Next
【求職面試】每次面試都會好緊張出晒汗 應該用咩心態見工？網民：當同人傾偈就會放鬆好多！
【求職面試】每次面試都會好緊張出晒汗 應該用咩心態見工？網民：當同人傾偈就會放鬆好多！
2024-01-22
為求讓自己獲取更好的薪酬待遇，不少打工仔都會選擇轉工，而面試可謂能否獲得工作的重要關鍵，一旦能夠在面試中發揮良好表現，獲聘的機會便會大大增加，反之亦然。因此，很多求職者都會在見工時感到相當緊張，害怕自己會錯失機會。
有網民於連登討論區發文，指自己每次求職面試時都感到相當緊張，繼而不斷冒汗，因此請教網民應該用甚麼心態面試，改善自己面試的表現，提高獲聘的機會。
延伸閱讀：【搶人才】想做職場搶手貨？公開20大最重要軟、硬技能！識數學都好重要？
按圖了解事主及網民回應：
事主：每次見工都會覺得個場所好莊嚴，所以每次面試都會好緊張而出晒汗，個心完全靜唔到。好想知大家見工嗰陣會抱住咩心態？
網民A：你諗住「其實我都唔係好想做呢份工」就得，只要得失心無咁重時，面試表現就會好啲。
網民B：當同人傾偈，個人就會放鬆好多，唔會咁緊張。咁緊張係因為你自己將成個面試變得太過正式，令你過分拘謹。
網民C：每次見工都當係一個練習演講嘅機會，同埋將面試視作為一個畀自己檢討嘅時刻，畀自己知而家做緊嗰間公司有冇幫到你實現心目中嘅職場規劃。
網民D：我都好似樓主咁，次次見工前都會同自己講保持平常心，唔好緊張，但一開始面試就會好緊張，個腦會轉得好慢、講嘢口窒窒。好好彩都有公司肯請我，所以即使你好緊張而影響面試表現，只要你個人正正常常，符合到佢哋要求，通常都會照請。
網民E：以前我間唔時會專登搵工嚟見，唔係真心想轉工，而係想知自己係市場值幾多人工，順便睇吓其他公司嘅工作環境。面試嗰陣可以練吓自己見工嘅skill同技巧，又可以學吓面試官會點樣in人。
網民F： 真係當朋友咁傾吓偈就可以，或者當了解吓行情同面試官交換經驗或者意見。如果覺得傾得幾投契，通常都好大機會請，唔啱傾嘅話就算，等另一間公司面試。
網民G：好多時見工頭幾分鐘你就已經知份工係咪適合自己或者係咪對方想請嘅人，就算知自己好大機會唔會請，都可以同面試官傾吓偈，了解佢哋公司文化。
網民H：當做戲咁做，扮自己一個好有目標、好有規劃嘅員工。大家都知面試係做戲，同埋最主要係畀你上司面對面咁望吓你，睇你係咪一個正常人。
網民I：你越想見得成嘅工就越容易失敗；自然、平常心咁見往往都係最易成功，個心態保持自然同平常係好緊要。
網民J：保持自信其實都幾緊要，就算逼自己都好，都唔可以畀面試官知你好驚，影響佢對你嘅印象。
網民K：其實面試官都知求職者面試或多或少都會有啲緊張，你只要保持禮貌同尊重，表現到你自己工作能力係合乎符申請職位就可以。
延伸閱讀：【職場英語】新入職簽Contract前必需要睇清睇楚！即睇12個合約上常見的英文用語
網民對於事主的經歷都深感共鳴，因此紛紛獻計，希望樓主可以改善面試緊張問題。大部分網民表示，在面試應保持平常心，不要將面試看待成一個過於嚴肅的場合，以及展示自己的得失心，影響面試表現，因此網民建議在保持禮貌及尊重的前提下，將面試視作普通的聊天，好讓自己得以放鬆心情，增加錄取的機會。
此外，有部分網民表示面試最緊要是保持自信，即使內心感到十分緊張亦要裝作鎮定，盡可能展現自己的工作能力是勝任工作；有着良好的溝通技巧與同事對話；表達自己渴望加入該公司的誠意，提升面試官對你的第一印象。
延伸閲讀：【見工面試丨內附攻略】Interview完幾耐先收到Offer？究竟HR出Offer有冇時限？HR︰1星期、1個月、3個月都有
按圖即看7個與面試官進行眼神交流的技巧：
延伸閲讀：【職場調查】Z世代唔受歡迎？近4成管理人員避免僱用應屆大學生！全因1個理由？
按圖即看3個讓面試留下深刻印象的技巧：
延伸閲讀：【職場熱話】打工仔見10份都無回音 感到人生絕望 網民:可能第11份會成功
最新專訪片︰
【SHE Says】打破職業性別刻板印象 平衡領袖、媽媽身分 滙豐香港首席資訊科技總監Charlotte：我有克服所有困難的自信
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!