，能夠勇而猛值得可喜。

口講無憑　挽留人才要實際

眾多網民笑言，老闆協助員工制訂職涯路向只屬笑話，只是出口術展示所謂「好意」。其中，某網民爆出一句「Plan好你一世畀佢搵笨實」，獲得多名網民讚好，顯示僱員與僱主本來就存在根本衝突，前者要求良好待遇，但後者則打算壓低薪酬成本。

一名網民表示，「留人唔係遞信嗰時做」，批評不少僱主經常忽略員工福利和發展，到人才流失時才如夢初醒，而非在日常檢視員工期望，所以不值得擁有好員工。

有人認為，事主的老闆屬於控制狂，竟然連他人的職涯規劃都要管束，更對事主即日收拾細軟的決定叫好。

想留住員工？留意以下可增加員工歸屬感的10種福利！（按圖了解）

+8

+7

延伸閱讀：【挽留人才】激勵員工助離職率降56% 調查︰有被重視感覺
延伸閱讀：【最新調查】38%企業未來3個月請人！為留人准移民僱員WFH
延伸閱讀：【職場熱話】最惡劣打工經驗係點樣？返六日、免費OT未算嚴重　更有僱主或觸犯法例

⏩⏩  需要請人？立即刊登招聘廣告！  ⏪⏪