【職場文化】歐美資 vs 中港日資公司!樓主:完全2個世界

【職場文化】歐美資 vs 中港日資公司!樓主:完全2個世界

作為一家成功的企業,優良的內部文化必不可少。企業的內部文化除了會影響僱員對工作的成就感,亦會影響他們之後的職涯發展,因此很多時候求職者都會基於公司的工作環境及企業文化來尋求理想工作。最近就有網民於網上討論區發表意見,對歐美資及中港日資的公司進行比較,並對港資公司作出猛烈抨擊。

按圖了解事主意見:

事主:歐美資同中港日資公司比真係完全兩個世界。

事主:歐美資公司喺自由、文化方面都贏哂中港日資。

事主:中港資真係唔知想點。2023年都就嚟,仲夠膽死要員工返工打卡。

事主:除此之外,心態都好有問題,準時收工好似係錯咁。

事主:返緊美資,遲返早放,仲可以Work From Home,真正嘅Work Life Balance。

即睇網民回覆:

網民:老牌英資同港資其實都係一樣。

網民:如果喺香港返工唔使打卡,應該好多人會遲到早走、食飯2粒鐘。

網民:幫德國客做嘢分分鐘仲慘過亞洲公司。

網民:真心鍾意日本嘅都一定知日本社畜文化有幾變態。

網民:以前做港資,WFH每日要寫Report做咗咩。朝早返工要Whatsapp報到,Appraisal要寫你今年做過咩出色嘢先加1-2%人工。

網民:中資最叻搵錢壓啲員工,完成目標後就用完即棄。港資日資就連錢都無,但缺點就跟足。

網民:做過外資港資中資,暫時港資係最差,遙遙領先。

網民:日資真係伏到喊,無論文化、溝通同程序都係世界級麻煩。

網民:由港資中小企跳左入美資大企。屋企人話我開心咗、笑多咗,無以前咁死氣沉沉。

網民:各有優劣啦,美資公司就炒人唔眨眼,每年Review唔過就勸你辭職。

網民:做過4至5間喺香港嘅日資,真係珍惜生命,遠離日資。

網民:我覺得主要係睇上司係點,間公司其他Team都好Chill,但之前跟兩個上司都係香港人,美資歐資都畀佢玩到港資咁樣。

網民:美資要你就佢夜晚10點開會嗰時,話知你幾Work Life Balance準時收工都無用。

網民:返緊日資,仲有兩星期先Quit得。事無大小都要搵理由解釋,唔小心做錯又要作個理由應對,無得道歉就算。

網民:外資轉港資,一個月都未返夠已經搵緊工。

認識港資企業
企業普遍分為三種:外資MNC公司、中資公司,以及港資公司。驟眼看來分別不大,但企業的內部文化你又了解幾多?簡單來說,外資MNC公司的工時較為準確、福利較好,但對求職者履歷表上的學歷和工作經驗要求甚高;中資企業的工作環境舒適,惟加班文化盛行、職場上非常倚賴人際關係;而港資公司則勝在升遷機制的透明度高,但員工福利不算吸引⋯⋯了解不同企業的內部文化再加以比較,有助求職者找到最適合自己的工作。

立即了解各國工作文化⋯⋯(按圖即睇)

延伸閱讀:【職場文化】港日韓工作文化大不同 哪個地區工作環境更嚴苛?

延伸閱讀:【職場熱話】接唔接受到返工時間唔穩定嘅工?網民:同屋企人關係疏咗⋯

延伸閱讀:【企業管理】5大超時工作對企業的負面影響

延伸閱讀:【職場文化】公司有呢2種公司文化 網民揭發原來暗藏危機!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】返工壓力大到暈 樓主:好似無一份工啱自己

  • 【職場趣聞】老闆唔畀員工討論人工 事主:點解可以咁?

  • 【職場辛酸】生活模式似倒模 樓主:無必要都唔想出街

  • 【Appraisal】打工仔注意!HR揭示3個員工在工作表現評核會犯的錯

  • 【接種疫苗】因拒絕打針失業半年 零針打工仔:仲搵唔搵到工?

  • 【人力資源】5大2023年影響員工工作與生活平衡的趨勢

  • 【職場熱話】返工有主見反遭上司白眼 台灣網友:全世界職場都這樣嗎?

  • 【卡塔爾世界盃】日本隊教練森保一無解調動致落敗 硬頸上司如何逆境求存?

  • 【求職招聘】未辭職又想搵新工 有咩tips要注意?

  • 【卡塔爾世界盃】睇波OT搞到第二朝返工無精神?5招教你健康捱夜

Jobs You Maybe Interested In

刊登招聘廣告
;