【職場熱話】新工Title重唔重要？網民：人工同經驗最緊要

求職時如果能夠找到薪金及職銜均滿意的工作，當然是皆大歡喜。但現實往往未能盡如人意，到底求職時，薪金、人際網絡及職銜應如何抉擇？有網民於網上連登討論區發文，表示最近正在求職，詢問一眾網民對於求職是否應該考慮職銜的意見。

延伸閱讀：【銀行經理人工有幾高？】2024年職銜通脹問題依然嚴重？打工仔：銀行做經理先搵得25K

按圖睇吓樓主點講：

+8

+7

樓主：小弟最近搵緊工，想問吓大家覺得Title重唔重要？1. 會唔會大家都認同只要唔係Manager級別，就等於都係初級階層？例如XX specialist，XX leader，XX coordinator等等其實都係初級職位？只係聽落勁啲？2. 假如第一條你係認同Manager係比較有用嘅title，咁RA/TA/project類嘅嘢又點計？例如：Project XX Manager，Teaching XX Manager？3. 如果係有唔同title嘅工，大家會用咩標準嚟決定做邊份？人工？Title？人際？大概係問呢3樣嘢，唔知大家又點睇？

網民A：唔重要，經驗同人工更加重要！

網民B：Title對初階緊要。

網民C：如果係公營公司，Title其實唔係好緊要……

網民D：睇吓你幾年經驗，一開始出嚟做就公司名行先，之後就skillset，做咗幾年嘢就title行先。

網民E：人工到位就得。好多時Title都好有水份……

網民F：細個會重視title多啲，當然而家都想有職升，因為而家周街都係Manager，Senior Manager會好少少。睇你經驗幾多，最後都係最緊要份糧多。

網民G：唔重要，人工最重要。就算搵新工，對方都會跟據你人工去安排相對title，

而且title越低，向上升機率越大，甚至有公司而家開始冇title。

網民H：見工都係睇你人工經驗畀offer，銀行個個都Assistant Vice President啦，唔通真係總裁咩！

其實有不少網民認為職銜並非想像中重要，尤其現時職銜通脹（Title Inflation），即使是剛畢業不久的大學生，也可能獲封為經理級。有網民解釋，經理在中小企已經是部門主管，在大企業亦算是有話語權的人物。而項目經理（Project Manager）通常在大公司才有實際權力，主導涉及數百萬元的項目，但仍然是比部門主管低級；在中小企任職項目經理更與「打雜」無異。大部分網民均建議樓主考慮薪金及工作內容多於職銜，坦言「你當HR傻㗎咩？見你manager位，一定會問你睇幾多人、睇咩project，如果你手下根本冇人，叫咩title都冇用㗎喎。」

睇埋4個導致職銜通脹嘅因素係咩：

+14

+13

延伸閱讀：【職場文化】助理經理人工高過經理？打工仔質疑︰點解公司咁鍾意開大Title？

延伸閱讀：【求職攻略】5個詞語LinkedIn管理層職級常用 職稱愈長 職位愈高級？

延伸閱讀：【人才管理】HR幾個「Cheap」爆行為︰只識瘋狂壓價？

最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！

⏩⏩  需要請人？立即刊登招聘廣告！  ⏪⏪