【職場熱話】出糧出少一毫子都去同老細理論!網民:欣賞佢為自己爭取!

【職場熱話】出糧出少一毫子都去同老細理論!網民:欣賞佢為自己爭取!

出糧對於打工仔來說極為重要,因為這代表着他們辛勤工作的回報。每個月,他們都會期待着薪資單的到來,並對其內容非常關注。有些人會一對一地檢查糧單上的數字,確保沒有出現任何錯誤。甚至有些人會特別留意小數位,以確保自己得到應有的薪水。

延伸閱讀:【職場熱話】有病應唔應該返工?SL完戴口罩都被同事嫌:咳到好煩呀!

有網民在社交媒體專頁「奴工處」上以「出糧出少咗一毫子,同事走入房問老細」為題投稿分享,指自己的同事因為公司出糧出少一毫子而去找老細理論,事主覺得該同事小題大做,更加與其他同事一同叫該同事作「毫子哥」。但網民卻大部分都覺得事主與其他同事才有問題!難道為自己爭取應得的薪金都不合理嗎?問題是公司現在計少了糧!這才是問題吧?

即睇事主分享及網民回應:(按圖了解)

事主:「有個sales喺公司做咗10幾年,以前做過第一,而家條數差唔多全公司包尾。上星期佢行入老闆房同老闆講出少咗一毫子,老闆好嬲咁行出嚟拎個一毫子掉落佢枱面!跟住個sales仲喺度咿咿吟吟咗10幾分鐘,『咁真係計少咗呀嘛』係咁搏同事認同佢,然後被人改咗個花名叫一毛/毫子哥。仲走去搵老闆投訴,點知被人鬧返轉頭。」

網民:「不過咁講,原則問題。個客叫你平一毫子你都唔肯啦!」
網民:「原則問題,與多少無關,佢追返冇問題,問題係要其他人認同佢。」
網民:「原則嚟,今次一毫下次一千?」
網民:「出少咗真係出少咗,追返無問題,比起要唔要返一毫,更加重要應該係點解會少咗?人手計計錯?System setting有問題?四捨五入?四捨五入唔緊要,但如果係前兩者,今次有仔細睇知道你計少一毫,下次無計會唔會少咗一百幾十?對自己來講搞清楚點解,加話返畀你聽你哋計錯(等你哋睇吓點解,之後留意返)唔係無意義囉!同埋佢業績同呢件事無關,呢個資訊不需要。」
網民:「數還數,路還路,一毫子同一千萬本質都係錢。下次出少$10睇下你係咪真係let it go?」
網民:「老細欠薪犯法喎,唔好覺得一毫子好小事!」
網民:「你老細出多一仙畀你,佢都唔會OK啦!咁點解佢出少一毫畀同事就OK?」
網民:「我欣賞佢為自己爭取呀!」
網民:「計錯數就係錯,一毫子都係錯公司愈大數愈多,每條數少一毫子總數就會好大!有啲做假數虧空公款就係咁陰啲陰啲,以為其他人唔覺。」
網民:「明明爭取返先係道理,但係香港就變咗要畀人笑同鬧,證明點解而家香港會愈來愈差!」
網民:「佢業績第幾都好,你老闆覺得佢唔惦可以唔用佢,但出少咗糧就一定要追,你哋笑人毫子哥,你哋都唔係咩嘢好嘢!」
網民:「出少咗肯定要追返,但係有人事部的話搵返人事部好啲。」
網民:「我有同事真係為咗兩毫子入房嘈!」
網民:「睇返啲留言,好彩大部人都係正常。勞工法例規定糧唔可以出少,就算四捨五入原則上都係出少,所以我公司嘅system會round up啲數。」

拖欠工資乃刑事罪行!
文章中網民對此有不同的看法,有些認為追求應得的薪酬是合理的,而有些則覺得這個問題並不重要。然而,大部分網民支持這位同事為自己爭取應得的薪金。他們認為公司計算薪資出錯是問題的根源。

而然,拖欠工資乃刑事罪行《僱傭條例》規定,僱主須在工資期屆滿後或僱傭合約終止後的七天內支付工資。如僱主故意及無合理理由短付或遲付工資,即屬違法。一經定罪,最高可被罰款三十五萬元及監禁三年。此外,僱主亦須就欠薪支付利息。

公司董事及有關負責人須負欠薪刑責同時,《僱傭條例》第64B條規定,若有公司違例欠薪,且經證明該罪行是在該公司的董事、經理、秘書或其他負責人的同意或縱容或疏忽下犯有的,則該董事、經理、秘書或其他負責人即屬犯了相同罪行,可被判相同罰則。因此,第64B條內有關刑責的涵蓋範圍相當廣闊,包括董事及有關的公司負責人。

勞工處加強執法 打擊欠薪勞工處會對違例欠薪個案(包括有限公司董事及其他有關人士的責任)作出調查,如果有足夠證據,會向僱主及公司負責人提出檢控。此外,勞工處在調查欠薪個案時,亦會留意公司負責人在營運及管理公司財政時有否涉及其他違法行為。如果勞工處發現公司負責人涉嫌非法轉移資產、盜竊公款、藉欺騙手段逃避債務、沒有妥善備存公司帳目等,會將案件轉交警方及破產管理署跟進。

在職場中,出糧不僅僅是金錢的交換,更代表了一種公平和尊重。打工仔們通過檢查糧單上的數字,確保自己受到公正對待。他們希望每一分辛勞都能得到合理的回報,並維護自己的權益。這種對待出糧的態度提醒我們,無論在職場還是生活中,我們都應該堅持追求公平和尊重,並勇於為自己爭取應得的價值。

(資料參考:勞工處)
 

延伸閱讀:【職場熱話】有病應唔應該返工?SL完戴口罩都被同事嫌:咳到好煩呀!

延伸閱讀:【精神健康】做Appraisal被老細要求解決抑鬱症問題 網民:咁要先解決老細…
延伸閱讀:【打工仔辛酸】上司見到同事用電話瘋狂鬧爆 但一入房就淋花、煲劇!網民:佢只係靠鬧人嚟突顯自己地位重要!
延伸閱讀:【快閃辭職】新人入職當天Lunch即離職 打工仔感不滿 竟反被網民斥責?


最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【勞工法例】因母親入院昏迷 曠工一日被老細扣人工!佢有冇權咁做?

  • 【職場熱話】老細月入十幾萬 但Lunch Time竟然去做外賣仔搵外快!網民:可能為興趣

  • 【無良僱主】公司內私人物品於病假期間被僱主扔出街 網民:即刻報警啦!

  • 【2024更新|試用期內辭職】返新工4日想辭職應否寫辭職信?必須書面通知?如何寫辭職原因?

  • 【見工面試攻略2024】Interview失敗率高原來有得睇?15個跡象分析面試官/HR對你有冇興趣 一文睇埋見工面試天書!

  • 【面試攻略】見工被問上一份工離職原因 6大模範答案得HR歡心

  • 【職場貼士】新入職記唔住同事名 3招幫你解救窘境

  • 【就業市場】香港失業率維持3%!總勞動人口回升至380.78萬人!勞動市場短期內仍緊絀

  • 【跟進電郵|範例】見工後怕被HR忘記!Follow-up email寫咩好?內附4種例子!

  • 【勞工法例丨試用期需知】Probation內可唔可以請病假?放假會扣糧?畢業生必知的試用期3件事 免受僱主剝削

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow