【職場兩性】全世界WFH 員工諗住返公司拎文件 點知發現一神秘女人 原來⋯

【職場兩性】全世界WFH 員工諗住返公司拎文件 點知發現一神秘女人 原來⋯

近日確診數字屢創新高,不少企業已經讓員工全面在家工作(Work From Home,WFH),以減少傳播病毒的機會。雖然在家工作確是節省了很多交通時間,不過有時在辦公室工作會比在家方便,畢竟你難以將所有所需文件都搬到家中⋯⋯

延伸閲讀:【疫下創業】研製可重用殺菌口罩 洗200次仍有功效!創辦人:殺菌只需1秒! 

有網民在網上討論區Dcard上以「諗住返公司拎啲嘢,發現老闆⋯⋯」為題分享,指自己因為要取回某些文件而要回到公司,卻發現公司來了一個不速之客,而剛巧老闆發現事主撞見了這位「不速之客」,更是大為慌張⋯⋯

即睇事主分享及網民回應:(按圖了解)

事主:「公司一早就開始WFH,琴晚突然醒起有啲嘢喺公司但今日要用,見有時間就返咗公司拎啦。」 

事主:「公司一向都可以自出自入,咁我哋工餘時間入公司都唔使通知邊個。 上到去發現燈仲開着,以為有同事都要返嚟拎嘢。」 

事主:「點知一入到去,見到有個女人坐咗喺其中一個位度,個女人唔係同事嚟,仲要未見過。」 

事主:「我以為撞鬼!我就問佢搵邊個,我問完嗰一刻,老闆入咗嚟,佢見到我都嚇親,我就話我要返嚟拎啲嘢。」 

事主:「佢就話:『啱喇,我都有啲文件要畀你,就拉咗我入老闆房。入到房之後,佢話:『唔好同任何人講你今晚見到我同埋個女人!』」 

事主:「但其實老闆已經結咗婚好多年⋯⋯」

網民:「加人工啦,咁都唔屈返一筆,對唔住自己。」

網民:「就當真係撞鬼啦!」

網民:「可以搵定下一份工啦!」

網民:「所以點解office最好有cam。」

網民:「當見唔到囉!都唔多關你事啦。」

網民:「老闆出軌關你咩事?」

網民:「你老細都幾蠢,佢求其話係朋友或者親戚,其實就可以算,佢完全係此地無銀。」

網民:「下次見到即刻走先。」

網民:「咁冇偈,算啦!唔關自己事,唔好做啲損人不利己嘅事。」 

網民:「於是樓主post上嚟話晒畀全世界知!」

 

閒事少理
有網民覺得,既然老闆採用一個請求的態度,事主應該趁機要求加人工作為掩口費也不為過;不過亦有網民覺得閒事少理為妙,要求掩口費的話,得寸進尺只會增加自己被「炒魷魚」的風險。網民指:「老闆出軌關你咩事?」亦覺得:「唔關自己事,唔好做啲損人不利己嘅事。」

其實閒事少理為妙,你沒有任何動作的話,老闆可能會忌你三分都說不定。

延伸閲讀:【職場熱話】搵工VS辭職 邊樣難度高啲?大家會點揀?

延伸閲讀:【疫下創業】研製可重用殺菌口罩 洗200次仍有功效!創辦人:殺菌只需1秒! 

延伸閲讀:【疫下新常態】室內設計與VR結合 3D網上商店加強網上營銷 

延伸閲讀:【人物專訪】一種香水一個故事 以香味盛載回憶與情感 

延伸閲讀:【聖誕節】Speed Dating活動種類多 整蛋糕、郊遊 最受歡迎竟然係… 

延伸閲讀:【聖誕節】Speed Dating定用交友App好? 最多單身職業係工程師、醫生…… 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告