【生涯規劃】加30%人工但要搬去第二個國家 事主：怕去到新環境要重新識人⋯⋯

移民潮湧現，不少香港打工仔都希望到英美澳加等國家展開職業生涯的新篇章。近日就有網民於網上討論區發起討論，指自己現時於工作壓力偏低的的西歐國家打工，生活愜意、人工滿意。但最近收到來自英國的工作邀請，雖則薪酬比以往吸引，但融入當地環境需時，令事主心情七上八落⋯⋯

+1

樓主：依家返緊呢份工無乜人管、工作內容都滿意、人工又夠使唔使憂⋯⋯

樓主：但份新工個Offer都幾吸引，帳面上高50%，整體人工計埋Benefit同Bonus就高30% 。

樓主：不過要搬去第二個國家，雖然配套同返Office個交通同依家差唔多，但新環境唔熟路、無朋友，所有人同事都要重新出發⋯⋯

樓主：應該點揀？點都走咗先；定係Hea得就Hea，反正唔等錢使。

即睇網民回覆：

+7

+6

網民：要睇新國家喺邊先考慮到。如果當地物價比本地高，多30%但扣返生活費可能等於無加過；如果唔係都應該值得一試。

網民：After Tax 3成、仲要單身，諗唔到唔去嘅理由。

網民：仲要睇埋稅率，人工加三成但去歐洲嘅話。淨係睇錢未必有著數⋯⋯

網民：就算係英國都要睇埋係咩城市，唔同城市租金都相差好遠下。

網民：講真有錢去邊都係咁㗎啦，係睇你個人肯唔肯去接受㗎啫！

網民：呢啲地方最慘就係稅率高，依家扣埋稅都有著數就梗係去啦！至於生活成本就見人見智，你識煮飯食到你肥都仲得，不過如果唔係大城市就最好有車。

網民：試過公司叫我Relocate加升職，帳面計埋匯率高50%，但扣返晒稅同埋退休金嗰啲，其實加得幾個%。

網民：同我一樣，人工都加咗超過50%。去囉，根本睇唔到壞處，最差嘅情況咪返嚟香港⋯⋯

網民：最重要嘅因素就係家庭。如果單身寡仔就容易落決定；如果有老婆仔女帶唔帶埋好？佢哋去到嗰邊適唔適應到？

網民：只要有完善食、住、有獨立良好嘅工作環境、甚少有人打擾我，我去邊都得！

身處異國工作容易導致工作焦慮？立即了解個7個導致工作焦慮成因及克服技巧。

+20

+19

成因1：與同事發生人際衝突

成因2：不相信自己有能力應付工作

成因3：認為工作欠缺保障

成因4：時常面對臨近的Deadline

成因5：面對工作經常有難以預測的感覺

成因6：在節奏明快及競爭激烈的環境中工作

成因7：需要處理太難／模稜兩可的日常工作

克服技巧1：告知上司
雖然未必每個人都會對於這個行動感到舒適，但與你的上司傾談，可能會對減低你的焦慮有所幫助。有人可能不想在上司及HR面前，提及到自己的焦慮，因為怕自己會失去晉升機會，但你應該要了解到自己的權利，在香港平等機委員會的《殘疾歧視條例》都提供保障，讓你避免因為焦慮而受到歧視。

克服技巧2：與值得相信的同事討論
將你的狀況與感受，告訴值得相信的同事，他們可以幫助你保持正軌，若果有了解你情況的人可以幫助你，會讓你感受到更多的支持，以及降低你的壓力水平。

克服技巧3：為自己的工作設定限制
了解自己的極限，並嘗試學習在其中工作。舉例來說，情況許可一天內，只專注在一項任務，盡量不要提前考慮需要完成所有事情、與上司確定任務的優先次序，以便你了解需要完成的工作，以及可以在稍晚時間完成的工作等等。

克服技巧4：養成良好健康的習慣
雖然有焦慮症難免會導致你失眠，但請你盡量堅持有規律的睡眠習慣。盡量減少影響睡眠質素的行為，好像你對咖啡因敏感，盡量避免在有可能影響到你晚上睡眠的時間飲咖啡。文章亦都建議你吸收均衡的營養，吃包含不同營養的食物，經常做運動鍛鍊身體，亦都會幫助你控制壓力。

克服技巧5：學習正念
若果你漸漸失去注意力及集中力，深深墮入憂慮中，可以嘗試練習正念或者冥想，甚至是其他讓你可以重新集中、關注當下的練習。

+20

+19

延伸閱讀：【生涯規劃】拍拖多年事業穩定 男友依然唔肯結婚 事主：男人幾時先想定落嚟結婚？

延伸閱讀：【生涯規劃】後悔無做好Career Planning 法律系畢業生前路茫茫

延伸閱讀：【生涯規劃】考咗3次ACO都失敗 事主究竟衰喺邊？

延伸閱讀：【生涯規劃】想報master但GPA極低 畢業生：後悔無認真讀書

⏩⏩  需要請人？立即刊登招聘廣告！  ⏪⏪