Next
【職場熱話】公司竟然Block咗WhatsApp 搞到同事做唔到嘢？事主大嘆：我點同客溝通呀？
【職場熱話】公司竟然Block咗WhatsApp 搞到同事做唔到嘢？事主大嘆：我點同客溝通呀？
2024-04-25
今時今日，工作都離不開手機，打工仔有時更要透過通訊軟件WhatsApp與同事或客戶進行聯絡，方便大家處理職務。不過，有部分公司為會禁止員工在公司電腦開啟WhatsApp網頁版，確保公司資料不會外洩。
近日，有網民於連登討論區發文，指自己一直透過WhatsApp與客戶聯絡，傳送不同文件，但事主指公司最近封鎖了WhatsApp的網站，使自己未能登入網頁版WhatsApp，阻礙了與客戶溝通。
延伸閱讀：【職場熱話】做咗一件事激嬲咗上司 打工仔忍唔住走入廁所喊…
按圖了解網民回應：
事主：公司無啦啦block咗Web版WhatsApp，因為平時要用WhatsApp同客溝通，經常打好大段嘢畀客，又要download佢哋send過嚟嘅file，用手機嘅話會好麻煩……無得用Web版我點同客溝通呀？如果我自己搵方法破解又得唔得？
網民A：你直接同公司講啦。
網民B：如果你唔係做sales嘅話，就一定公事公辦，打工仔無理由要幫老細處理呢啲政策問題。你直接通知個客叫佢用其他方法聯絡你啦。
網民C：如果真係阻住啲同事做嘢，公司唔肯解決問題嘅話，早啲辭職好過啦。定係你公司覺得啲員工唔用WhatsApp都可以同啲客聯絡？
網民D：點解唔用Email聯絡啲客？
網民E：你直接同老細講，公司唔畀用WhatsApp有機會無咗個客，公司就會少咗生意。如果老細咁都唔畀嘅話，證明佢覺得啲客唔重要，作為員工又有咩好擔心？
網民F：呢啲情況一定係搵IT處理，公司block得WhatsApp，一係就老細覺得班員工返工時間會用嚟同人吹水，一係就怕data security問題。如果係後者嘅話，公司有咩損失隨時入你數。
網民G：建議你唔好搞咁多嘢，畀人發現分分鐘收warning，同畀人炒。
網民H：你直接同客講啦，個客有問題就同上司反映。
網民I：樓主公司應該係無預啲同事用WhatsApp同客傾公事，只係樓主同埋個客貪方便先會用WhatsApp，結論係樓主有問題。
網民J：你係咪FG嚟？公司出policy影響到你，第一時間唔係同上司反映，而係諗點樣破解？
網民K：正常公司同客溝通都要用email啦，畀大家可以official白紙黑字做記錄，又唔會驚有資料外洩。樓主你都係用返email算啦。
延伸閱讀：【職場熱話】開會畀同事Challenge 事主：明明我只係個Junior⋯⋯
帖文一出，立即引起了網民熱烈討論，部分網民表示現今社會中，工作都離不開手機，指出公司竟然推出這項政策，阻撓員工與客戶溝通，實在令人費解，因此建議事主應直接與客戶說明，要求客戶使用其他方法與事主聯絡。
有部分網民指出，很多公司為防止公司資料外洩，一般都會封鎖公司電腦連上社交網站或通訊軟件，因此網民覺得公司做法合理，更反斥事主竟想繞過公司規定，自行破解封鎖問題，隨時惹禍上身，輕則收警告信，重則遭受解僱，故此網民都一致建議事主應該用電郵方式與客戶進行聯繫，保障自己。
延伸閲讀：【職場熱話】同事習慣加班 打工仔分享：用5年時間改掉公司OT文化
按圖即看工作WhatsApp Group竟變成吹水用途：
延伸閲讀：【職場熱話】返工被同事咒要落地獄 因為無做呢件事……
按圖即看網民在私人時間時遭到老闆打電話討論公事的經歷：
延伸閲讀：【薪酬待遇】新入職同事人工高出呢個數？ 網民：人比人，比死人
最新專訪片︰
【CEOTalks】肯定員工努力 願意堅持終能獲得成功 譚仔國際行政總裁劉達民：中途放棄的話 永遠未能欣賞山頂的風景
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!