【職場熱話】公司希望員工「同步過冬」意即扣人工 網民:小朋友放暑假啦喎?

【職場熱話】公司希望員工「同步過冬」意即扣人工 網民:小朋友放暑假啦喎?

防疫政策雖保障巿民健康,但卻難以保障中小企業的營運,很多機構都在疫情持續的兩年間結業清盤,實在可惜。所以有不少公司都希望員工可以同渡時艱,但員工都要維生,都有家人要供養,如果公司以「同步過冬」為名,卻在剝削員工,這又是否能接受呢?

延伸閲讀:【在家工作】公司安排WFH全程監視無私隱!員工:去廁所都要打卡⋯

有網民在社交平台專頁「奴工處」上以「公司推出『同步過冬』計劃,得啖笑」為題,分享道:「是咁的,最近公司推行『同步過冬』計劃,講嚟講去就係要扣人工﹐連續兩個月七折出糧,但工要返足,真係賤到爆炸,最好笑又話,如有經濟困難,每個員工可以問公司借錢,上限一萬,唔係即時借畀你,要等政府資助出咗先借畀你,講緊公司over 100人,既然有咁嘅財力借錢畀同事,點解唔出返足份糧?啲高層究竟諗緊乜?」

聽到減人工、扣人工,打工仔都非常敏感,有誰想被減人工呢?而且事主公司的做法又很吊詭,可以借錢,卻又不能出正常人工予員工?

即睇網民回應:(按圖了解)

網民:「咁我返7成工,佢係咪唔炒我?」

網民:「真過冬都話,最衰過完冬人工一樣過冬價。」

網民:「過冬?小朋友放暑假啦喎!」

網民:「7折人工無謂,還不如抽生死簽,7生3死,可自選死。」

網民:「又『同步過冬』又『提早暑假』,好亂啊!」

網民:「經濟唔好,啲公司就要員工同佢哋共渡時艱,好景嘅時候又唔見你公司會分錢畀啲員工?」

網民:「強制放無薪假,咁樣7折起碼唔會攪到『月薪』個銀碼,而家直接7折真心癲,第日見工畀人知一定會畀人笑到反轉。」

網民:「7折仲要人返足?邊忽同步啊?似我過埋你個冬多啲!」

網民:「即係用本身屬於員工嘅人工『借錢』畀員工『渡過難關』? 然後再賺咗政府嗰個資助?呢間公司都幾賤⋯⋯」

網民:「拎完政府資助再減你人工,自肥計劃嚟!」

網民:「生意好事時又唔見你同步慶祝?」

網民:「出7成力,做7成嘢,7成時間去偷懶。」

網民:「兩個月後推行『魷魚遊戲』,輸咗就要走。」

網民:「我公司要你清大假,但又要你在家工作,衰到極點,有啲無假扣no pay都好意思叫人喺屋企幫公司做嘢,依啲老闆塊面皮真係幾呎厚!」

 

心水清網民看穿陰謀
有心水清的網民彷彿看穿了公司的陰謀,指:「即係用本身屬於員工嘅人工『借錢』畀員工『渡過難關』? 然後再賺咗政府嗰個資助?」這公司的做法,確實令人不解。如果全部員工都有經濟困難,是否可以全部人一同申請向公司借錢?

亦有人開玩笑說:「過冬?小朋友放暑假啦喎!」、「又『同步過冬』又『提早暑假』,好亂啊!」更有網民覺得,既然人工七折,那工作時間和工作量都應該七折,這才算合理。但在這時勢下,大家會選擇無奈接受,還是毅然辭職呢?

延伸閲讀:【在家工作】公司安排WFH全程監視無私隱!員工:去廁所都要打卡⋯

延伸閲讀:【疫下創業】研製可重用殺菌口罩 洗200次仍有功效!創辦人:殺菌只需1秒! 

延伸閲讀:【疫下新常態】室內設計與VR結合 3D網上商店加強網上營銷 

延伸閲讀:【人物專訪】一種香水一個故事 以香味盛載回憶與情感 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告