【職場文化】做地盤都可以Work Hard Play Hard?網民:好似唔使休息咁!

【職場文化】做地盤都可以Work Hard Play Hard?網民:好似唔使休息咁!

地盤建築工人一向給人一種粗獷麻甩的印象,縱使薪酬可觀,但因為屬高度體力勞動工作,因此難吸引大量新血入行。有網民於連登討論區發文,直言不解為何建築工人彷彿擁有無限體力,在每周工作6天的情況下,仍能活用餘下一天四出遊玩。

延伸閱讀︰【見工奇遇記】講出期望薪酬慘遭面試官恥笑 事主:最荒謬嘅求職經歷!

按圖了解事主睇法:

事主:「明明朝八晚六,每個星期六都要返工,標準一個星期都返60個鐘,但返到屋企好似唔使休息咁。有時星期六出街撞正地盤佬收工,佢哋好開心傾放假去邊度邊度玩咁。識個做地盤嘅星期日仲忙過平日返工,朝早陪屋企人飲茶;晏晝去踩單車釣魚;夜晚再去飯局,好似唔使唞咁。記得未有疫情嗰時,班地盤佬逢星期六晚就成班上深圳東莞揼骨,連續兩日或以上紅日就去旅行。有年復活節,由東鐵到喺深圳關嘅車全部滿哂人,當中一半男人一睇就知做地盤,可能佢哋全年得復活節先可以連放幾日。反而後生一輩(甚至唔係返6日嘅)放假寧願休息多,喺屋企執吓屋睇吓戲就算。

點解班地盤佬可以咁Work Hard Play Hard?返足6日仲有精力喺剩低嗰日周圍玩?關唔關以前成長環境事?定係份工本身收咗工真係唔使諗咁多?」

延伸閱讀︰【住屋問題】家人理財失敗 做足一世無物業、儲蓄 打工仔呻:我唔使娶老婆⋯⋯

按圖即睇網民回覆:

網民:因為精神壓力低,做唔掂可以叫Office諗掂佢。返工做一陣又飲茶,唔使無償OT。

網民:又唔使受氣,條氣唔順就搵人鬧吓,人地怕你唔做就會同你Say Sorry,就係咁簡單。

網民:因為人工係即Pay?每日收到錢嗰下覺得幾辛苦都抵,而且人工唔差,OT又畀Double之類?

網民:啲生活仲豐富過iBank仔。

網民:返工搵機會Hea,收工無責任跟嘢。次次都見佢哋未夠鐘就換好哂衫。

網民:日日操嘢梗係身體強壯,返Office工坐都坐到虧。

網民:做慣體力勞動,放假唔消耗唔舒服掛?同埋地盤佬收工就真係收工,唔會半夜畀人急Call,可以放心玩。

網民:老一輩當然係啦,識晒啲嘢又唔會俾人鬧。做得慢又無人理,搬搬枱枱就畀靚仔做晒。

網民:地盤佬一句做唔到就大哂,到時上面執Design又執到頭爆。

網民:呢啲落手落腳做嘢嘅工作唔需要諗好多嘢,比較識活在當下所以精神層面都無乜壓力。

延伸閱讀︰【讀者投稿】前輩同事帶壞新入職Fresh Grad 網民:自以為高人一等成日蝦蝦霸霸

►最新【專業服務】職位空缺

地盤工人人工幾多?
地盤工的職責分別涉及木工、電工、重型設備操作、泥水、水喉、燒焊、油漆、玻璃、鋁業等領域,而職責不同,薪酬會有所不同。據政府統計處《由主要承建商填報有關從事公營建築工程的工人的每日平均工資》(2021年10月)的資料顯示,普通工人及雜工的每日平均工資是1023.8港元,部份主要地盤工種的每日平均工資如下:

混凝土工:1731.6港元

鋼筋屈紮工:2204.3港元

金屬工:1356.4港元

普通焊接工:1435.6港元

竹棚工:1827.1港元

平水工:1352港元

批盪工:1403.2港元

玻璃工:1429.5港元

髹漆及裝飾工:1344.4港元

水喉工:1530.3港元

地渠工:1762.8港元

►最新【物流 / 運輸】職位空缺

如何入行?
想成為地盤工人,可以透過報讀香港建造學院或職業訓練局開辦的培訓課程,打下行業知識基礎,才投身建造業界工作。香港建造學院提供的建造業課程,由全日制、兼讀制到短期課程都有,全日制課程適合沒有建造業知識、只有中三學歷人士或在職人士報讀;兼讀制課程則適合已在行內工作的人士報讀,主要是技術提升課程;短期課程則適合有意轉行的待業人士報讀。職業訓練局也提供與建造業相關的學徒訓練文憑和高級文憑課程,供有意入行的人士報讀,文憑學徒的入學條件是年滿14歲和有中三學歷,而高級文憑學徒的入學條件為中學文憑考試5科成績達第二級(包括中文、英文和數學)或以上,或同等學歷,可修讀的範疇包括搭棚工、磚工、批盪工、瓦工、木工、建造機械技工、營造技術員、平水工、金屬工、髹漆工、路基機械工、喉管工和測量技術員等。

延伸閱讀:【建造業】裝修師傅、地盤工人工有幾高?有工種日薪超過2,000元

延伸閱讀:【職場熱話】返工壓力大到暈 樓主:好似無一份工啱自己

延伸閱讀:【職場熱話】高收入唔係想像中咁開心?網民:能力愈大 責任愈大


最新專訪片︰

【星級斜槓族】林正峰入行後不放棄社工身分 兼職老人院工作 盼盡一己之力關心社會 賺取穩定收入

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【轉工轉行】調查指47%中年打工仔因為想有更高人工而轉工 有咩要考慮?

  • 【AI競賽】高達80%公司正投資AI市場 惟一半人不清楚使用AI的最佳方法

  • 【職場熱話】Appraisal低分感灰心 網民:可能得罪咗上司

  • 【職場貼士】矛盾大對決 硬技能vs軟技能 邊一種可以令你搵多啲錢?

  • 【求職攻略】每4人中有1人試過搵工焦慮 6個方法幫你克服求職負面情緒

  • 【職場趨勢】近年職場最受歡迎技能 LinkedIn:有呢種能力嘅員工升遷速度快8%

  • 【職場熱話】返工不宜太上心!平常心面對就可以保持正面 網民:返工搞到有心理問題根本得不償失

  • 【讀者投稿】公司衣着要求勁嚴格 短裙、短褲要及膝、鞋要有包踭 網民:有冇風紀捉?

  • 【職場心理】一念之差改變人生 作出決策前你需要考慮的6個因素

  • 【年度評核】想喺Appraisal中爭取升職加薪?要講啲咩先啱?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow