【職場文化】老闆提倡準時收工 反而畀人埋怨?

【職場文化】老闆提倡準時收工 反而畀人埋怨?

現代人追求工作與生活的平衡(Work Life Balance),在求職的時候,我們都希望能夠找到一份不需要加班的工作。不過世事豈可盡如人意,在加班文化盛行的職場,能夠準時下班的工作少之有少,要做到真正的Work Life Balance並不容易。最近有台灣老闆在網上討論區Dcard訴苦,指自己提倡準時下班,員工卻不領情,更出言抱怨。

點圖了解更多事主分享:

延伸閱讀:【職場熱話】熱選5個最沉悶工作 金融業竟然佔了4個?「工作乏味但收入高」
延伸閱讀:【行業趨勢】銀行及金融業2022年平均加薪幾多?了解熱門崗位月入中位數

事主分享:「話說我目前經營緊一間小型企業,由以前到而家,我都希望每個人能夠準時收工,如果唔係太急嘅事,啲員工就唔需要趕住當日做完,可以嘅話就快啲返屋企休息。

每逢到收工時間,我都會同啲員工講,「啲嘢唔急就收工啦」。點知我噚日聽到,有位應該唔需要加班嘅行政同事,喺同其他同事傾偈嘅時候抱怨,「老闆唔畀人加班,次次都叫人快啲走,肯定係唔想啲員工拎OT錢,真係好小器。」我想話如果有OT,我真係會畀返錢佢哋,但嗰個同事次次收工時間,都係喺度掃地、執枱、倒垃圾,我都有照出畀佢。乜提倡準時返工收工嘅老闆,真係咁乞人憎咩?」

網民回應:

A/我唔鍾意OT,但如果我啲嘢未做完,我會OT做埋佢!

B/如果員工加班係合理兼自願嘅話,係絕對無問題,但如果佢單純係想呃加班費,就不了

C/我真係好憎OT,代表又要多一個鐘喺度處理工作,多數鍾意OT嘅人,都因為佢係薪水小偷,又覺得個上司好呃,反正對佢嚟講加班就係無嘢做,又有錢可以袋落袋

D/OT都要睇吓底薪有幾多先,OT錢唔多,我真係情願早啲返屋企唞

E/你公司喺邊,我想嚟見工

F/我都想要個良心老闆

G/我反而係你畀OT錢我,我都唔想加班嘅人,除非真係有必要,唔係收工時間都會即走,唔使OT我覺得好好喎

H/反正你又唔介意嗰啲OT錢,不如你搵啲對公司有意義嘅嘢畀佢做,佢又有嘢做可以OT

 

訂立完善機制 避免同樣事情發生
不少網民都批評那位員工貪得無厭,更指他如果覺得工資太低,可以選擇離職,尋求薪金更高的工作。面對這種問題,事主應該要好好與員工溝通,讓員工了解自己要求他們準時下班的理由。如果這個方法不能夠解決問題,事主就要考慮訂立一套完善的機制,避免員工無故加班,賺取OT費,增加經營成本。

怎樣才算是好員工?僱主最常忽視的優秀員工特質是甚麼?(點圖了解更多)

延伸閱讀:【職場貼士】收到Offer點問加人工?教你10個加薪談判技巧!
延伸閱讀:【辭職學問】合約於離職後依然有效力?! 3個常見離職後的限制條款

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告